Blader door transcripties » Stadsarchief Mechelen

archieftoegang 2, inventarisnummer 937, pagina 69

Spierinck
Johanne Aren alle
Baerdege, Duffle. De voirgenoemde Henrick Boem, heeft opgedragen
ende overgegeven tot behoef van Janne Lens diemen heet
Spierinck, de erffelike goeden met haeren toebehoirten, hier
na bescreven ierst Een huys metten hove huyse daerop
in Onser Vrouwen prochie, tusschen Willem Fierens erve
staende ende oic metten gronde etcetera gelegen inde Penningstrate
aen deen zyde ende Willems vander Berct erve, aen dander
zyde, streckende achterweerts totten Vestbergen van Mechelen
opte weerde van vyftien scellinge, zeven penninge groten
tot hoof
ende acht myten Brabants gelts dair jaerlicx vutgaende. Item
een stuc lants, he metten gronde etcetera houdende omtrent een
vierendeel ende zestien Roeden, gelegen buyten de Aedegempoorte
inde Broecstrate, tusschen wylen Aerts van Voesdonc erve
aen deen zyde ende capittulen van Sint Rommont erve aen dander zyde
streckende, totter kynderen erve vanden van wylen Jacopen vanden
Dale, opte weerde van vier scellinge zesse ende eenen halven
penning groten Brabants, daer jaerlicx oic vutgaende, Ende acht
chysgulden erffelicx chys, die de voirscreven Henrick hadde, op
een huyse metten hove plaetsen, gronde etcetera toebehoirende
Peteren Monts ende Barblen Smeets synen wive, gelegen buyten
den Wykete, opte Dele, tusschen Machiels van Muysene
erve aen deen zyde ende des Heeren strate aen dander zyde
Om welken erffeliken chys jaerlicx te betalen, Een huys
metten hove gronde etcetera houdende omtrent een half vierendeel
toehoerend Janne Smet, der voirscreven Barblen vader gelegen tot
Gheerdegheem, opten Driesch, tusschen Jan van Duffle erve
aen deen zyde ende Andries van Achele erve aen dander zyde
verbonden ende veronderpant. A Domino Mechliniensi, Waranderende etcetera.
oic die hy den selve
Janne Mebehoeren
sone tanderen tyde
in huweliken
vorweerden
met synder dochter
overgegeven ende
gemaect heeft
XIIa octobris
Moelen
Hubert Back et
Johannes vander
Baerdegem Duffle. Pauwels Dane van Ast in premont heeft
getransporteert tot behoef van Hubrecht Back ende van
Janne vander Moelen, alle alsulke goeden hoedanich die
wesen moegen, die we den voirscreven Pauwels toehoerende
die Wouter Daeme van sinen wege onder heeft, Ende oic
alsulke haeff sommen van penningen, als deselve Wouter
den voirscreven Pauwels daeraf ende oic van anderssins
sculdich ende tachter die tusserene, ac volen
XI octobris tempore simile
Adriaen Tack
Duffle, Expoele. Jan ende Arthur Stevens, wylen Jan Stevens kyn
ende wylen Lysbetten Maes syns wyfs kynderen ende Margriete
Stevens haerlieder zuster met Janne Veerman haeren wettigen
man ende momboir, hebben opgedragen ende overgegeven, tot
behoef van Adriaen Tack, wylen Jan Tack soon, alle alsulke
haeffelike ende erffelike goeden waer die bevonden zelen
worden ende oic erffelike goeden metten gronde etcetera bynnen
daer stad ende verheyt van Mechelen gelegen, die den voirscreven
kynderen Steven, byder doot vander voirscreven wylen Lysbetten
maer haerer moeder, die des voirscreven wylen Jan Sack wyf waer
L
o waer, naer haer voirscreven vader doot in eeniger manieren
gebleven ende verstorven. A Domino Mechliniensi, Waranderende etcetera.
XII octobry tempore simile
es
Stevens
octobris
ut supra XII
hem syn hoir ende nacomelingen, te gelden ende te betalen van desen
Duffle, Expoele. De voirgenoemde Adriaen Tack, heeft gelooft voir
oft de Breen
der voirgenoemde Jan Arthur ende Margrieten Steven, alsulken
scult van vierenveertich gouden Petere vander munten etcetera
goede etcetera te weten zessendertich groote Vlaems gelts voir
elken van dien gerekent, als wylen Jan Tack ende Lysbeth
maer syn wyf de voirscreven Adriaens vader ende moeder, den
voirscreven kynderen Steven, tanderen tyden opten seventhienden
dach van Augusto, int jaer dusent vierhondert neghenentzestich
lestleden bekent hebben voir scepen van Mechelen, naer
Item
haer doot te betalene ende oic alle de sculde van Kersmisse
naestcomende, bynnen eenen Janne daer naer volgende, Ende
oic alle de sculden, die makingen ende costen van vutvanden
die de voirscreven wylen Lysbeth maer ende huer voire, der voirscreven
kynderen storven moeder ende de voirscreven Jan Tack, haer man
sculdich ende tachter syn ende dat de voirscreven Adriaen, den
selve kynderen Stevens van dien sculden makingen ende coste
tegen eenenyegeliken
van vivenden, altyt scadeloos quyt houden ende ontlasten
sal sonder eenich wederseggen, Om welke gelooften, alsoe
tonderhouden ende om der meerder zekerheyt wille, den
voirscreven kynderen Steven daeraf te doene, Soe heeft de voirscreven
Adriaen, den selve kynderen, daervoir verbonden alle sine
haeffelike goeden, waer die bevonden zelen worden ende
oic syne erffelike goeden, metten gronde etcetera bynnen etcetera gelegen
soo ende daer
toe twee
pond grote
Brabants gelts
XII octobry tempore simile
uxore
Liber Wale
tSteene et
Baerdege, Duffle. Wouter tSermartens wevere ende Margriete
van Belle syn wyf hebben gewilt ende openbairlic voir ons
geordineert, dat alle haere kynderen, alsoe wel meyskene
ter tyt deen vanden anderen vercregen hebben ende hier
als knechtkens ende knechtkens als meyskens, die sy nu
namaels deen vanden anderen vercrigen zelen, tot wat
state, gheestelic oft weerlic sy hen gevueght ende gestelt
hebben, oft oic veelen ende stellen zelen, Evengelyc ende
in gelyken deele ende porcien, hebben houden, aenveerden
ende deylen zelen, alle de den voirscreven Wouters ende
Margrieten syns wyfs haeffelike ende erffelike goeden
bynnen ende buyten der stad ende vryheyt van Mechelen
wesende ende gelegen, die naer eensyegelycx doot
vanden selven haren ouden in eeniger manieren zelen
bliven, sonder wederseggen
XI octobry tempore simile
Pht Sebastian
et aly
vanden Gouberge
Item. Jan van Laken, wylen Bouwens van Laken soon inde
voer tot weerde, inde name van hem selve ende oic
inden name van Willem ende Gheertruyt van Laken
synen brueder ende zuster, absent wesende, die hy in hem
vernueght, heeft quytgesconden los van ende ledich
Jan ende Sebastiaen vanden Goubergen, tot haren
ende Wouters vanden Goubergen, han vadere ende
heer Peteren de Potter priester behoef van alsulken
twee pond groten Brabants gelts, als wylen heer Laureyse
van Steenwinckele, oic priester, de voirscreven kinderen van
Laken in sinen testamente gemaect heeft ende alle andere
dies quitancie behoeven, belovende ongevrydt henlieden
daeraf tegen syne voirscreven brueder ende zuster altyt scadeloes quyt te houden
ut supra septembry