Transkripte durchsuchen » Stadtarchiv Mechelen

Archivzugang 2, Inventarnummer 937, Blatt 8

Michael vanden
Broeke
Wynkele, Goeten heer Ghysbrecht vanden Gheeten priester onderprochiaen
vander kerken van Sinte Janne, bynnen Mechelen ende Wouter
van Boxthuyne, diemen heet Appelman, als executeurs ende
inden name vander execucien, de testamente ende vutersten
wille van wylen Henricken van Boxthuyne, de voirscreven
Wouters brueder doen hy leefde hebben om der meester
orboirs ende prouffyts wille vander voirscreven execucien vercocht
Machielen vanden Broeke, de helft vanden erffeliken
goeden mette gronde etcetera hier naer bescreven dairaf
dander helft, by overgeven van Margrieten de Zomere
des voirsreven wylen Henricx van Boxthuyne wyf, den selven
Machielen toebehoirt heest van eenen stuc lants met
twee huysen, houdende omtrent drie vierendeel, gelegen
deen neven dandere buyten de Coepoirte tusschen Sinte
Claes kerchof, aen deen zyde ende den Volhof aen dander
zyde, streckende achterweerts tot Aerts van Dyest erve toe
Item van eenen stuc lants, houdende omtrent een buender
gelegen aldaer aende Quaderkerchof, tusschen sHeerenstrate
aen deen zyde ende Adam Yngele erve aen dander zyde
Item van eenen stuc lants houdende omtrent een halff
buender gelegen aldaer opten Nieuwensteenwech, tusschen
Lodewycx de Riddere erve aen deen zyde ende sHeerenstrate
aen dander zyde. Item van eenen stuc lants houdende
omtrent een halff buender gelegen aldaer byden
Bruynencruce, tusschen sHeerenstrate aende twee zyden
ende Jan Schoofs erve, aende derde zyde, Ende vander helft
van eenen huyse metten hove, gelegen aldaer, tusschen
heer Jan Weelmans priester erve aen deen zyde ende Jans
vander Heyden erve aen dander zyde. A Domino Mechliniensi, Waranderende. Opte
weerde van twee pond neghenthien scellinge ende
neghen penninge groten Brabants erffelic ende vier veertelen
Rogge ende een halve lyfpens, vuten voirscreven geheelen
lyfpachte
goede, jaerlicx vutgaende
XXII decembris
Peter Rymere
Winckele, Hamme, Barble Rymere, met Janne Hane, haeren
man, heeft quytgeschonden los van ende ledich, Peteren Rymere
haren vader van allen den haeffeliken goeden, die haer
byder doot van wylen Margrieten Spronge, diemen heet
van Ost haerer moeder, die des voirscreven Peters wyf
was, in doen sy leefde in eeniger manieren verstorven
moegen syn
XXIII decembris
Katlyne Storm
ons
van met vutersten wille ende
Wynkele, Duffle. Jan Storm heeft in puerder aelmoessenen, opgedragen
ende overgegeven tot behoef van Kathelinen Storre synder
natuerliker dochter, die hy van wylen Lysbetten vanden
Vekene vercregen heeft, Twee stucken lants oft blocx
met eender gracht tusschen beyde ende oic metten gronde houdende
te samen omtrent drie vierendeel gelegen deen neven
dander, tot Muysene int Broeck, tusschen des goidshuys van
Muysene erve aen deen zyde ende des huys van Pytsenborch
erve aen dander zyde. A Willem Schoof, Waranderende opte helft van
anderhalven capuyn ende van neghen penninge Loevens
jaerlicx vutgaende, Rommond van Baerdegeem tot des voirscreven
Kathelinen behoef waer inne geerft, Behoudelic den
voirscreven Janne Storm inde voirscreven twee stucken lants synder
tocht paysselic ende vredelic te gebruykene syn leven langh ende op
met alsulken oft gebuerde dat de voirscreven Katheline
storve sonder wettich hoir van haeren live gecomen, achter
te laten, dat dan de voirscreven twee stucken lants wedue
toecomen ende versterven zelen, op des voirscreven Jan Stormen
gerechte erfgename, sonder eenich wederseggen
synder volcomender macht, om tgene dat voirscreven staet
te meerderen te minden te verclare ende te nieuwe
te doen, in al alsoe dicke, als hem dat goetduncke
ende gelieven sal
XXVII decembry
boven
Olivier de
Hamme, Expoele. Margriete de Late wylen Willeme de
laet dochter met haere momboir, heeft opgedragen ende
overgegeven tot behoef van Olivier van Boven, haer
derdedeel vander helft van eenen huyse, metten hove gronde
dwelc haer byder doot van wylen Lysbetten van Eyndont
haer moeder ende
diemen heet van Lynth des voirscreven van Oliviers leste
wyf verstorven is, gelegen inde Blocstrate tusschen der
weduen ende kynderen erve van wylen Janne van
Voesdonc, aen deen zyde ende der weduen ende kynderen
erve van wylen Marten de Costere, aen dander zyde
van welken huyse metten hove, dander helft den voirscreven
Olive toebehoirt. A Domino Mechliniensi, Waranderen de voirscreven Margriete
heeft quytgesconden los van ende ledich de voirscreven
bliven van alle de haeffelike goeden die haer oic
byder doot vander voirscreven wylen Lysbetten haer moeder
in eeniger manieren, gebleven ende verstorven syn
XXVII decembris