Blader door transcripties » Stadsarchief Mechelen

archieftoegang 2, inventarisnummer 937, pagina 77

Relicta quondam
Johanne de Hamme
Gestelle, Wynkele, Jan van Hamme, wylen Jans van Hamme barbiers
voir
wettich voir hem selven, Ende man van Hamme, oic desselfs
wylen Jans dochter inden name van haer selven ende van
Peteren van Hamme haeren brueder cellebrueder, absent wesende
Mere
die sy in haer vervangen heeft, Ende oic van vanden ve weerde
Willem Snelle van des vader wegen ende Gielis vander
Roeven vander moeder weghen, als momboiren ende inden
name van Kathelinen van Hamme, der voirscreven kynderen van Hamme
zuster ende de voirscreven wylen Jans van Hamme dochter, onder
Hare jaeren wesende, die by sy by haeren bywesen ende
volcomen consente in hen vervangen hebben, hebben quytgesconden
los vry ende ledich, Kathelinen sDekene, de voirgenoemde wylen
Jans van Hamme, lesten wive ende weduen van allen den
haeffeliken goeden, die den voirscreven Janne Peteren, Marien
ende Kathelinen van Hamme, byder doot vanden voirscreven wylen
Janne van Hamme haren vader, die der selver wedue in
eeniger manieren gebleven ende verstorven moegen syn, Ende
oic vander sommen, de voirgenoemde momboren inden name vander
de
voirscreven Katheline van Hamme, hebben voer quytgesconden
los vry ende ledich, der voirscreven Kathelinen sDeckere, der weduen
vander sommen van drie pond derthien scellinge ende sesse
penninge groten Brabants gelts, die de voirscreven wylen Jan van
Hamme der selver Katheline van Hamme synder dochter vut
zaken van haeren deele van allen den haeffelike goeden haer
verstorven, by wylen Lysbetten Ghysele haerer moeder
ende der voirscreven wylen Jans yersten wive, sculdich ende tachter
waer ende alle andere die quitancie behoeven, geheelic ende al
Ende aen dander zyde, heeft oic de voirscreven Katheline sDeckere de
wedue gelooft te betalene, alle de sculden, die sy ende de voirscreven
wylen Jan van Hamme, haer man, te totten dage toe, dat hy
staef sculdich ende tachter waer waren ende daeraf, den
voirscreven kynderen van Hamme, tegen eenenyegelike altyt scadeloos
quyt te houden ende te ontfaen ontlasten, sonder eenich wederseggen
Va novembris tempore simile
Relicta quondam Johanne
ut et fili
Gestelle wynkele, Willem van Gansvenne ende Wouter, ab van
des vader weghen ende brueder Jan Adriaens priester Religieus
des goidshuyse van Hanswyck ende Jan Ymbrecht, die men heet
Potman vander moeder teghen, als momboeren ende inden
Janne van Janne ende Pauwelere, wylen Jan te wettige
kynderen, onder haere jaeren wesende, die sy in hen vervinghen
hebben quytgesconden los van ende ledich, Dignen vanden
eynde weduwe vanden voirgenoemde wylen Janne Ab van allen
den haeffeliken goeden, die den voirgenoemde Janne ende Pauwele te
byder doot vanden voirgenoemde selven wylen Janne te haeren
vader ende der voirscreven weduen man in eeniger manieren, gebleven
moegen syn
ende verstorven van ende oic vander sommen van twee
Brant geheeten
pond groten, die deselve weduwe den voirscreven haeren kynderen
voer haer deel van allen den voirscreven goeden sculdich ende tach
was, Ende aen dander zyde, sunderlinge, om dat de
selver kynderen deel vander voirscreven haven, niet meer en gedroech
dan de voirscreven twee pond groten ende dat dat by ordinancien
van heer Anthonise vander Aa Ridder commoingmeester
van deser stad, voir thouden vanden voirscreven kynderen gelaten
der voirscreven weduen gelaten is, om daer mede te dat de
voirscreven Anne kynderen te moegen vrieden, heeft de voirgenoemde
Digne de wedue gelooft de selve haer twee kynderen
met haer bynnen haeren huyse te houden ende hen eten
decken cleederen schoenen ende al tgene dat haeren leven
noot syn sal, tamelic te geven ende oic de selve haere kynderen
ter scholen oft tot eenigen ambachte, tot haeren laste ende
coste te vueghen, tot dier tyt toe, dat sy tot haren
medegen jaren van discregen, gecomen zelen syn
Ende dat sy oic alle de sculden, die sy ende haer voirscreven
man sculdich ware totten dagen toe dat hy staef
gulden ende betalen sal ende daer af de voirscreven haer
kynderen, tegen eenen yegelike altyt scadeloos quyt houde
ende ontlasten sal sonder wederseggen, Ende daer voer heeft
sy verbonden ende te pande geset alle haere haeffelike
goeden waer die bevonden zelen worden, die sy nu heeft
ende namaels hebben ende vercrigen sal
Va augusty tempore simile
Sebastiaen vanden
Gouberge et
eus uxor
Gestelle, Baerdegheem, Sebastiaen vanden Gouberge ende
Magriete sCosters syn wyf, dat in onser ende in onser medescepenen
tegewoirdicheyt, hier na bescreven vergadert wesende
in Onser Raidcameren, alsoet gewoenlic geweest hebben
Sebastiaen vanden Gouberge ende Margriete sCosters syn wyf
Seggende ende ons te kennen gevende, dat sy gheen wettige
kynderen en hadden, Ende hebben daerom voir ons gewilt
ende openbairlic geordineert, dat de langhstlevende van hen beyden
soe lange die alsdan leven sal paysselic ende vredelic sal gebruyken
alle der haeffeliker ende erffeliker goeden bynnen der stad ende
Verheyt van Mechelen wesende ende gelegen, die sy nu ter tyt
te samen hebben ende houden ende oic namaels hebben houden ende
vercrigen zelen, den wederseggen van yemande ende oic den
rechten ende coustumen daeraf ter contrarien onderhouden
niet tegenstaende. Behoudelic dien, dat alle de voirgenoemde goeden
na de langhstlevende doot vanden voirscreven Sebastiaen ende
Margrieten synen wive blivende, toecomen ende versterven zelen
haeren gerechten erfgenamen, dien die goeden naden recht
vander voirscreven stad van Mechelen sculdich zelen syn toe te
comen ende te versterven, oft den ghenen, dien sy die goeden
samentlic met testamenten, oft anderssins geven ende maken
zelen, welke ordinancie wy ende oic Duffle ende Expoele, onse
medescepenen by crachte vanden statute daerop tanderen tyden gemaect
geconfirmeert ende approbeert hebben, Ende by onser ordinander
macht confirmeren ende approberen, Alle argelist vutgescheyden
VI novembris tempore simile