Blader door transcripties » Stadsarchief Amsterdam

archieftoegang 30452, inventarisnummer 883, pagina 88

eerste vervolg, 1620, augustus 14.
dat sijluijden een tijt lanck aldaer geweest waeren ende
haer eerlijcke handelinge gesocht hadden, sonder dat die
wilden haer eenige handelinge wilden toestaen ofte gunnen,
soo waeren sij geresolveert van daer te gaen ende haer
reijse herwaerts aen te voirderen ende int affseijlen sijn
mettet schip gecommen aen de plaetse, genaemt het Laege
Lant, alwaer sij haer ancker in de gront gesmeten hebben
om te sien off se noch mette wilden souden mogen vreet-
samelijck handelen. Ende sijn henluyden aldaer aen boort
gecommen eenige wilden sie sij alle vruntschap getoont
hebben gehadt, om deselve tot handelinge te bewegen.
Ende als sij dienaengaende met hen spraecken, versochten
dat sij noch een dach ofte twee souden willen wachten,
datter vellen uytet lant souden commen. Ende 't selve
aennemende sijn daerop blijven leggen een dach, twee ofte
drie, daernae isser een van de wilden met tien ofte
twaelff vellen aen boort gecommen, die deselve soo 't
scheen sochte te verhandelen. Ende hoewel sij hem uijte
kiste die boven stont vertoonden ende presenteerden,
seeckere bijlen ende andere coopmanschappen, soo gaff
hij te kennen dat hij daerin geen behagen hadde, begerende
dat men andere bijlen ende coopmanschap uytet ruijm
van 't schip souden haelen. Terwijlen de commis doende
was met hem te spreecken, commandeerde de schipper aen
't scheepsvolck dat se met haer vijff ofte sessen in de
boot souden loopen ende een ancker uijtbrengen. Ende bij
de wilden die ontrent haer schip waeren gesien sijnde,
datter soo veele volcx in de boot liep, item wetende
datter eenige sliepen ende sommige andere besich waeren
mette coopmanschap van onderen te halen ende boven te
brengen, hebben 't saemenspraeck gehouden ende geconspi-
reert gehadt, soe genoechsaem te sien ende te bemercken
was ende als uijtet 'tgeene daerop volchde bleeck, om