Blader door transcripties » Stadsarchief Mechelen

archieftoegang 2, inventarisnummer 937, pagina 104

executeur tes
Willem de
Campenhout
Heelt, Oeyens, Katheline van Campenhout weduwe van wylen Janne
van Ghend heeft bekent openbairlic, dat voer ons dat haer
Cornelis van Ryemenam ende Jan van Houthem, als executeurs
ende inden name vanden testamente ende vutersten wille van
wylen Willem van Campenhout, goede rekeninge ende bewysen
gedaen hebben van allen den haeffeliken ende erffeliken goeden
ter binnen ende buyten der stad ende verheyt van Mechelen
gelegen, die der voirscreven weduen, byder doot vanden voerscreven wylen
brueder
weduwe Willem van Campenhout, haeren vader van haere
vader weghen in eeniger manieren, verstorven syn, oft
die haer met desselfs haers brueders testamente gemaect
ende gelaten syn, Ende daeraf ende oic van alle der moeyten
quellingen ende heysschen, die sy den voerscreven executeur
de
daer om ende om der adminstracien wille dat sy vanden
soude moegen doen
voerscreven goeden hebben gehadt heeft de voerscreven wedue
Quytgesconden los vry ende ledich, den voerscreven executeur
tot haeren behoef ende oic tot behoef van wylen Janne van
afscheyde ende van wylen Janne Gheerde, haere medeexecuteurs
ende alle andere dies quitancie behoeven, geheelic ende al
XVIa Juny tempore simile
Anthonis
Boom
Baerdegeem, Duffle. Jan vander Byest wylen Jacop vander Byest
wettich soon, by bywesene wetene, wille ende volcomen consente
van Machiel Yswyn ende van Barblen van Post synen wive ende de
voerscreven Jans moeder ende oic van Rommonden vander Berct, des
selfs Janne momboer, heeft vercocht Anthonis voir, Een
huyse metten gronde etcetera dat wylen Henricken van Campenhout
toe plach te hoeren, gelegen over de Grootbrugge inde Steenstrate
tusschen Joes van Voesdonck erve aen deen zyde ende Steven
Brechts, diemen heet Boom erve aen dander zyde. A Willem
Schoeff, Waranderende. Op acht chysgulden ende eenen halven, die
jaerlicx vutgaende
XXI Juny tempore simile
Relicta quondam
hem vander
Hulst
Gestelle, Duffle. Katheline Nuwelaet, wedue van wylen Gielis
Paridaens ende nu ter tyt Gregorie de Roevere wyf, metten selve
Gregorre haeren man heeft opgedragen haer tocht, die sy hadde
inde helft van vier gouden Rynsgulden erffelicx chys, op een
huys dEyke geheeten metten gronde etcetera dat wylen Henricken
vander Hulst toe plach te hoeren ende dat nu synder weduen ende
kynderen toebehoirt, gelegen achter der scepenere huyse van Mechelen
tusschen thuys den Roeden Appel geheeten, toehoerend Janne van
Maldere, aen deen zyde ende wylen Jan vanden Kerchove erve
dat nu toebehoirt synder weduen al aen dander
zyde, streckende achterweerts met eenen vutgange totten water tot
A Domino Mechliniensi, Juravit, tot behoef van Kathelinen Paridaens haerer dochter
dier ierst inne gegoet waert, Ende daer naer, hebben de selve
Katheline Paridaens, mette met Janne vander Gouberge haeren
man voir de voerscreven vier gouden Rynsgulden, Ende Jacop
vander Beke voir vier gelike gouden Rynsgulden, Bekent
dat sy vercocht hebben Kathelinen Schooff, weduen vanden
voirscreven wylen Henricke vander Hulst, haerlieder acht gouden
Rynsgulden erffelicx chys, die sy hadden op tvoerscreven huys dEyke
geheeten, van deselve wive tot haeren tocht toebehoiren
Waerd etcetera
Assignavit den XX denier
Ultima Juny tempore simile
^
Johanne Hoote
Heelt, Wyerbele. Margriete doen, wylen Henricx dobben dochter
met Gheerde Ghoeten haeren man, Ende oic Barble, Katheline ende
Jehanne Dobbyns haere zusteren met haeren momboiren, hebben
vercocht Janne Ghoeten, den ouden, Eenen hof oft bogaert
metten hove gronde etcetera gelegen tot Neckerspoele inde Neckerstrate
inden Roser tusschen desselfs Jan Ghoetens erve aen deen
zyde ende Laureys de Wilde erve aen dander zyde. A Domino Mechliniensi,
Waranderende, Opte weerde van Acht scellinge groten Brabants gelts daer
jaerlicx vutgaende, behoudelic dien, gaeter min vut dat
sal den voirscreven gezusteren dive te baten comen, gater oic
meer vut dat zelen de selve zusteren, den voerscreven Janne
goeten oprichten ende restitueren, alsoe behoeren sal
prima July
Godekende
vanden
woorne et
ende selve
Baerdegeem, Wyele. Jan Gommaer wylen Jan Gommaers soon, als
een tochtenere ende Costen, Gommaer ende Jan van Branen van svadere
weghen ende Robbrecht Rabbe ende Gommaer de Leeuw vander
selven kynderen, onder haere jaeren wesene, die sy in hen vervingen
moeder weghen, als momboiren van Willem ende Kathelinen
Gommaer, de voirscreven Jan Gommaers kynderen, inde name vanden
als erfgenamen, hebben vercocht Godevaert vanden Dorne
tot sinen live ende oic tot behoef voir ende ten live van Hubrecht
vanden Dorne synen soon ende tot des langhstlevenden live van
hen beyden, Twee gouden Rynsgulden goede etcetera, Te wetene
veertich grooten Vlaems gelts voer elken van dien gerekent jaerlicx
Te heffene deen helft daeraf tot Kersmisse ende dander helft
tot Sinte Jansmisse Op ende aen des voerscreven tochteners ende
erfgenamen huys, metter plaetse gronde etcetera gelegen in Sinte
Kathelinen strate, tusschen Rommond Schillemans erve, aen deen
zyde ende Henricx van Wontswynkele erve aen dander zyde
A Domino Mechliniensi, Waranderende. Op vyff chysgulden, daer jaerlicx voir vutgaende
sal inden goids levabit et inde disponet
lyfpensie
II July tempore simile
Item den Gode ende consentyt de Johanne Gommaer poot quitancie
Volet quitancie den pe queten alle den de denary
conssele, cum pla pensie, Actum coram die scabinne van testam et met Barbier
Willeme
vanden
Voorde
Heelt, Baerden Jan Eggredie heeft vercocht Willem vander Voirde, Een
huys metten hove gronde etcetera geheeten den Horen streckende achterweert
tot eenen cleynen vlyete aldair, gelegen in Sinte Kathelinenstrate by dese
Brucxken tusschen de Hergracht aen deen zyde ende thuys de Croene geheeten
toebehoirende, Janne vanden Hornicke, aen dander zyde streckende oic metten
voirscreven hove liggende achter tselve huys de Croene geheeten, tot wylen Jans
van Waerloes erve toe. A Beato Rumoldo, Waranderende. Op vierentzeventich
vierentzestich oude grote Turnoyse, dair jaerlicx gaende
VIIa July