Blader door transcripties » Stadsarchief Mechelen

archieftoegang 2, inventarisnummer 937, pagina 158

Petri de
Yetegheem
Gestelle, Baerdegeem, Lysbeth Monick, wylen Anthonis de Monick docht
met Laureys Mettens haeren man ende Katheline de Moinck
haer zuster met Janne vander Hulst beckere, haer wettige
man, Ende Augustyn ende Hubrecht de Moinck van svader
wegen ende Aert Mathys vander moeder wegen, als momboir
ende inden name van Augustinen de Moinck, onder me jare
van discrecien wesende ende van Barblen de Moinck, oic
der voerscreven Lysbetten ende Kathelinen de Moinck, brueder ende
zuster haerer bynnen machtich ende oic deenende haven
discrecien, die sy in hen vervingen hebben vercocht
Peteren van Yetegeem huyvettere, Een huys metten hove
plaetsen gronde etcetera dat wy den voerscreven wylen Anthonis
de Moinck toe plach te hoeren, gelegen inden Vettersham
byde Heymeysbrugge tusschen Peter Caluwaerts erve
aen deen zyde ende Anthonis de Provane erve aen dander
zyde, streckende achterweerts met eenen tober totten
Mylanen toe. A Domino Mechliniensi, Waranderende. Opte weerde van zestien scellinge
neghen penninge grote Brabants gelts daer jaerlicx vutgaende
Behoudelic dien, gaeter ende vut dat sal den voerscreven
coeper te baten comen
XIa Juny tempore simile
Lauren
Peten et uxore
Item de voergenoemde Peter van Yetegheem, heeft bewesen den
den voerscreven Laureys Peten ende Lysbetten de Moinck synen wive
sesse gouden Peters vander munten etcetera goede etcetera de wetene
sessendertich groten Vlaems gelts voer elken van dien gerekent
oic
ende de neghen grooten gelyke groten Vlaems erffelicx
chys, Te heffene altyt tot Sinte Jansmisse daeraf den yersten
termyn van betalingen syn sal van Sinte Jansmisse naestcomende
bynnen eenen jaer tyt daer na volgende, Op ende aen
syn voerscreven huyse, metten hove plaetsen ende alle anderen mynen
toebehoirten voeren. A Domino Mechliniensi, Waranderende. Opte voerscreven chys daervoer van
ut supra tempore simile
Augustyne
de Monick
Joos
Item deselve Peter van Yetegeem heeft oic bewesen de voerscreven
momboiren, tot behoef vanden voerscreven Augustinen de Moinck
de jongen, Sesse gouden Peters vanden voerscreven munte ende
prise van ende de neghen groten Vlaems gelts erffelicx
chys, Te heffene oic altyt tot Sinte Jansmisse daeraf oic den
yersten termyn van betalingen syn sal van Sinte Jansmisse naest
over een jaer daerna volgende, Op ende aen syn voerscreven huyse
hove plaetse, ende allen anderen sinen toebehoirten voergenoemde. A Domino Mechliniensi,
waer opte voerscreven chys daer jaerlicx voer vutgaende
ut supra
Barbara de
Monick
Item de selve Peter van Yetegeem heeft oic bewesen, de voerscreven
momboire, totter voerscreven Barblen de Moinck behoef, Sesse
gouden Peters vanden voerscreven munten ende pre ende oic negen
groten Vlaems gelts erffelicx chys, Te heffene altyt totten
voerscreven Sinte Jansmisse, daeraf de yerste termyn van betalingen
syn sal, tot van Sinte Jansmisse naestcomende over een jaerde
naer volgende, Op ende aen syn voerscreven gecochte huys metten
voerscreven toebehoerten. A Domino Mechliniensi, Waranderende. Opten voerscreven chys daer
jaerlicx voer vutgaende
ut supra
elc cum
alter
Lauwaerts
Heelt, Baerdegem man vander Lynden, met Thomaes de Costere haeren
man heeft bekent dat sy gehadt ende ontfangen heeft van Lysbetten
vander Lynden weduen van wylen Wouteren Caluwaert veertich
inden Crauwel de voerscreven Lysbetten vader, tanderen tyden voer scepen
gouden Rynsgulden, die haer wylen Jan vander Lynden, diemen heet
van Mechelen bekent heeft te na syn doot te betalene, Ende van
dien veertich gouden Rynsgulden, heeft de voerscreven maer metten
voerscreven Thomaes haeren man Quytgesconden los vry ende ledich
den voerscreven Lysbetten der weduen ende alle andere dies quitancie
behoeven, geheelic ende al
XXa Juny tempore simile
Johannes
Wyelman
Gestelle derdegem Katheline Mommaerts, diemen heet Gheerds met
alle wettige kynderen van wylen Janne Mommaerts, diemen heet
Machiel de Weend, haeren man voer de drie vierendeel ende Henrick
Monaerts diemen heet Gheerde ende Barble Mommaerts diemen
geheeten oic Gheerde, syn zuster, alle wettige met haere momboir
Gheerde voer de helft vanden vierden vierendeele, Ende van
van Velthoven ende Henrick de Cale, als momboiren ende inden
name van Janne Janne ende Rommonden Mommaert, diemen oic heet
Gheerde oic des voerscreven wylen Jan Mommaerts kynderen onder haere
vanden Wyn
jaeren wesen die sy by bywesene ende volcomen consente van
Willem Schooff, commoingmeester van deser stad in hen vervangen
heeft hebben, voir dander helft vanden voerscreven vierde vierendeele
vanden huyse hier na bescreven, hebben vercocht Janne van
Mingen he ende Wyelman, diemen heet van Muysene
Huybekere ende Margriete Reyers diemen heet Delssene
synen wive, Een huys oft woeninghe metten hove gronde etcetera, dat
den voerscreven wylen Janne Mommaerts toe plach te hoeren, gelegen
inde Augustynstrate, tusschen Jans vander Nuwermoelen erve aen
deen zyde ende een ander huys den voerscreven Janne van Muysene
toehoeren, aen dander zyde, streckende achterweerts met eenen
toe tonden, totten water toe. A Domino Mechliniensi, Waranderende. Op veert drie pond
vyftien scellinge paymente ende veerthien chysgulden daer
jaerlicx vutgaende
XXI Juny tempore simile
Hubert
Meeus es
uxor
Heelt, Zoeten, Gielis Vensel, heeft opgedragen ende overgegeven
tot behoef van Hubrecht Meeus ende van Kathelinen soenen met
wive, Een huys metten hove plaetsen gronde, tZwaenken geheeten
dat den voerscreven Hubrecht ende synen wive toe plach te hoeren, gelegen
inde Kerchofstrate byde leste brugge, tusschen Jan Walem erve aen
deen zyde ende der kynderen erve van wylen Janne de Ryddere
aen dander zyde, gelyc ende in alle der manieren als de voerscreven Gielis
tvoerscreven huys met een voerscreven toebehoerten, van tanderen tyden voer
achterstelligen lyfpacht, die hy daerop heeft wettelic vutgewonnen
ende verreyct heeft. A Domino Mechliniensi, Waranden. Behoudelic den voerscreven Gielise
daerop een voerscreven lyfpacht, ende allen anderen dier voer ende na chys
op hebben
XXIIIa juny tempore simile