Blader door transcripties » Stadsarchief Mechelen

archieftoegang 2, inventarisnummer 937, pagina 57

Rommonde kerken, bynnen Mechelen, als notarie
clairliker blyct, Ende van dier sommen van
vierenvyftich Rynsgulden, Ende oic van alle der
moeyten ende quellingen heysschen, sommen van penningen
ende van allen anderen dinghen, die de voirscreve Jan vander
s wyf
Moelen ende dierwyf der voirgenoemde Beatris Mane
in eeniger manieren soude moegen doen ende heysschen
om der voirgenoemde gelooften wille ende ghiften wille
om de helft, vander voirscreven beaters lyfrenten ende
erfrenten, die sy heeft ende die haer verstorven syn
ende oic versterven zelen, Ende oic om haer goeden
wille, na haer doot blivende, die den voirscreven Janne
ende synen wive byder voirscreven Battere, na vutwysen
vander voirscreven mynlike vereeningen, toegeseet ende
toegevueght waren te hebbene, Soe hebben de voirgenoemde
Jan vander Moelen ende dierwyf syn wyf, Quytgesconden
los vry ende ledich den voirscreven Peters Magis Peteren
de Muntere ende alle andere dies quitancie behoeven
geheelic ende al, Gelovende de selve Jan vander
moelen ende diewyf syn wyf te houden, de selve
quitancie ende al tgene daer in begrepen vast gestentich
de
ende van weerden ten eeuwigen dagen ende daer tegen
te
nemmermeer doen, oft by anderen doen doen en zelen, oft noch
oic der voirscreven Batters haeren hoir ende nacomelingen
vanden voirgenoemde haren goeden ende lyfrenten, die sy nu
heeft ende namaels hebben sal, emmermeer yet heysschen
voer gheestelike oft weerlike gerichten in gheender
manieren, maer zelen haer, alle die goeden, om daer
mede, na haer gelieften te disponeren, altyt paysselic
ende vredelic laten volgen, sonder eenich wederseggen
Om welke gelooften, alsoe volstentelic tonderhouden
ende om der meerder zekerheyt, der voirgenoemde Beatrie
daeraf te doene, hebben de voirgenoemde Jan vander
Moelen ende diewyf syn wyf, der selver waters
in tytule van gewarigen pande, daer voir verbonden
ende te pande geset, hen selven ende daer toe alle
haere haeffelike ende beruerlike goeden waer die
bevonden zelen worden, die sy nu ter tyt hebben
ende die sy oic hier namaels hebben ende vercrigen zelen
IX Augusti tempore simile
Johanne Tymmerman
Ghoeten, Expoele. Henrick Tymmerman, heeft quytgesconden
los vry ende ledich, Janne Tymmerman synen vader van
allen den haeffeliken goeden, die den voirscreven Henricken
byder doot van wylen Machtilden Snyere synder
moeder ende des voirscreven Jans Tymmermans wyf doen
sy leefde, in eeniger manieren verstorven moegen syn
supra tempore simile
Domino Johannes
de Dyegheem
XV
Wynkele, Hamme, Peter van Steynemoelen, heeft quytgesconden
los van ende ledich, heer Janne van Dyegheem priester vander
sommen van vierentwintich pond groten Brabants gelts, die
hy den voirgenoemde Peteren sculdich ende tachter waer ende dair
voir hy den selve Peteren, syn huys metten hove, opte
Tiechelrye gelegen, dat nu Henricke vander Heyden
toebehoirt, tanderen tyden verbonden ende te pande geset
heeft ende alle andere dies quitancie behoeven, geheelic
ende sal
IXa augusty
Johannes vander
specken et
eus uxore
Hanne Duffle. Willem Beroete, wylen Willeme behoeten
soon voir deen helft, Ende oic de selve Willem ende Jacop
Mathys van svaders wegen, Ende Remen ende Henrick Remeye
gebruederen vander moeder wegen, als momboiren ende
inden name van Janne Bezoets, de voirscreven Willeme
brueder doef ende synder synen broeft wesende, die sy
in hen vervingen, voir dander helft hebben vercocht
ende Margrieten dive diemen heet Fierenen
Janne vander Specken, Twee huysen metten hove gronde, de
die Peteren van Hazeldonc, toe plage ierst ende daerna, den de
voirgenoemde wylen Willem Bezoets den ouder toe plagen te hoiren
gelegen deen neven dander tot Neckpoele inde Beghinenstrate
tusschen Rommonde van Beynen erve aen deen zyde, ende
Marck ontermans erve aen dander zyde. A Domino Mechliniensi, Waranderende. Op
twee pond paymente ende op twee chysguldene ende eenen
halven date jaerlicx vutgaende
Assignavit XXVII Peters
Xa augusti tempore simile
Peter Nys heeft bekent openbairlic voir
ove dat hy gehadt ende ontfangen heeft van Hubrecht me
synen vader, de somme van twee hondert gouden Peters vanden
munten et elken dairaf tot achtien stuvers gerekent, de
welke de selve Hubrecht, den voirscreven Peteren voir scepenen
van Mechelen, gelooft heeft te betalen, Ende van dier sommen
van twee hondert Peters ende oic van allen anderen sommen
van penningen ende gelooften, die hy oic den voirscreven Peteren
synen soon in eeniger manieren bekent ende gelooft mach
hebben, heeft de selve Peter Quytgesconden los van een
ledich, den voirgenoemde Hubrecht synen vader ende alle andere
dies quitancie behoeven, geheelic ende al