Blader door transcripties » Stadsarchief Amsterdam

archieftoegang 342, inventarisnummer 6, pagina 7

8
Item Coptgijn Tatiken soen heeft besproken den Gast
huse een vierendeel van enen huse ende een erue dat
Ysebrant Harmans soen ghepacht heeft om vijf
pont Hollans Hollants siars te betalen die een helfte tot Heyli
ge misse ende die ander helfte tot meye
Item Heyntgijn Reex soen heeft besproken den Gast
huse op vier hofsteden geleghen in den Vogelensanc
in Ganssoirde sesse ende twintich groet, dair die eerste
hofstede of gheleghen is an Griete Warretgijns
erue dat zij in pacht hout van der stede die ander
drie dair an streckende ter graft wairt Die
eerste hofstede ter straten wairt is verpacht om
sestien groet die ander dair an om viertien groet die
derde om dertien groet ende die vierde om dertien
groet In deser manieren dat die prouisores vanden
Gasthuse gheuen sellen die ene helfte vanden
voirs renten den armen Huussittende dair zij
menen dattet beste an bestaedt is ende die ander
helfte zellen zij behouden totter armen behoef int
Gasthuus als die scepene brieue dair van in
houden te betalen tot meye
Half den armen
9
Item Coppe Heynen soen heeft besproken vijf scillinge
Hollantse jairlixe renten die staen op huus ende erue
dair Jan Coppen soen zijn soen in woent, te betalen
die een helfte tot Kersauont ende die ander helfte
tot Paesschen. Ende Jan Coppen soen voirs. bespreect
dair toe enen haluen nobel opten seluen huse, ten
wair dat Coppe zijn soen an anderen pacht bewijsde.
Te betalen tot meye.
Item twie oude Vrancrijxe scilde siairs die ghe
legen zijn in die Nesse op huus ende erue an die
lantside dat Heynttgijn Eylairts soen ghepacht
heeft jeghens den Gasthuse, te betalen die een helfte
tot Heylige misse ende die ander helfte tot meye.
Item op die waterside in die Nesse alder naest
Iordens van Tiel hebben gepacht die susteren
een huus ende erue om vijf Vrancrijxe scilde
siairs, te betalen die een helfte tot Helige misse
ende die ander helfte tot meye. Dat vart vercoft
nae brand.
Item heer Jan die Rike heeft besproken acht scil
linge Hollants siairs die staen op huus ende erue
dair Claes Lourens soen in woent, dair die
vier scillinge af gecoft worden jeghens Onser
Vrouwen cappelle, welc huus ende erue staet
opten Middeldam alder naeste Jacop van Ylps.