Blader door transcripties » Stadsarchief Mechelen

archieftoegang 2, inventarisnummer 937, pagina 122

meerder zekerheyt, den voerscreven erfgenamen daeraf te
doen, Soe heeft de voerscreven Rommond, daervoer verbonden
ende te pande geset, den voerscreven Janne Gheerde, totter selver
erfgenamen behoef, alle syne haeffelike goeden waer
die bevonden zelen worde ende oic syne erffelike goeden
metten gronde etcetera bynnen etcetera gelegen, die hy nu heeft
ende namaels hebben ende vercrigen sal
XVI decembris
die terman
vanden Bossche
pro
Heelt, Mol, Meester Lambrecht van Thienen, Jan Wagheman
ende Margriete van Leest, als executeur ende inden name
de vanden testamente ende vutersten wille van wylen vuytgaende
noydene, hebben bekent dat sy gehadt ende ontfangen
hebben van heer Herman vanden Bossche diemen heet int
Schalle priester, de somme van Achtien gouden Petere
vander munten etcetera goede etcetera de wetene XXXVI groten Vlaems
gelts voir elken van dien gerekent, die hy hen, totter
voerscreven execucien vanden voerscreven testamente, sculdich ende tachter
was ende dat vut zaken van eenen huyse, dwelc de
voerscreven wylen Luytgaert, de voerscreven heer Herman, geordineert
hadde, metten selve haeren testamente, te hebben voer alsulke
gedeliken prys als bevonden soude worden weert wesende
van welken sommen, hebben de voerscreven executeur inde name
als voer, Quytgesconden Janne Barbier, tot des voerscreven heer
Hermans behoef ende alle andere dies quitancie behoeven
geheelic ende al
ut supra tempore simile
Rattoen
Trabukier
Heelt, Mol. Philips de Castille, alle hebben, heeft veronde
openbairlic bekent, dat hy gehadt ende ontfangen heeft van
Bartelmeeus Trabukier rentmeester ons genadigen heeren shertogen
van Borgen van Bra etcetera in synder stad van Mechelen
de somme van vyftich pond groten Vlaems gelts, die hy Janne
Peters Busquet geborene van Quier in gemont, met eenen de
brieve van Mechelen sculdich ende tachter waer ende die deselve
Jan Peters, den voerscreven Philips overgegeven ende getransporteert
hadde van welker sommen, daer de voerscreven Bartelmeus oic
inne
gecondempneert was, den voirscreven Philipsen te betalen, heeft
de selve Philips quytgesconden los vry ende ledich den voerscreven
geheelic
Bartelmeus ende alle andere dies quitancie behoeven, Ende
heeft daer toe de voerscreven Philips gelooft, dat hy den selven
ende alle andere
Bartelmeus tegen den voerscreven Janne Peters vutgaet altyt
scadeloes quyt houden ende ontlasten sal sonder eenich
wederseggen vanden voerscreven sommen, sonder eenich wederseggen
XVIIa decembris
Palle de
over
et eius uxore
Gestelle, baerde, Aert van Beneden doude, Gommaer van Neuwerde
Jacop de Kempenere ende Rommond Schilleman, als gesworene vanden
ambachte vanden Beckere, bynnen Mechelen inden name vanden
selven ambachte, hebben aende, hebben om der meeste orboir
en prouffyts wille vanden selven ambachte vercocht Janne van
vanden Gouberghe ende Kathelinen Paridaene, synen wive
Sesse gouden Rynsgulden goede, Te wetene veertich
groten Vlaems gelts voir elken der selver Rynsgulden
gerekent erffelicx chys Te heffene altyt tot Kersmisse
daeraf den yersten termyn van betalinge syn sal van Kersmisse
naestcomende, over een jair daer naer volgende, op ende aen
des voergenoemde ambachts huys, metten plaetsen ende huyse daer
achter staende ende oic metten gronde etcetera, den Bonten Mantel
geheeten gelegen aenden Steenwech van Mechelen, tusschen
thuys den Roeden Scilt geheeten, toehoeren den heer van
Beningnies, aen deen zyde ende thuys Roedenborch geheeten
toehoirende Janne vanden Vekene, aen dander zyde. A Domino Mechliniensi, Waranderende. Opte
weerde van vier pond groten Brabants gelts daer jaerlicx voer
vutgaende, Ende om der meerder zekerheyt den voerscreven
Janne van Gouberge ende een wive vander betalingen, der voerscreven
erffelike rente te doene, Soe hebben de voerscreven geswoerene
inde name vanden voerscreven ambachte, den selve Janne ende
synen wive daervoer verbonden ende tonderpande geset, twee
gouden Ryders vander man van haeren twintich gouden
Ryddere vander munten etcetera goede etcetera oft de weerde daervoir
erffelike renten, die tselve ambacht heeft op eenen
geheeten deen daer
bempt metten gronde etcetera houdende omtrent vyf buenderen
gelegen tusschen Barbele ende heffene, toehoerende der fabrike
van Sinte Peters kerke, gelegen tusschen Battele ende heffene
tusschen Dambacht vanden Beckere erve Vleeschouwers binnen Mechelen
aen deen zyde ende des goidshuys van Lelyendale erve aen dander zyde ende
XIX decembris tempore simile
Domino Mechliniensi ende
licht Lo Polle, Thom hoot ende
XXXIIII ibris positus
Egidier
vanden
Brande
eus uxor
Bossche, Zoeten. Anthonis Scheel, Henrick Claes Jan vanden Velden
ende Jan van Morchoven als geswoerene van inden name vanden
ambachte vanden cleermakere inder stad van Mechelen, hebben
om der meeste orboirs ende prouffyts wille vanden selven ambachte
vercocht, Gielis vanden Brande ende van Marien Ymbrecht
synen wive vyff scellinge ouder groote Turnoyse erffeliker rente
die tvoergenoemde ambacht hadde, opte stad van Mechelen vallende
daeraf deen helft opten veerthienden dach van meerte
ende dander helft opten veerthienden dach van septembry
jaerlicx vallen ende verschinen, Ac Renunciavit et pont
Waranderende, ut in forma, Ende tot desen heeft Peter van Yetegheem
een der rentmeesters vander voerscreven stad behoudelic der selve
stad daerinne haeren rechte syn consent gegeven
XXIII decembris