Blader door transcripties » Stadsarchief Mechelen

archieftoegang 2, inventarisnummer 937, pagina 56

erffelike goeden met haren toebehoirten, den voirscreven
Wouteren toebehoiren, tot Leest gelegen, gelyc den
scepen brieve van Mechelen, daerop gemaect dat
clairliker vutwysen, Ende van dien vierentwintich
pond groten ende oic vanden voirscreven thien Rynsgulden
lyfpensien, heeft de voirscreven Jan vander Hayct inde
name als voir Quytgesconden los van ende ledich
den voirscreven Wouteren, soe hoir ende nacomelingen
ende oic syn voirscreven goeden ende alle andere die
quitancie behoeven, geheelic ende al
VIa augusti tempore simile
Peter vander Haghe priester, heeft
Quytgesconden los van ende ledich, meester Rommond
Godevaert, tot behoef van Aerde van Diest vander
sommen van tweendertich pond groten Brabants
gelts, die de selve Aert den voirscreven heer Peteren
vut zaken vander coope van sinen huyse, inde
Begaertstrate gelegen, dwelc hy tegen den voirscreven
ende Peteren, gecocht ende gecregen heeft, sculdich ende
tachter ende sculdich was, ende alle andere die
quitancie behoeven, geheelic ende al
^
Arnoldus vanden
goede et Ridus
Boom
Dale, Hamme, Cornelie van Berthem, heeft quytgesconden
soe van ende ledich, Aerde vanden Hoede ende Rommond
Boom vander sommen van veertich gouden Rynsgulden
goede etcetera, Te wetene veertich groote Vlaems gelts voir
elken van dien gerekent, die den ven deselve
Cornelis
Aerd ende Rommond, den voirgenoemde Rommond vut zaken
van eenen seggene, dat tanderen tyde, by Gielis Vrancx
ende Janne Barbier, als mynlike seggen ende de dinghmannen
byde voirscreven partien gecomen, op zekere haere gescillen, die
sy doen ter tyd hadden, om der goeden wille gebleven
achter de doot van wylen jouffrou Margrieten van
Boechout, vutgesproken ende gerincieert geweest
sculdich ende tachter ware, ende alle andere die
quitancie behoeven, geheelic ende al
VIa augusti tempore simile
die beholomeus
Couthale XVI
Dale, Hale. Henricx wylen Colyns soon van Berghen
heeft vercocht heer Bartelmeus Couthals priester, vier
gouden Rynsgulden goeden van synen twaelff gouden
Rynsgulden goede etcetera te wetene veertich groten Vlaems
gelts voir elken van dien gerekent erffeliker renten
die hij heeft de voirscreven Henrick heeft, Op een huys, den
Wytten Hert geheeten metten hove ende met eenen
huyse dair achter staende ende oic metten gronde, te
der voirscreven van Brueder
toebehoerende Gielis Couthals ende Lysbetten toe vander
Strepe, synen wive, gelegen in Onser Vrouwen strate
tusschen eendere, dat den voirscreven Henricke toehoirde
ende dat nu toebehoirt, Peteren Ghysbrecht aen deen
zyde ende der weduen ende kynderen erve van wylen Jan
Janne Loys, aen dander zyde, streckende achterweerts tot
Jan Godevant diemen heet inden Creeft erve toe, om
alleene
welke vier gulden te quitene, des voirgenoemde heer Bartelmeus
huys metten hove inde Vooghstrate, opten hoeck
vander Bleecstraten, gelegen veronderpant ende
verobligeert stont, A Domino Johannes de Oeyenbrugge ware
daeraf
Assignavit III denier gulden den XVI denieren die voirgenoemde
ende Bartelmeus gelooft heeft
Casse te betalene in presenta
Scaboede vold Cleynaert
VIa augusti tempore simile
#
die Anthonis
vander Aa
mile
van Putte ende
Hamme, Expoele, Henric van Morteleren, Gielis Thys ende
Benedict buen van Putte Verzele hebben gelooft ende
elc van hen besunder ende voir al ongebeerdt na der
divisen recht te geven ende te betalen heer Anthonis vanden
Aa Ridder, drie pond vyfthien scellinge groten Brabants gelts
tusschen dit ende Paesschen naestcomende, sonder eenich
wederseggen
VIIIa augusti tempore simile
et Petrus
Beatrie man
mittere
Schooff, Ghoeten, Jan vander Moelen ende dierwyf vanden
Wynkele syn wyf, hebben vut haeren vryen wille voir ons
openbairlic bekent ende verleden, dat Beatrie Maes wylen
Henrick Magie ende wylen Lysbetten vander Varent syns wyfs
dochter, henlieden dueghdelic vernueght ende betaelt heeft
vander sommen van vierenvyftich gouden Rynsguldenen, elken
dairaf tot twintich stuvers gerekent, de welke de selve
Batere, den voirgenoemde Janne vander Moelen ende dierwyf, synen
wive, sculdich waer, Ende dat vut zaken van eender vutspraken
die Willem vanden Wynkele ende Hubrecht Back, als seggeren
ende mynlike de dueghmannen, byden voirscreven Janne vander Moelen
ende synen wive, ter eender ende byder voirscreven Beatris Mane, ter
andere zyden gecomen, tanderen tyden te wetene opten negende
dach van decembry lestleden gedaen ende vutgesproken hebben
Op alle de gescillen, die sy deen tegen dandere hadden van allen
alsulken ghiften ende makingen, als de voirscreven Beatris den
voirgenoemde Janne vander Moelen ende synen wive toegeseet
ende gelooft heeft, gelyc haer vutsprake, dat claerder vutwyst
Ende oic van alsulken mynliker vereeningen ende accorderingen
als de voirscreven partien met malcanderen by bywesene van haeren
verenden, daeraff aengegaen ende gesloten syn waren
Alsoe dat oic by eenen instrumente dair op gemaect by
Heer Jorys de Moinck priester, onderprochiaen van Sinte