Blader door transcripties » Stadsarchief Mechelen

archieftoegang 2, inventarisnummer 937, pagina 83

Johanne de
Haesdonc
Heelt, Gestelle. Adriaen Tack, wylen Jan tack soon inden
name van hem selven ende oic inden name van Janne Arthur
ende Margrieten Stevens wylen Jan Stevens kynderen, dat
in hem vercocht synen bruederen ende zuster van synder moeder
wegen, die hy in hen vervingh, heeft quytgesconden los van
ende ledich, Janne van Haesdonc, synen stiefvader van alle
den haeffelike goeden, die den voirscreven Adriaen Tack ende de
kynderen Steven, byder doot van wylen Lysbetten maer
haerer moeder, die desselfs Jans van Haesdonc lasten
wyf waer, doen sy leefde in eeniger manieren verstorven
moegen syn
Xa novembris tempore simile
Relicta quam Willen
vander Nuwermoelen
Gestelle, Duffle, Willem Schooff als proviseur ende inden
name vander kisten vanden armen beghinen, bynnen deen
beghynhove van Mechelen gelegen heeft, om der meester
voir etcetera opgedragen ende overgegeven tot behoef van
Annen sVos weduen van wylen Willem vander Nuwermoelen
Een huyse metten gronde etcetera dat Aerde van Eyndoven
toehoirde ende dat Aert Cleynaert, tot voirscreven kysten
behoef, tanderen tyden voer achterstelligen chys die deselve
kyste daerop heeft wettelic vutgewonnen ende verreyct
heeft, gelegen inde Scipstrate tusschen Jans Quaervoere
erve aen deen zyde ende dwaterscap gaende tot Dele
toe aldaer aen dander zyde. A Domino Mechliniensi, Waranderende etcetera Calvo de
ut supre, over al
III decembris
Willem Wabbele ende Lysbeth vanden Venne zyn
wyf, hebben vercocht Jacop Loot, tot sinen live ende oic tot behoef
van Kathelinen
Willem de alle
alias Kemmere
Heelt, Duffle. Aert van Halle, diemen heet de Kemmene
heeft quytgesconden los vry ende ledich, wille van Halle
diemen heet de Kemmere synen vader van allen den haeffelike
goeden, die den voirscreven Aerde van Halle, byder doot van wylen
Margrieten Ghorys synder moeder, die desselfs Willems
wyf was doen sy leefde in eeniger manieren verstorven
moegen syn
IIIIa decembris
manifici
caputator
Heelt, Duffle. Jan van Duffle ende Rommond van Puersse
als proviseur ende inden name vander taflen der Heyliche
Gheerde ende Aerde de voeght, als gesworene ende tot
Gheeste van Sinte Rommond, hebben om der meests orboirs
ende prouffyts wille vander selver taflen vercocht Janne
behoef vanden ambachte vanden tymmerlieden, bynnen
Jan Waggel
diemen heet
de Zaghere
Mechelen twaelff scellinge Loevens ende vier ponden
paymente, erffelicx chys, die de voirscreven tafle des Heylichs
Geest hadde, op een huys metten gronde etcetera de Mermine
den voirscreven ambachte toehoerende
geheeten gelegen by aenden Steenwech, by van Brugghe
byde Vischmarct, tusschen de capelle van Sinte Marten
aen deen zyde ende thuys wiven dale, geheeten, dat wylen
Aerde vanden Broeke diemen heet Mussche toe plach te
hoeve ende dat nu zynder weduen ende kynderen toehoert
aen dander zyde. A Domino Mechliniensi, Waranderende etcetera.
VII decembris
Gerarduystane
et eius uxore
Heelt, Expoele. Jorys vander Mere, wylen Gheerde soon vanden
Mere, heeft vercocht Gheerd Vuystaert tot sinen ende Lysbetten
sMeyere, syn wyf behoef vier chysguldene ende eenen halven
erffelicx chys, die hy hadde voirscreven deel onder andere goeden hadde
ende die hem byder doot vanden voergenoemde wylen Gheerde synen vader
verstorven syn, op een huyse metten gronde etcetera, dat Daneele voet
ende syne wive
toe plach te hoeren ende dat nu den voirscreven Gheerde ^ toebehoirt
gelegen inde Hanswycstrate, tusschen Peters van Behan
erve aen deen zyde ende thuys toehoeren der taflen des
Heylich Geest van Hanswyck erve aen dander zyde. A
Duncelle, Willemo de Merode waer op sesse scellinge neghen
penninge Loevene ende op vyf capuynen, daer jaerlicx voer
vutgaende
X decembry tempore simile
Peter Boots
Peters uxor
Item Katheline Custendys met Gheerde vander Neve
haeren man, heeft vercocht Peteren Boots ende jouffrou Lysbetten
van Steynemoelen synder huysvrouwen, Een stuc lants metten
gronde houdende omtrent een half vierendeel, gelegen tot
Leest inde Byest op tgroetelant, tusschen desselfs Peters
Borte ende synder huysvrouwen erve aen deen zyde ende Henricx
vander Straten erve aen dander zyde. A Domino Mechliniensi, Waranderende sonder eenigen
last van chyse, oft van eenigen anderen commen daer jaerlicx
vutgaende
Assignavit den XVI denier
t supra tempore simile
van Verre
Heelt, Gestelle, Heer Machiel Eveloege priester inden name van
synder erffeliker capellen, op Sinte Lambrecht outaer, staende
bynnen Sinte Rommonts kerke gefundeert, heeft om des meeste orboire
ende prouffyts wille vander selve capeleren, by consente vanden
heeren desen ende capittel vander selve trecke opgedragen ende
overgegeven tot behoef vander taflen des Heylich Geest van
schekerken van Sinte Janne staende oic bynnen Mechelen, Een huys metten
hove gronde etcetera dat Marien Hellinge toehoirde ende dat de
voirscreven Machiel, tanderen tyden voer achterstelligen chys, die de
voirscreven capelere daerop heeft, wettelic vutgewonnen heeft gelegen
inde Lange Pennincstrate, tusschen Godevaert Yswyns erven
aen beyde zyde. A Domino Mechliniensi, Waranderende Salvo Domino Michiele
censu prest overbewale, Janne Vleming, ad op
present fuit adheridat
upra tempore simile