Browse transcripts » City Archives Mechelen

archive access 2, inventory number 937, page 19

heet de locum thoen van Peter, ende X
XVIa January positie
Henrick Huyghs
Hamme, Duffle, Augustyn Huyghs ende Gielis vander Hagen van
des vaders wegen, Ende Jan ende Peter de Bere gebruederen
vander moeder weghen, als momboiren ende inden name
van Henricken, Lysbetten ende Heylwich, Huyghs, Henricx
Huyghs wettigen kynderen, onder have jaere, etcetera wesende
die sy in hen vervinghen, hebben opgedragen ende
overgegeven tot behoef vanden voirscreven Henricken
der voirscreven kynderen vader
Huyghs de drie huysen metten hoven gronde etcetera hier
na bescreven, daeraf deen gelegen is in Sinte Katheline
strate aen tStalenbrucxken gelegen byde Mylaen gelegen
tusschen deselve Mylaen, aen deen zyde ende een ander
huys daer de dat den Roesboom plach te heeten ende
dat nu den Bellaert, geheeten is, dat den voirscreven
Henricken Huyghe tot synder tocht ende den voirscreven synen
kynderen tot haerer erffelicheyt toebehoirt aen dander
zyde. Item dander van dien den huysen de gelegen
inde selve Sinte Kathelinenstrate opten hoeck vander
Bogaertstraten, tusschen de selve Bogaertstrate, aen deen
zyde ende de wedue van wylen Janne vander Berct, aen
dander zyde, Ende tderde van dien drie huysen, te oic
gelegen inde voirscreven Sinte Kathelinen strate opten voirscreven
hoeck vander Bogaertstrate, tusschen deselve aen deen
zyde ende Jan Snelle erve aen dander zyde. A Domino Mechliniensi, Waranderende.
etcetera voertaen hebben de voirgenoemde momboire inden name
vanden voirscreven overanden kynderen, die sy oic in hen vervingen
Quytgesconden los van ende ledich, den voirgenoemde Henricken
Huyghs van alle den haeffeliken goeden, die den voirscreven
kynderen, byder doot van wylen Kathelinen sBeren haeren
moeder, die desselfs Henricx wyf was doen sy leefde
in eeniger manieren verstorven moegen syn
XII february tempore simile
Item de voirgenoemde Henrick Huyghs, debet den voirscreven momboiren
totter voirgenoemde kynderen behoef hondert vierentzeventich
gouden Peters vander munten etcetera goede te wetene
XXVI grooten Vlaems gelts voir elken van dien gerekent
Huyghe
Liber Henricx
Te betalen, soe wanneer soe wanneer sy ter ende
eenyegelic van hen, tot achtien Jannen, oft tot eenen
eenigen geapprobeerden state van huwelic oft anderssins
gecomen selen syn, Ende soe lange heeft de voirscreven
Henrick gelooft de voirscreven syne kynderen, met hem
bynnen synen huyse te houden ende hen eten drincken
cleederen schoenen ende al tgene dat haren leven noot syn sal
ende
tamelic te geven ende hen oic ter scholen, oft tot ambachte
te vuegen, sonder mindernisse vander voirscreven principaelde
scult, Ende dair voir, heeft hy verbonden syn voirscreven
drie huyse, metten hove gronde etcetera voir verclaert
Ende daer toe alle syne haeffelike goeden waer die
bevonden zelen worde ende oic synen andere erffelike goeden
metten gronde, bynnen etcetera gelegen, die hy nu heeft ende
namaels hebben ende vercrigen sal
XII february tempore simile
Peter Craenbout
et uxor
Hamme, Duffle
gelooft
Item. De voirgenoemde Henrick Huyghs heeft voir hem syn hove
ende nacomelingen, gelooft gegeven ende te betalen
Peteren Craenboirt ende jouffrou Jehannen van Berckelaer
synder huysvrouwen ende oic haeren, hoir ende nacomelingen
alle jare ten eeuwigen daghen, elcx jaer van dien
altyt opten yersten dach van meerte, daeraf den
yersten termyn van betalingen syn sal, vanden yersten dage
van Merte naestcomende, bynnen eenen jaere daer naer
volgende, Twee pond groten Brabants gelts jaerliker
d
de
ende erffeliker renten, Ende om der meerder zekerheyt
den voirscreven Peteren, synder huysvrouwe, vander voirscreven
hebben
ende oic Augustyn
gelooften te doene heeft de voirscreven Henrick den voirscreven
Huyghe syn vader die hoe oic voir ons gecomen waer
Peteren ende synder huysvrouwe in tytule van gewarigen
heeft de voirscreven Henrick
pande verbonden ende te pande geset syn voirgenoemde
drie huysen metten hoven, etcetera voire genoemt op
vier pond payments ende op twaelff chysgulden daer
vuten voirscreven yersten. Item op twee chysgulden ende
huyse
eenen halven ende op anderhalven Peters vuten voirscreven
tweeden huyse, Ende op vyf chysgulden V pond paymente
ende sesse capuynen vuten voirscreven derden huyse jaerlicx
voir vutgaende, Ende daer toe alle sine haeffelike
goeden waer die bevonden zelen worde ende oic seven
andere erffelike goede, metten gronde etcetera die hy nu
heeft ende namaels hebben ende vercrigen sal, Ende de voirscreven
oic
Augustyn, alle sine haeffelike ende erffelike goeden metten
g
gronde etcetera bynnende, gelegen, die hy nu heeft ende namaels
hebben ende vercrigen sal
ende die twee pe
deselfs chys
groten, heeft de
voirscreven Henrick oic
gelooft te quitene
totter een huer
maende
Te wetene deen
pond dairaf van
pach naestcomen
de een jaer
aen dander
pond groote, dat
tot twee termynen
te weten, de
deen helft daeraf
bynnen twee jaeren
tyt daer naer
volgende ende daer
helft daeraf voir
twee jaeren tyt
daer naer terstont de
vervolgende ende
elken penning daeraf
met XVI gelike
penning ende met
vollen chyse
#
ut supra tempore simile