Blader door transcripties » Stadsarchief Mechelen

archieftoegang 2, inventarisnummer 937, pagina 30

Henric Beckere
et eius uxor
Hamme, Duffle. Pauwels Vleming, heeft vercocht
Henricken de Beckere ende verronen van Rotselaer, synen
wive, Een huys met eenen hoefken ende gronde etcetera
gelegen inde Augustynstrate tusschen de poorte vanden
huyse oft woeningen, die wylen Janne Zoetmont, toe
plach te hoiren, dair naer toehoirde, wylen Meester
Claes van Muysene ende nu toebehoirt, Mathys vanden
Broeke diemen heet Mussche aen deen zyde ende
Bartelmeus Meermans erve aen dander zyde, welck
hoefken, hem staect achterweerts inde lenghden van
drientwintich voeten, tot des voirscreven wylen Meester
Claes ende nu Mathys Mussche hof toe, ter eender ende inden
bedden, van tweendertich voeten, tot desselfs
wylen Meester Claes, nu desselfs Mathys, hof toe voirscreven
tot de ende tot des voirscreven Bartelmeeus Hof toe, ten
andere zyden. A Domino Mechliniensis, in alle der vuegen ende manieren, als
de voirscreven Pauwels tvoirgenoemde huys, metten hoefken
tanderen tyde, tegen de voirscreven meester Clase van Muysene
gecocht ende gecregen heeft. A Domino Mechliniensi, Waranderende. Op Seven
chysgulden daer die de voirscreven Pauwels ende met
hem Cornelie van Culixrode, die dairom oic voir
ons gecomen waer, gelooft hebben, Op Seven chysgulden
daer jaerlicx vutgaende, van welke gelooft van waerscape
de voirscreven Pauwele gelooft heeft, den voirscreven Cornelis ende
syne erfgename, eeuwelic scadeloos quyt te houden ende
tontlastene
XIIIa marcy tempore simile
Magriete Wollen
vander Straten
Venneke, Duffle, Lysbeth Vensele met Janne van Hamme
haeren man, heeft vercocht, Meester Jan vander Straten
Een cleyn deel een stucxken van haeren hove gronde liggende
achter haer huys oft woeninge inde Beghinenstrate tusschen
den selven haven hof, aen deen zyde ende de voirscreven meester
Jans hof, aen dander zyde, met eenen muere van Achtien
voeten langhe staende int eynde vanden voirscreven cleynen
vercochten deele vanden voirscreven hove ende van des voirscreven
meester Jans hove voirscreven ende oic metten gronde ende men
Domine de Claes
toebehoirten. A Domino Mechliniensi, Waranderende sonder eenigen last van chyse
dair jaerlicx vutgaende der is in desen vercoop tusschen
de voirscreven partien ondersproken ende bevorweert, dat de voirscreven
meester Jan, tot sinen coste ende laste sal doen maken, Eenen
Nieuwen Steynen muer met Margaten, aen beyde zyden
vander lenghden van Eenentzeventich voeten, luttel min
oft meer, die beghinen, ende hem streckende sal vander voirscreven
Lysbetten muer oft egghe van haven voirscreven hove, tot aen deen
muer oft egghe van des voirscreven meester Jans huyse oft
stal int eynde vander selver Lysbetten ende van des voirscreven
meester Jans hove voir genoemt gestaen ende gelegen
Ende dien meer alsoe volmaect, sal hy altyt tusschen
der voirscreven Lysbetten ende haeren erfgenamen ende nacomelingen
ende oic tusschen den voirscreven meester Janne ende oic synen erfgename
ende nacomelingen, gemeyn syn ende bliven, Ende sal alsoe onder
henlieden, tot gelycken coste ende gelyc eenen gemeynen muer
eeuwelic worden gehouden, Behoudelic dien, dat den
selven Meester Janne noch oic synen erfgenamen oft nacomelingen
negheenssins gelooft syn en sal, eenige vensteren inden
voirscreven muer te moegen maken, oft te doen maken, om
daer voir inde voirscreven Lysbetten hof, te haere moegen hen
maer sal de selve Meester Jan ende syne nacomelingen
altyt behouden, haeren besende van eenen deele vanden
voirscreven Nieuwen mueren, scomende van desselfs Meester
Jans oft stal voirscreven tot op desselfs Meester Jans waerderwen
oft heymelicheyt aenden selven muer staende, wesende
vander lenghden van sessentwintich oft sevenentwintich
voeten, luttel min oft meer, Ende op der voirscreven Lysbetten
den
oft van
plaetsen van haven voirscreven hove, alle argelist vutgescheyden
XIIIa marty XVI
Broeke
Michiel vanden
Hamme, Soeten. Lysbeth van Dieven, met Jacop Wabbel haeren
man, heeft vercocht Machiel vanden Broeke, Een huys oft schuere
dat tanderen tyden twee huysen hebben plagen te zine metten
Messyen ende oic met eenen hove gronde etcetera gelegen buyten Sinte
Kathelinen poirte inde Rechtstrate tusschen Henricx vander Heyden
erve aen deen zyde ende Jan van Dueren, wylen Henricx van
Dueren soons erve aen dander zyde. A Domino Mechliniensi, Waranderende opte weerde
van drie scellinge sesse penninge grote Brabants gelts dair jaerlic
vutgaende ende oic op twee Rynsgulden, die de voirscreven Machiel
daerop erffelic heeft dair jaerlicx vutgaende
Assignavit XXX Ryns
marty
XVI may tempore simile
Egidive Vensel
Wynkele, Hamme, Margriete Yngelram, met Henricke vanden
Broeke haren man heeft vercocht Gielis Vensel, haer twee
derdedeelen van derthien selveren penningen, geheeten stuvers
erffeliker erffelicx chys dairaf tderde derdedeel, Barblen Yngelram
de voirscreven Margrieten zuster toebehoirt, die de selve man toe plach
hadde, Op een huys metten hove gronde etcetera van deen helft, af te hoiren
dat wylen Claes van
toebehoirt
alle haer van de den voirscreven Gielisen toebehoirt gelegen
ende dat
nu voir
inde Scriverstrate, tusschen Peters van Morchoven erve
diemen heet Luycx aen deen zyde ende Magriete der weduen
van wylen Henrick Scamelaerts erve aen dander zyde. A Domino Mechliniensi,
Waranderende etcetera
XVIIa marcy tempore simile