Browse transcripts » City Archives Mechelen

archive access 2, inventory number 937, page 17

ter stont na der voirscreven Margrieten doot voirgenoemde
huys aenveerden ende dat vercoepen zelen ende
metten penninge daer af comende betalen, den voirscreven
persoonen, de voirscreven te sestien Rynsgulden
van dat de selve proviseurs, tsurplus daeraf, tot
henweerts nemen zelen ende dat deen aen
levende vander voirscreven taflen der Heylichs Geests
trouwelic geven ende distribueren, sonder eenich
geweer, oft wederseggen
IIII february
de Rumpst
Liber quondam Henricx
alle de ghene
Schooff, Zoeten. Peter Ghysbrechts, die inde lyfpensien
hier naer bescreven syn dispositie ende heffen hadde
heeft openbairlic voir ons bekent dat hy gehadt
ende ontfangen heeft van huer gegoeme ende meester
Henricken van Rumpst priesteren ende oic van Janne
Lysbetten ende Katheline van Rumpst alle wylen
Henricx van Rumpst wettigen kynderen, de somme van
driehondert Peters vander munten etcetera ende van twintich
Rynsgulden, als voir de lossinge ende quitinge
van dertich gelike Peters ende van twee Ryne
gulden jaerlike lyfpensien, die de voirgenoemde wylen
Henrick ende Gregoris syn soon, tanderen tyden, den
voirscreven Peteren Ghysbrechts, tot zekere synder kynderen
ende andere personen liven, vercocht heeft, op zeker
have goeden tot Rumpst gelegen, Ende van dien
o
ende vander voirscreven Lysbetten
e
sommen ende oic van alle der hanteringen van
van geleenden gelde van
comanscapen, die de voirscreven ende anderen dingen, die
de voirscreven wylen Henrick van Rumpst ende Peter
Ghysbrecht te samen gedaen ende gehanteert hebben
ende die zy den voirscreven wylen Henricken oft een voirscreven kynderen geleent mach
heeft de selve Peter Ghysbrechts, Quytgeschonden hebben
los vry ende ledich, den voirscreven heer Gregoris van Rumpst
tot sinen ende synder voirscreven bruederen ende zusteren
behoef, haere voirgenoemde goeden tot Rumpst gelegen ende
alle andere dies quitancie behoeven, geheelic ende al
oft gelyc dat inde
scepen brieve van
Antwerpen daerop
gemaect claerlike
begrepen ende bescreven
staet
ut supra tempore simile
Liberi Johannes
de Bruele
Hane, Duffle. Gheerd vander Aa commoingmeester ende
wille Schooff, scepen, als proviseur ende inden name vanden
Convente van Lelyendale staende bynnen den beghynhove
van deser stad, hebben om der meests orboirs ende prouffyts
wille vanden selven Convente, opgedragen ende overgegeven
tot behoef van Jan Laureys, Cornelis Ambrosius ende
Lysbetten van Bavele, wylen Janne van Bavele kynderen
Een huys metten hove gronde etcetera dMandeken
geheeten, dat Janne Scelleman toe plach te hoiren
ende dat Jacop Polsvlyet, tot des voirscreven Convente
behoef, tanderen tyden voir achterstelligen chys
van Acht scellinge Loevens ende drie capuynen, die
tvoirscreven convent daer op ge heeft, wettelic vutgewonnen
ende verreyct heeft gelegen inde Kerchofstrate
tusschen Henricx vanden Dycke erve aen deen zyde
ende wylen Jan Scellemans erven des voirscreven Jans
vader erve aen dander zyde. A Domino Mechliniensi, Warende. Jan Hermans
tot voirscreven kynderen behoef waer inne gegoet
Behoudelic den voirscreven Convente synen voirscreven
van
ouden
chyse ende den ambachte van Sinte Rommonts
kerken, synen chyse van tweentwintich scellinge
Loevens ende twee ende eenen halven penninge paymente
ende den goidshuyse van Blydenberge, synen chyse
van twintich scellinge Loevene, die oic dezelve
al op hebben, Ende oic den huyse vanden Ziekenlyden
buyten Mechelen den chyse van zessentwintich
scellinge Loevens, die oic den selven chys op
hebben
Jordan Esscher
Vrykele, Duffle. Anthonis Boom, rentmeester van deser stad
heeft vercocht Joerdaen Escher Arthecaris, Een huys
metten hove gronde etcetera, dat Rommond tSerghysele ende
synen kynderen toe plach te hoiren, gelegen opte Ledicheyt
tusschen wylen Henricx van Rumpst erve aen deen zyde
ende Lysbeth Scheluwaerts erve aen dander zyde streckende
achterweerts metten voirscreven hove, tot wylen Willeme
Dele
tSulle erve. A Domino Willemo de Merode, waer op
drientwintich scellinge vier penninge ende eenen hellinge
Loevene, drie capuynen vyftich scellinge payments
Ende die drie gouden Peters vander maten goede
oft de weerde daer voir, dair jaerlicx vutgaende
Va february tempore simile
Johanne Barbaert
vander Heyden
et aly
Wynkele, Expoele. Jan vander Heyden tot synen ende Barblen
vander Heyden synder zuster behoef van wylen Lysbetten
ende oic tot behoef van wylen Lysbetten vander
Heyden synder zuster kynderen, heeft verreyct
Eenen hof metten gronde etcetera, die Bartelmeus vander
Hoevorst, toe plach te hoiren, gelegen buyten de
Coepoirte inde Cempelstrate tusschen wylen Jan
Willem van erve aen deen zyde ende wylen Gielis van
Rossem erve aen dander zyde, met eenen huyse ende
schueren daer op staende ende oic met eenen duyfhuyse
int middel vanden voirscreven hove gemaect ende oic met
drie huysen, oft cameren, deen neven dander int eynde