Blader door transcripties » Stadsarchief Amsterdam

archieftoegang 342, inventarisnummer 6, pagina 6

6
Item twe scillinghe jairlixe renten in Ghierics ste
ge op haer Meynsen huus Dit betaelt jaerlixe
Voppe Goerts soen ende dit besprac Griete Ghierix te
betalen te Heylige misse
Item Harman Harmans soen ende zijn wijf hebben
besproken een pont Hollants siars opt halue huus
ende erue dair Ghijsbert snider in woent, te betalen
tot Heylige misse
Item Peter Doelinc ende Wibrich zijn wijf hebben
besproken tien scillinge Hollants jairlixe opt huus
ende erue dair Willem Vranken soen nv ter tijt
in woent Hier af sel hebben die pape die int
Gasthuus dient jairlixe IIII penningen Hollants
als hij hoer memorie doet voer toutaer int Gast
huus. Te betalen tot meye
Item Meynairt Meeus soen heeft besproken twin
tich scillinge siars opt huus ende erue alder naest
Willem Eggerts op die noirtside dair die tien
scillinge afgecoft worden jegens Onser Vrou
wen capelle doe men die tymmerde te betalen
tot Helige misse Op Ny Cerc
Item Aue Jan Daniels heeft besproken opt huus
ende erue dair Jacop van den Berge in woent een
pont Hollants siairs te betalen tot meye
7
Item Symon Abbe Peters soen ende Katherijn zijn
wijf hebben besproken den Gasthuse eweliken
durende een half huus ende een half erue mitten
Carthusers ghemeen ende gheleghen is biden Gast
huse ander Plaets alder naist Willem Noirts
welc half huus ende erue Willem Noirt in pacht
heeft om seuen keysers scilde siairs te betalen
die ene helfte tot Heylige misse ende dander helfte
tot meye
Item coman Jan Tyman Cupers broeder ende
Vrouwetgijn zij wijf hebben besproken op jon
ge Dirx lant tot Oestsanden twintich scillingen
jairlixe renten ten eweliken pacht te betalen
op Bamisse jof achte daghen dair na Ende
daden zij dat niet soe waer dat lant ver
staen Hier af sel hebben Sinte Martijn ses gr
die Groete Kerc ses gr ende Onser Vrouwen
cappelle ses groet
Item Coppe van der Miede ter Slochter in Water
lant heeft besproken den Gasthuse negen groet
jairlixe te betalen te Helige misse