Blader door transcripties » Stadsarchief Mechelen

archieftoegang 2, inventarisnummer 937, pagina 62

Relicta quon
Janne vander Donct
wylen
gestelt vanden Henric vander Donct, Jans vander Donct
soon, heeft quyt gesconden los vry ende ledich, Margrieten
van Beghinnen synen moeder van allen den haeffelike goeden
by die hem byder doot vanden voirscreven wylen Janne vander
Borct synen vader ende der voirscreven Magrieten man doen hy
leefde in eeniger manieren verstorven mogen syn
VIIIa septembry tempore simile
Vranck de Pape ende Paulyne vanden
Roes syn huysvrouwe, hebben opgedragen ende
getransporteert tot behoef van Gielis de Pape, Jannen
soon ende in porcien ende vondenissen van synder
vander van synder leeringen, alle alsulke sculden
alsmen den voirscreven Vrancken ende synder huysvrouwen
binnen der stad ende verheyt van Mechelen sculdich
een
etcetera oic alsulken huere als de voirscreven Palmen
van haven huyse, met allen synen toebehoiren
opte dekene gelegen, verschenen in tot desen dage
toe ende oic verschynen sal, den tyt van die
jaeren nu naestcomende, Ende oic alsulken
thien scellinge onder groten Turnoyse lyfpensien
als de voirscreven Pallene oic heeft opte stad van
Mechelen ende als haer van tot deser tyt toe
syn
daer op gevallen es ende oic den voirscreven tyt
van drie jaeren, naestcomende vallen ende
verschynen zelen, Tusserene de Volens ut supra
in forma
Rive vander
Berct
Baerdegen, Duffle. Meester Jan ende Remeyne van Zwaertoe gebruederen
hebben opgedragen ende overgegeven, tot behoef van Rommond
haren zwager
vander Berct, alle trecht ende deel, dwelck sy hadden ende
hen byder doot van wylen jouffrou Margrieten van
zwager, haer zuster ende des voirscreven Rommonde
huysvrouwen in eeniger manieren verstorven moegen van
Claes
sy in alle de erffelike goeden, metten gronde etcetera
den voirscreven Rommonden toebehoirende, ende verstorven ende
metter
die hy oic byder voirscreven synder huysvrouwen vercregen
heeft buyten ende bynnen der stad ende verheyt van Mechelen
gelegen. A Domino Mechliniensi, Waranderende etcetera, Ende hebben voertaen de voirscreven
gebruederen van Zwater, Quytgesconden los van
ende ledich, den voirscreven de Rommonden vander Berct van
allen den haeffeliken goeden, henlieden bruederen van
oic verstorven, byden voirscreven jouffrou Margrieten Hane
zuster doot, die de voirscreven Rommond wylen, Ende hebben daer tot
gelooft ende elc van hen besunder, dat sy ten vermanen vanden
voirscreven Rommonde, comen zelen voir heer ende hof daer de voirscreven
goeden, buyten der voirscreven verheyt vander voirscreven stad, gelegen
onder
syn, Ende daer tot synen ende synder nacomelingen behoef ende sonder
haerlieder cost veerthien ende hem daer alle behoirlike
vasticheyt doen, alsoe dat na dier plaetsen rechte behoeren sal
sonder eenich wederseggen
XV septembry
Marie Johanne
et Renninge de
Zwertgoet
Baerdegeem, Duffle. De voirgenoemde Rommond vander Berct heeft
Opgedragen ende overgegeven, tot behoef vanden voirscreven
alle trecht ende deel, dwelc hy hadde in
gebruederen van Zwater, alle haeffelike
ende erffelike goeden, metten gronde etcetera de bynnen der
wesende ende
verheyt van Ghele ende daer vuyten gelegen, die den
voirscreven Rommonde, byder doot vander voirscreven jouffrou Margriete
synder huysvrouwen ende der voirscreven gebruederen zuster
in eeniger manieren verstorven ende gebleven syn ende die
der selver jouffrou Margrieten, aldaer toebehoirden
A Domino Mechliniensi, Waranderende etcetera, Ende heeft daertoe de selve Rommond, gelooft, dat
hy ten vermanen vanden voirscreven gebruederen van Zwaet goet
comen sal voir heer ende hof daer de voirscreven goeden onder
gelegen syn, Ende dier tot haren van haeren nacomelingen
behoef, sonder synen cost oft last veerthyen ende hen daeraf
alle behoirlike vasticheyt doen, alsoe dat na dier plaetsen
rechte behoiren sal
septembry tempore simile
Johannen Bogaert
Peters uxor
Duffle, Expoele, dat voir ons gecomen syn Jan Herregodt
Ende Lysbeth Bogaerts Jan Bogaerts dochter, syn wyf, die ons
seyden ende te kennen gaven, dat niet lange geleden, de selve
Jan Bogaert ende Katheline sWitten syn wyf vut haeren vryen
wille ende met haren pren penningen, gecocht ende gecregen
hebben, opte stad van Mechelen de lyfpensien, hier nae
bescreven ierst ten live van Bartelmeus Herregod, vyf
scellinge Item ten live van Gielis Herregod, vyff scellinge
Item ten live van Anthonis Herregod vyff scellinge, Ende te
live van Wouteren Herregod, van alle des voirgenoemde Jans Herregodt
ende syns wyfs kynderen vyff scellinge ouder groote Turnoyse
vander munten des Conincx van Vrancke in welke lyfpensien
de voirscreven Jan Bogaert ende Katheline syn wyf haere heffene
behouden hebben, alsoe dat clairliker inden brieven vander
voirscreven stad van Mechelen, dair op gemaect, begrepen staet
Ende hebben dair om de voirscreven Jan Herregod ende Lysbeth
Bogaerts syn wyf, als de ghene, die weder gebruyken worden
goeder trouwen, Ende elc van hen besunder gelooft voir
hen hair hoir ende nacomelingen, oft gebuerde, dat de voirscreven
Jan Heregode syns wyfs kynderen, de voirscreven Bartelmeus
Gielis, Anthonis ende Wouter Herregot, de voirscreven Jan haere
Heregod ende syne wyfs kynderen, oft eenich van hen, storven
ende van live ter doot quamen voir den voirscreven Janne Bogaert
ende Kathelinen sWitten synen wive, dat in dien gevalle
de voirscreven Jan Herregots ende Lysbeth syn wyf, den selven
Janne Bogaert ende Kathelinen sWytten synen wive, alsoe
langhe, als sy ende de langhstlevende van hen beyden, leven zelen