Blader door transcripties » Stadsarchief Mechelen

archieftoegang 2, inventarisnummer 937, pagina 28

executorest ende
Heylwige vanden
Haeghen
Wynkele, Expoele, Marten vander Bruggen ende Cornelis
van Gheringhen, als executeur ende tot behoef vander
execucien, de testamente ende vutersten wille van
wylen Heylwych vanden Hoeghen, weduen doen sy
leefde van wylen Lambrecht Ghere, hebben verreyct
Een huyse metten gronde etcetera dat Janne van natuerlic
soon van wylen Aert van toe plach te hoiren, gelegen
opte Mylane achter tconvent vanden minderbroederen
tusschen wylen heer Henricx van Vuyten poirten priester
erve dat nu den voirscreven Jan van toebehoirt, aen deen
zyde ende Jans wylen Jans van Eechoute erve dat
nu oic den selven Janne toehoirt, aen dander zyde
Ex censu
X marcy tempore simile
inde zel
Jordaen Lepelere alias
Dale, Schooff. Joerdaen de Lepelere, diemen heet
geheeten de Meerman
inden Ezel heeft verreyct, Een huyse metten hove
gronde etcetera dat Willem Heyman, toe plach te hoiren
gelegen aenden Steenwech, tusschen thuys de Mane
geheeten, toehoirende, Henricken Boye, aen deen zyde
ende thuys den Roscam geheeten, toehoirende Janne
Huens ende synen kynderen, aen dander zyde. Ex censu
ut supra tempore simile
Ludocus Vrancx
Hamme, Duffle, Aert Cleynaerts, tot behoef van Joes
Vrancx heeft verreyct, Een huys geheeten Tiechelhove
ende een huys geheeten de Calchoven, metten hove ende
gronde etcetera die Jacop manden toe plagen te hoiren, gelegen
buyten den Wykete, opte Dele, tusschen des gasthuyse
vander Heyligen Drievuldicheyt erve aen deen zyde
ende wylen Jans vander Monden erve aen dander zyde
Ex censu
t supra tempore simile
infra infra
Dale, Duffle. Katheline Wagemans, wedue van wylen
Gielis vanden Hove, Ende oic Jacop Jan, Aert ende Zeger
vanden Hove haere kynderen, Ende oic Segher Wagheman
der voirscreven weduen brueder, alleene woenende tot
Rymenam ende tot Keerbergen, hebben gelooft ende elc
van hen besunder ende voir al voir hem syn hoir ende
nacomelingen, ongevrydt na der divisen recht Te geven
ende te betalen, Janne Leeman, als rentmeester ende tot behoef
vander infirmarien vanden crancken beghine, staende
bynnen den beghynhove van deser stad, vyf ponden
Sesse scellinge ende seven ende eenen halven penningen
grote Brabants gelts Te betalen, tot twee terminen
Te wetene deen helft dairaf tot Sien naestcomende
Ende dander helft, tot daeraf tot Onser Liever Vrouwen
daige half oeghst, dair naer volgende, Ende dat voir
alsulken achterstel, als jouffrou Kathelinen vander paelt
beghinen, vut zaken van zeker haere lyfpensie ende
lyfpacht die sy tot haeren live heeft op zeker goeden
der voirscreven weduen ende haeren kynderen toebehoirende
gevallen ende verschenen syn, des es in desen, ondersproke
ende bevorweert, oft gebeurde, dat de voirscreven Geloven
yersten
daer
den voirgenoemde termyn heeten overgaen, ombetaelt, Jan
veerthien dagen tyt dat in dien gevalle, de voirgenoemde
geheele scult, verschenen sal syn ende dat sy die dat
sculdich zelen syn, geheel ende al, opte leggen ende
te betalene, sonder eenich wederseggen, de voirscreven
wedue ende haere kynderen, hebben voert gelooft inde
voirscreven manieren, den voirscreven Seger Wageman, hieraf
scadeloes quyt te houden ende tontlastene
Xa marcy tempore simile
Johanne voir
Wynkele, Duffle. Henrick vander Loe wylen Willems vander
soe soon heeft vercocht Janne de Vos wylen Gielis de Vos
soon, neghen gouden Rynsgulden van twintich gelike gouden
Rynsgulden goede etcetera. Te wetene veertich groten Vlaems gelts
jaerlicx ende erffelicx chys
voir elken van dien gerekent, die de voirscreven Henrick heeft
Op alle de haeffelike erffelike ende onberuerlike goeden metten
gronde, toehoirende, Willem vander Loe der voirscreven Henricx brueder
ende oic Roelant vander Loe desselfs Willems soon, die
sy hebben ende namaels hebben ende vercrigen zelen, bynnen
etcetera wesende ende gelegen. A Domino Mechliniensi, Ware, Ende om der meerder
zekerheyt, den voirscreven Janne de voer vander betalingen der
voirscreven neghen Rynsgulden des voirscreven chys te doene
hebben de voirscreven Willem vander Loe als een tochtenere
Ende de voirscreven Roelant syn soon als erfgenaem, daervoir
verbonden ende tonderpande geset haerlieden huys den Drake
geheeten, metten hove gronde etcetera dat in Sinte Kathelinen
strate gelegen, tusschen Aerts van Beneden de jongen erve
aen deen zyde ende Wouters van Battele erve aen dander
zyde, op een ende daer jaerlicx voir vutgaende, Ende voirtaen
alle dander haere haeffelike ende erffelike goeden metten gronde
die sy bynnen etcetera gelegen, die sy nu hebben ende namaels
hebben ende vercrigen zelen
XIa tempore simile