Blader door transcripties » Stadsarchief Mechelen

archieftoegang 2, inventarisnummer 937, pagina 175

Hane, Expoele. Jan van Rymenam ende Jan van Woeluwe
debet Cornelis van Nyspen, Sesse pond thien scellinge
grote Brabants gelts Te betalene, bynne eender maende tyt
naer Paesschen nu naestcomende, Ende daer voir hebben
sy verbonden ende te pande geset alle halve haeffelike goeden
waer die bevonden zelen worden ende oic haere erffelike
goeden metten gronde ende haere toebehoirten, bynnen etcetera
gelegen, die sy nu hebben ende namaels hebben ende vercrigen zelen
XIII tempore simile
Wykele, Hane. Rommond Bernaerts diemen heet int
Vlegelken, debet Cornelis van Boxhem viventwintich
gouden Peters vander munten etcetera goede etcetera te wetene
XXXVI groten Vlaems gelts voir elken van dien gerekent
Te betalen tot singen naestcomende, Ende daervoir heeft
hy verbonden ende te pande geset, alle sine haeffelike goeden
waer die bevonden zelen worden ende oic syne erffelike
goeden, metten gronde etcetera, die hy bynnen gelegen, die
hy nu heeft ende namaels hebben ende vercrigen sal
Ende sunderlinge syn huys metten plaetsen voir ende acht
ende oic metten gronde etcetera gelegen inde Derde Vleeschouwers
tusschen Adriaen Persoons erve aen deen zyde ende Jan
Bogaerts erve aen dander zyde streckende ac tweert
met eenen anderen huyse tot inde Zweenstrate
IIII January
Schooff, Duffle. Jan Rommont diemen heet int
Parde, debet Godevaert de Bosschere van Benisse
wylen Godevaert soon, neghen pond groten Vlaems
gelts Te betalen, op yersten dach van februari
naestcomende, daer, Ende dair toe heeft de voirscreven
Jan Rommont gelooft, den voirscreven Godevaert te betalen
al tgene, datmen bevinden sal, byder caparien voir
Meester Everaert Spoerwater Wercman vanden kerken
van Antwerpen ende van Hulst, datmen den selven
Godevaert van Gotiensteenen gegoelen ende van ander
dat
weeck, dande, die hy tanderen tyden, tot behoef vanden
voirscreven kerken van Hulst, gelevert heeft, sculdich ende
tachter de sonder eenich wederseggen, Ende de voirscreven
hy verbonden twee sine haeffelike goede, Ende dat by
tot twee terminen, Te wetene deen helft dairaf tot
Sinte Jansmisse naestcomende ende dander helft, tot
Kersmisse daer naer volgende, Ende daervoir heeft hy
verbonden, alle sine haeffelike goeden, waer die bevonden
zelen worden, die hy nu heeft ende namaels hebben
ende vercrigen sal, insgelycx heeft oic gelooft, Jacop
chyse vander voirscreven kerken van Hulst, dat hy
den voirscreven Jan Rommont vanden voir dairaf ende van
allen costen ende lasten, die hem dairaff soude moegen
comen, altyt scadeloos quyt te houden ende tontlasten
XVa January
Wynkele, Hamme, Henrick Blyeck de jonge, debet Cornelis
van Nyspen, Sesse ponden, acht scellinge ende sesse penningen
groten Brabants gelts Te betalen, tot Spen naestcomende
Ende in betalingen van deser scult, heeft de voirscreven Henrick
de voirscreven Cornelis, overgegeven ende bewesen ierst de
helft van vierentwintich scellinge ende geonturnoyse jaerlick
lyfpensien, die hy syn leven lange geduerende heeft opte stad van
Mechelen ende die hem opten sevenentwintichsten dach
van deser tegewoirdiger maend van Januario naestcomende
vallen sal. Item de helft van twintich scellinge onder
gelte, oic lyfpensien, die hy oic tot sinen live heeft
opte voirscreven stad ende die hem oic opten negenden dach van
februario oic naestcomende, verschynen sal, Ende de helft van
thien gelike scellinge ouder groten oic jaerlike lyfpensien, die
de voirscreven Henrick tot sinen live heeft, opte selve stad ende die hy
oic opten XVIIden dach van meerte naestcomende oic verschinen
sal willende ende consenterende de voirgenoemde Henrick dat de
voirscreven Cornelis oft de voergenoemd van desen, de helft vanden voirscreven
lyfpensien, in afslage vander voirscreven scult, totten voirgenoemde drie
te naestcomende hebben ende heffen sal, sonder eenich wederseggen
Ende om daer meerder zekerheyt wille, de voirscreven Cornelis daeraf
te doene, heeft de voirscreven Henrick de selve Cornelis, daervoir
verbonden ende te pande geset alle sine haeffelike goeden waer
die bevonden zelen worden, die hy nu heeft ende namaels hebben
ende vercrigen sal, Ende tot desen heeft Jan Mol, een der
als rentmeester vander voirscreven stad, behoudelic der selver stad daerinne
haeren rechte syn consent gegeven
XXVIII January
Jan Keermans wylen Pauwels Bernaerts soon
diemen heet int Vliegelken, debet Cornelis van Nyspen vyff
drie pond twee scellinge grote Brabants gelts Te betalen
tot Open naestcomende, Ende daer voir heeft hy verbonden
ende te pande geset alle sine haeffelike goeden, waer die
bevonden zelen worden, Ende oic syne erffelike goeden, metten
gronde etcetera bynnen etcetera gelegen, die hy nu heeft ende namaels
hebben ende vercrigen sal
Winckele, Duffle. Jan Belyboom ende Margriete Bornemans syn
wyf debent Anthonis Boom, neghenthien pond
achtien scellinge ende acht penninge grote Brabants gelts
Te betalen tot desen termynen Te wetene de derthien pond
acht scellinge ende acht penningen groten der voirscreven gode, tot
dander
Kersmisse naestcomende ende de Sesse pond thien scellinge
den selve groten, tot Kersmisse daer naer terstont
vervolgende, Ende daer voir hebben sy verbonden, alle
haere haeffelike goeden waer die bevonden zelen worden
ende oic haer erffelike goeden metten gronde etcetera bynnen etcetera
gelegen, die sy nu hebben ende namaels hebben ende vercrigen zelen
VIa february