Blader door transcripties » Stadsarchief Mechelen

archieftoegang 2, inventarisnummer 937, pagina 2

Opten XVIen dach van februario anno LXXIII na costume
heeft jouffrou Katheline van Voesdonc, wylen Aert van Voesdonc
wettige dochter met Vrancke van Halle, haeren man, ierst
wederroepen ende te nieuwte gedaen, alsulken macht van
haeren chysen renten pachte, hueringe ende sculden tontfangen
quitancie daeraf te geven, Ende oft noot ware, daerom te dedingen
ende te dingen etcetera Ende heeft als sy tanderen tyde, Jacoppen
van Voesdonc, des voirscreven wylen Aert natuerliken soon
voir ons gegeven heeft, Ende heeft weder van Nieuwe
geconstitueert Aerde Cleynaert, om in haeren name
ende tot haren behoef, te maniere ende tontfangen, alle have
chyse de renten pachter, hueringe ende sculden, diemen
haer bynnen der stad ende verheyt van Mechelen sculdich
ende tachter is ende worden sal den tyt van desen macht duerende
quitancie daeraf te geven, Ende oft noot zy daerom te dingen
beleyde te doene ghichten tontfangen, die weder over te
geven behouden haer haeren chyse rente ende pachte ende
pretene instituerde, dan A Renonacioens halve
selve Ridde opt, Actum coram Gerardo
vander Aa, Magroot
Opten XVIIIen dach van februario annoy, heeft Philips
Kerman voir Peteren Ymbrecht als stadhouder vanden commoingmeester
es geconstitueert, Andries vanden Voirde, synen knecht, om
alle syne sculden, diemen hen sculdich ende tachter es, aen wat persone
dattet zy te inne ende tontfangen, Quitancie daeraf te geven
Ende oft noot zy daerom te dedinge ende te dingen, Aerestemente
ende achter te doene, ut in forma, ende pris Ratha
Opten XII sten dach van meerte anno LXXII, hebben gheen
Brand ende Henrick Boys, Poirters van Diest, die hier in desen
stad van Rommonden vander Berct, gecoert ende gearresteert
ware voir zeker verschevende lyfpensien, die heer Aert van Dyepenbeke
priester, tot synen live heeft, opte stede van Diest ende die de selve
breet, de voirscreven Rommond vander Berct, over in betalingen
van voir over gegeven hadde te heffene, gelooft ende elc van
in hande van heffen
hen besunder ende voir als te geven en te betalen, den voirscreven
Rommonden, alhier tot Mechelen, al tgene dat hem tot boven
aengewesen w sal worden te hebben vander zaken ende
gescillen, die hy, om der voirscreven lyfpensien, te doen heeft tegen
Willem inde drie croene tot Loeven, Ende oft in hen gebeeck
ware van dier betalinge, Soe hebben oic opte selven tyt geleyt
in handen des voirscreven commoingmeesters ende elc van hen bekenden
ende voir al, Henric Ghoeten ende Henric huene, dat dueghdelic
te voldoen ende te volbrengere, sonder eenich wederseggen
Ende de voirscreven Gheerd ende Henric hebben gelooft, den voirscreven
Henricken Ghoeten ende Henricken huene, daeraff scadeloes quyt
houden ende tontlasten
Gheerde
vander Aa
Commoingmeester
by haeren trouwen
en eenen ende
oic in pencien
van Janne Pete
ende Meester Rogier
van Expoele
scepene van
Mechelen