Blader door transcripties » Stadsarchief Mechelen

archieftoegang 2, inventarisnummer 937, pagina 84

Rommont
Elizabet Godevant
Duffle, Expoele. Bouwen vander Berct heeft vercocht
Symoen Godevant diemen heet inden Creeft tot zine ende jouffrou
Janne kynderen
Lysbetten Godevant, diemen heet inden Creeft synder zuster
behoef, Een stuck lants metten gronde etcetera houdende omtrent
dat ende baten toeplach te hoeren
een vierendeel, dwelc de voirsreven vouwen tanderen tyden voer
achterstellige van erffelike pacht, die hy daerop hadde wettelic
vutgewonnen ende verreyct heeft, gelegen tot Hevere, tusschen
der kynderen erve van wylen Henricke de Moor diemen
hyet inde Palmboem, aen deen zyde ende des voirscreven Symoene
ende jouffrou Lysbetten erve aen dander zyde. A Beato Rumoldo
waer sonder eenigen last van chyse oft van anderen commer
daer jaerlicx vutgaende
XI decembry tempore simile
Ralaert alle
Tessche, et et uxore
Item Jan Godessaet diemen heet Inden Creeft als een tochter
Ende Symoen Godevant, diemen heet inden Creeft syn soon
ende jouffrou Lysbeth Godevant, diemen heet Inden Creeft syn
dochter met Anthonis voor haeren man, als erfgenamen
tot sinen ende tot Margriete vander Heyden syns wyf behoef
hebben terve gegeven Rommond Alaert, diemen heet tusschen
luttel min oft meer, gelegen tot Hevere, byde Heverheyde
Een stuck lants metten gronde houdende een halff buender
tusschen Rommond Ruelens erve aen deen zyde ende eenen
erve, de voirscreven Rommonden Alaert toehoeren, aen dander zyde
A Beato Rumoldo. Te besittene op eenen erffeliken pacht van anderhalf
veertele rogs goede etcetera Mechelscher maten, Te betalene
altyt tot Kersmisse, Ende sonder eenigen voerchys, oft voerpach
daer jaerlicx vutgaende, met alsulke condicien dat de voirgenoemde
Rommond Alaert ende syn wyf, zelen moegen, altyt als hen dat
gelieven sal, lossen ende quiten de voirscreven anderhalve veertelen
Rogge, de voirscreven pachte, met vyfthien gouden Rynsgulden
sal goede, te wetene veertich groten Vlaems gelts voer
elken van dien gerekent ende met vollen pachte
ut supra ende
Executeur testamen
oppe vander
loepe et uxor
Gestelle, Expoele, Laureys Roelands, diemen heet de Hamer
heeft bekent dat openbairlic voer ons dat hy gehadt ende
ontfangen heeft van Janne Rabboots ende van Rommonden de
groote als executeur ende inden name vanden testamente
testamente ende vutersten wille van wylen Peteren vanden
loepe ende van wylen Lysbetten Roelande synen wive ende de
voerscreven Laureys huysvrouwe de zuster, de somme van
Eenentachtentich gouden Peteren vander munten etcetera
goede etcetera, te wetene zessendertich groote ^ voir elken der selve
Vlaems gelts
Peters gerekent, die de voirscreven executeur, den voirscreven Laureys
by crachte van eenen segghene, dat tanderen tyden, by wylen
Aerde van Diest commoingmeester te dier tyt vander voerscreven
stad, by heer Janne de Herpere priester, onderprochiaen van Sint
Kathelinen kerken, by meester Hubrecht Weelmans docter
moye ende by Reyner de Heelt, den selve alle seggen ende
mynlike gedinghmannen vutgesproken ende geseet de sculdich
ende tachter waren ende daervoer den voergescreven Laureyse oic
byden selven seggen vutgesproken ende geseet waert, te approberen
ende van weerden te houden, al de voirgenoemde de wylen Peter
vander loepe ende syns wyf testament ende vutersten
wille voerscreven ende alle de pointen ende legaten daerinne
begrepen, dwelc de voirsreven Laureyse oic gedaen heeft, Ende
van dier sommen van eenentachtentich Peters voerscreven
heeft ende oic van alle der moeyen, de ende heysschen, die
hy den voirscreven executeure daeraf ende vanden voerscreven testamente
soude moegen doen heeft de selve Laureys, Quytgesconden
love ende ledich den voirscreven Janne Rabboots, tot sinen ende
toe de voerscreven Rommonde de Groete syns medegesellen behoef
ende alle andere dies quitancie behoeven, geheelic ende al
XIIa decembris tempore simile
faber
Johannen
Baerdegeem, Expoele, Gielis van Gestelle, heeft terve gegeven
Janne Daem, een met, Een stuck lants metten gronde etcetera
gelegen tot Neckerspoele inde Borchstrate tusschen der kynderen
erve van wylen Janne van Nuffle, aen deen zyde ende de
gasthuyse vander Heylige Drievuldicheyt erve aen dander zyde
Ende een stuc lants metten gronde etcetera gelegen aldaer
tegen tvoirgenoemde jerste stuc lants over tusschen Willem Veele erve
aen deen zyde ende der kynderen erve van wylen Wouteren
sBennen aen dander zyde, Aa. Te besittene, op eenen
erffelike chys van sesse gouden Peters ende eenen halve
vander munte goede et te wetten zessendertich grooten
Vlaems gelts voer elken der selver Peters gerekent Te
betalen altyt tot Kersmisse daeraf den yersten termyn van
betalinge syn sal van Kersmisse naestcomende, bynnen eenen
jaere daer naer volgende, Ende opten voerchys van twintich
scellinge Loevene, vuten voirscreven yersten stuck lants ende van
eenen chysgulden een hynne ende vierentwintich scellinge
paymente vuter voerscreven anderen stuck lants jaerlicx vutgaende
met alsulker condicien, dat de voirgenoemde Jan Daems, sculdich
sal syn te quitene ende te lossen, de voirgenoemde Sesse gouden Peters
ende eenen halven des voirscreven chys, bynnen vier jaeren tyt
naestcomende ende elken Peter, daeraf met twintich
gelyke Petere ende met vollen chyse
Assignavit Peters
ut supra tempore simile
Receptor
als
Henric
Costere
M
t retro
man heeft quytgesconden wiven ende ledich, Henricken de Costere
Heelt, Baerdegeem, Lysbeth sVos met Janne vanden Eynde haeren
de Costere
haeren vader van allen den haeffeliken goeden, die der voerscreven
Lysbetten, byder doot van wylen Kathelinen Goetmans, haeren
moeder, die desselfs Henricx wyf waer doen sy leefde in
eeniger manieren verstorven moegen syn
VIIa tempore simile