Blader door transcripties » Stadsarchief Mechelen

archieftoegang 2, inventarisnummer 937, pagina 98

Johanne Vydt
auta
heeft Winkele, Wouter vanden Brande ende Jan Yuetens van svadere
wegen, Andries Hoot ende Jacop de Moinck vander moeder wegen
als momboiren ende inden name van Janne, Gielisen ende Marien Vyd
Jan van kynderen onder haere jaeren te wesende, die sy in hen vervingen
Janne vander de
hebben quytgesconden los vry ende ledich, den selven vande voerscreven
kynder
de vader van allen den haeffeliken goeden, die den voerscreven kynderen
selven
Vyd byder doot van wylen Kathelinen vander Haghen haer moeder
die des voerscreven Jan Vyd des ouden, ierste wyf was doen sy leefde
in eeniger manieren gebleven ende verstorven moegen syn
XV aprilis
Liberi Johannes Vydt
Item. De voergenoemde Jan Vyd de oude Bartelmeus Bake ende Peter de
Ruysschere, debent den voerscreven momboiren, totter voerscreven kynderen vyf
behoef, tzestich pond groten Brabants gelts Te betalen deselven
kynderen ende eenenyegeliken van hen voir syn derdedeel, bynnen twee
jaeren tyte, na dat sy ende eenegelyc van hen, hem tot eenigen
geapprobeerden state, oft tot eenigen anderen goeden ende eerbaeren
Regimente van comanscapen oft anderssins by haven voerscreven momboiren
consente gevueght ende gestelt zelen hebben, Ende soe lange heeft de
voerscreven Jan Vyd de oude gelooft, de voergenoemde syne kynderen, met hem
binnen synen huyse te houdene ende hen eten drincken cleederen schoene
ende al tgene dat haeren leven noot syn sal, tamelic te geven, Ende
den voerscreven Gielisen synen soon int Walsch lant bescaden ende aldaer
twee jaeren tyt tot synen coste houden sonder mindenisse vader
voerscreven principaelde scult, Ende daer voer hebben de voirscreven bekende
verbonden alle haere haeffelike goeden waer die bevonden zelen
worden ende oic haere erffelike goeden metten gronde etcetera bynnen
gelegen, die sy nu hebben ende namaels hebben ende vercrigen zelen
in provisit, alsoe te conditien inden Colenare
ut supra
Liberi quond
Willems vanden
Eynde
Gestelle, Expoele. Jan de Neve Willeme Neven soon van Gast Wouter
tSermarten ende Jan Blyleven van Mechelen, Ende Augustyn vanden Poele
ende Henric tSerte van Rymenam, hebben gelooft ende elc van hen
besunder ende voer al, sunderlinge de voerscreven van Rymenam ongebeerdt
der divisen recht te geven ende te betalen, Henricken vanden Eynde
woenende tot Hoegen meerde, als momboir ende tot behoef van Willem
Lodewyck, Janne, Henricken, Magdalenen, Katheline ende Margrieten
vanden Eynde, wylen Willems vanden Eynde wettigen kynderen
oft den eene de Vriese, Twee hondert gouden guldenen, elken
van dien tot twintich groten Vlaems gelts gerekent totten
termynen hier naer volgende, Te weten deen derdedeel daeraf
bynnen seventhien weken tyt naestcomende, dander derdedeel
daeraf, bynnen XV weken tyt daer naer volgende, Ende tderde
derdedeel daeraf bynnen XVI weken tyt alsdan daer naer
ter stont vervolgende, Ende daer toe te doen doen voer de zalicheyt
van des voerscreven wylen Willems vanden Eynde zielen, bynnen desen
toecomenden jare driehondert vierentzestich Zielmissen, Ende oic
te doen maken drie wassen keerssen, elke daeraf van eenen ponden
Ende die geven Te weten deene inder kerken van Neckerspoele
dandere in Sinte Peters kerken, bynnen Mechelen ende de derde
inder kerken van Ryemenam, Ende dat vut zaken vanden
zoeninge vanden dootslage, die tanderen tyden by Janne de Neve
woenende tot Poeluwe inden persoon vanden voergenoemde wylen wille
vanden Eynde gedaen ende perpetreert is, Om welke gelooften
alsoe tonderhouden ende omder meerder zekerheyt daer af den voerscreven
kynderen vanden Eynde te doene, hebben de voerscreven Jan de Neve
Jan Gast Wouter tSermertens ende Jan Wylene den voerscreven Henricken
vanden Eynde, totter selver kynderen vanden Eynde behoef verbonden
ende te pande geset alle haere haeffelike goeden waer die bevonden
zelen worden, Ende oic haere erffelike goeden metten gronde etcetera bynnen
etcetera gelegen die sy nu hebben ende namaels hebben ende vercrigen zelen
XX aprilis tempore simile
in desen zoeninge d tusschen de voerscreven partien ondersproken ende
bevorweert, dat soe wanneer de oudeste vanden voerscreven kynderen
gecomen sal syn, tot synen jaren van discrecien, dat hy alsdan sal
keur hebben, weder hy dit zoeninck inde voerscreven manieren houden
wilt oft de Wrake hebben, Ende kyest hy de welke soe salmen de
voerscreven penningen dan terstont wederkeeren ende restitueren
oic heeft de voerscreven Jan de Neve van Poeluwe de Middadighe
yerst by synder trouwe ende een ende daer naer, met opgerichten
Vingheeten aenden Heyligen, als geswoeren ende gelooft, in hande
van Wynand van Culixrode, als stadhouder vanden scoutet ende
in presentien der voerscreven scepenen, dat hy tot gheenen plaetsen, daer
hy sal weeten te zyne, de wedue ende de voerscreven kynderen vanden dooden
oft eenich van dien, comen gaen noch staen en sal, met op sette
oft eenige dingen doen, daer mede hy haerlieder bloet soude
moegen verwerven in eenige manieren oic als synen wech leet voir
by der selve weduen ende kynderen huyse, dat hy van soe verre van
duergaen sal, als hij sal comen
Victor
Haghene
Gestelle haerdegen jouffrou Lysbeth van Rumelshem wedue van
wylen Henricken van Oprode, als eene tochtenersse ende Jacop van Oprode
Amman van Mechelen inden name van hem selven ende oic inden name
van meester Henricken ende Kathelinen van Oprode synen brueder ende zuster
absent wesende, die hy in hem vervingh, jouffrou Lysbeth van Oprode
beghyne ende Margriete van Oprode, alle des voergenoemde wylen Henricx van
Oprode ende jouffrou Lysbetten syns wyfs wettige kynderen, Ende oic Adriaen
vander Eyken ende Henrick vanden Dorpe van svaders wegen ende de
voirscreven Jacop van Oprode vander moeder wegen, als momboiren ende
inden name van Janne vander Eyken, wettich soon van Janne vander Eyken
ende van wylen Barblen van Oprode, synen wive, welke wylen Barble
oic der selver kynderen van Oprode zuster waer, doen sy leefde, bynnen
synen jaeren wesende, den welken sy in hen vervinghen, als erfgenamen
hebben openbairlic vut haeren vryen wille voer ons bekent ende
verleden, dat sy verhuert hebben Victor langheyns poirte van Brugge