Blader door transcripties » Stadsarchief Mechelen

archieftoegang 2, inventarisnummer 937, pagina 31

Wynkele, Hamme, Gielis vander Roven, tot behoef vanden
godswille goidshuyse van Grymbergen, heeft verreyct
priester
Een huys metter plaetsen hove gronde, dat wylen
Jacop Lanne toe plach te hoiren, gelegen inde Begaerdstrate
tusschen
Ex censu
XVIIa marcy tempore simile
alle Kemmere
Arnoldue de eyke
Wynkele, Duffle. Jan van Eyke, diemen heet de Kemmere
Seggende ende over te kennen gevende, hoe dat Aert van
Eyke, diemen heet de Kemmere, syn vader, met sinen hen
ende eyghenen penningen, gecocht heeft, tot sinen live, thien
erfpensien
scellinge ouder groote Turnoyse vander munten etcetera opte
stad van Mechelen, Ende dairom ende om dat hy
weder gebruyken woude goeder trouwen, tot in
voirscreven vader, Soe heeft de voirscreven Jan van Eyke
vuten veren wille gewilt ende vuterlic voir
ons begheert, dat oft gebuerde, dat hy storve
voir den voirscreven Aerde, synen vader, sonder wettich
hoir van sinen live gecregen, achter te laten, dat
alsdan ende in dien gevalle, de selve Aert syn vader
van ende vut synen alle gereetsten haeffeliken ende
anderen goeden, hebben houden ende aenveerden sal
tzestich gouden Peters vander munten etcetera goede
Te wetene zessendertich groten Vlaems gelts voir
elken van dien Peters gerekent in gereeden gelde
eene, den wederseggene van sinen bruederen ende
zusteren, oft van anderen niet tegenstaende
Alsoe vele penningen
alle hy voir de voirscreven
lyfpensie, der voirscreven
stad, gegeven ende
betaelt heeft dat
syn
ut supra tempore simile
Dis filia inde
Raeymakere tot
Wynckele, Hamme, Lysbeth vander Hofstad wylen ende
wettighe dochter van wylen Gielis vander Hofstad ende
van wylen Marien Lans synen wive met Gheerd de Neve
haren man aen deen zyde, van wylen Joes Raeymakers
de ende wylen Barblen vander Hofstad, syns wyfs dochter
ende die der voirscreven Lysbetten zyn vander Hofstad zuster was
doen sy leefde, met Janne vander Straten haeren man
aen dander zyde Lossye Raymakere, der voirscreven viven
zy wettige zuster met Aerde van Coudenberge, haere
momboir, aende derde zyde, Ende oic Janne Snydere, als
Rentmeester des goidshuys van Bethanien, staende by
Mechelen, inden name vanden selven goidshuyse, Ende
van zuster Lysbetten vanden Velde, wylen Gielis
vander Velde ende wylen Margrieten vander Hofstad
syne wyfs dochter, die oic der voirscreven Lysbetten ende wylen
Barblen vanden Hofstad, wettige zuster de professe
int voirscreven goidshuys van Katherinen, die hy in hem vernueght
aende vierde zyde hebbende, de selve rentmeester, om tgene te
doene, dat hier naer bescreven staet vander proonen ende
gemeynen convente desselfs goidshuys volcomen macht gelyc
ve dat clairlic by eender procuracien, daerop gemaect ende bezegelt
metten gemeynen zegel desselfs convente goidshuyse, beke
hebben openbairlic voir ons bekent dat sy underlinghen
bynnen der Vryheyt gelegen
alle de erffelike goeden ende renten, henlieden byder doot
vanden voirgenoemde wylen Gielis vander Hofstad ende van wylen
Marien Lans synen wive, der voirgenoemde Lysbetten vander
de
Hofstad ende wylen Margrieten ende Barblen vander Hofstad
vader ende moeder in eeniger manieren, gebleven ende verstorven
mynliken gescheyden ende gedeylt hebben inder manieren, hier
naer volgende, alsoe dat by crachte vander selver scheydingen
een deylingen, de voirgenoemde Lysbeth vander Hofstad, voir haer deel
ende part der voirscreven goeden, hebben houden ende besitten sal
jerst neghen scellinge ouder groten Turnoyse vander mittere
erffeliker renten, opte stad van Mechelen vallende jaerlicx
ten termynen inde brieve daerop gemaect begrepen, Ende sesse
chysgulden jaerlicx ende erffelicx chys, Op een stuc bempt
dat wylen Henricken van Campenhout toe plach te hoiren, gelegen buyten
der Oeverstepoirte ter Eyken, op een stuc lants, dat oic deselve wylen
Henricke toehoirde, aldaer oic gelegen
ende bosschen
de vonde, hebben
Item de voirgenoemde vive Raymakere, al oic by crachte vander
voirscreven scheydingen ende deylingen de
te samen vandeel ende voerscreven goeden
houden ende besitten sal, ierst thien scellinge ouder groten
Turnoysen vander voirscreven maten erffeliker renten, opte
voirscreven stad van Mechelen verschynende oic jaerlicx ten
termine inde brieve daerop gemaect begrepen, de een
de weerde van thien scellinge groten Brabants gelts erffelicx
de Drie peningen geheeten
chys, Op een huys metten gronde etcetera, toebehoirende, der wedue
ende kynderen van wylen Henricken Vrients, Ende de voirgenoemde
zuster Lysbeth vanden Velde, sal oic by crachte vander selve scheydinge
en deylingen, de voirscreven goede voir haer deel paert ende
porcie, de selver goeden, hebben houden ende besitten, achten
neghen chysgulden erffelicx chys, Op thuys van eenen hof
van Wilde, metten gronde ende allen syne toebehoirten, dat
nu een goidshuys in Thabor, geheeten, Ende twaelff
chysgulden oic erffelicx chys, op een huys metten hove
gronde etcetera toehoirt Henricke Huyghs, gelegen in Sinte
Kathelinenstrate byde yerste brugge ende byden vlyet aldaer
tusschen den selven vlyet aen deen zyde ende deselfs Henricx
ander hen aen dander zyde, Gelovende, de voirgenoemde Lysbeth
vander Hofstad, metten voirscreven Gheerde haren man ende de
voirscreven vive ende oppe metten voirscreven Janne Haren man
ende de voirscreven lossen metten voirscreven Aerde haren momboir, Ende
oic de voirscreven Janne als rentmeester ende inde name vanden
voirscreven goidshuyse ende van zuster Lysbetten, te houden eeuwelic
vast gestentich ende van weerden, al tgene, de voirgenoemde
scheydinge ende deylinge ende daer tegen nemmermeer te
doen oft seggen ende oic te doen doen, by hen selve groot
by nyemande andere in gheender manieren, Alle argelist
vutgescheyden
XXIII marcy tempore simile