Blader door transcripties » Stadsarchief Amsterdam

archieftoegang 195, inventarisnummer 53, pagina 4

gestadden in hoeren furstendommen ende landen coren ende
andere noittruft ghelyck van oudts her gepleeght is,
te koopen, sonder eenige verhinderinge vuyt te vueren,
ende in desen landen te brengen, gelyck de voirs onse
brieven daeraff hy oick copie sal hebben sullicx wyders
mede brengen wellicke twee briefven de voirs
Bicker den voirs hertoghen, soe verre hy die tusschen
wegen in zynen doerreysen aentrefft ende vndt selffs
persoenlyck sal behandigen ende van onsent wegen om
behaechlycke antwoerde aenhouden, Ende ingevalle
zy de selve hertogen in synen inreysen nyet en vonde
en de voirs brieven sonder verhinderinghe syner
bevolener reyse nyet overleven en konde, mach
hy de selve briefven by eenen sekeren boden den voirs
hertogen toeschicken, ende daerop antwoerde begheren
de selve voirts te syne wederkompste van den boden
ontfangen en ons overseynden,
Ten lestenn, Sal de voirs Bicker soe in synen
Intrecken, als wederkompste, hem vlietelick ende
neerstelyck informeren op alle voirvallen tydingen
gescheyen ende occurrencien, sonderlick op crychshandelingen
wervingen ende versamelingen ende tot wiens behoeff
oft tegens wyen de selve souden moegen syn, Ende
wat sy dyen aengaen kan ervaeren vernemen ende
verstaen, sal hy benevens tgene hem op alle tghene
voirs is ter antwoerde bejegenen en gemoeten sal ons
te syne wederkompste doen verstaen ende hem in allen
soe vlietich thoonen en bewysen, als wy hem des
genedelick wel toe betrouwen. Daeraen sal ons
welbehaechlyck aen geschieden, Gedaen onder onsen
naem hier onder gestelt ende syner Mats secreet
hier onder op gedruckt te Bruesselle den
xxiiten dach des maents february xvc
vyften sestich stilo curieert
marger va
2
het
l