Blader door transcripties » Stadsarchief Mechelen

archieftoegang 2, inventarisnummer 948, pagina 79

Lange, Hulst. Jacop vanden Hoede ende jouffrou Lysbeth vanden Eynde syne huysvrouwe dit ende elc van hen besundt ende voir al Herman vanden Houte, de somme van negenentwintich ponden derthien scellinge ende synen penninge groten Brabants toecomende van goeden geleenden gelde Te betalene alsoe saen als eenich van hen beyden gecomen sal syn van live ter doot, Ende hiervoer hebben sy verbonden alle haer haeffelike goeden tegewoirdich ende toecomende XXIII february tempore simile ve behoef, Gielis van Ackere scepman van Ruplemonde dat Joes Nyelen den jongen, elf pond thien scellinge grooten Vlaems gelts Te betalene totten terminen hier na volgende Te wetene de drie pond groote daeraf opten jersten dach van septembry naestcomende. Item de drie pondt groote daeraf opten jersten dach van meerte daer na volgende. Item de drie pondt groten daeraf opten jersten dach van septembry daer naer ter stont volgende, Ende dander twee pond thien scellinge grooten oic daeraf opten jersten dach van meerte daer naer oic sonder middel vervolgende, Ende de voer heeft hy verbonden alle sine haeffelike goeden waer die bevonden zelen worden de hy nu tertyt heeft ende hier namaels oic hebben ende vercrigen sal, sunderlinge syn hoye scip dae met allen synen toebehoerten dwelck hy tegewoirdelic tegen den voerscreven Joes Nyelen gecocht ende gecregen heeft II tempore simile Te Jan vanden Bossche wylen Jans zone heeft vergegeven Janne vander Cammen, Een stuck wyngaerts metten gronde etcetera houdende omtrent hondert ende twintich Roeden, gelegen buyten Sinte Katheline poorte by Hoobergen, tusschen der infirmarien erve vanden crancken beghinen staende binnen den beghynhove van deser stad aen deen zyde ende een stuck lants geheeten pennicken aen dander zyde. A Domino Margariete de Herlaer, Op eenen jaerliken ende erffeliken chys van drie gouden Peters goeden elken van dien tot voir verchst:t; zessendertich groten Vlaems gelts gerekent Te heffene altijt tot Kersmisse, Ende opten voirchys van twee chysgulden goede etcetera vuten voirscreven stuck wyngaerts jaerlicx voir vutgaende, met alsulker conditien dat de voirscreven Jan vander cammen de voirscreven drie Peters des voirscreven chys sal mogen quyten altyt alst hem believen sachte weetene met eenen halven Peter te male, ende elken Peter daeraf met zesthien der geliker Peeters eens met vollen chyse daer voir te betalene Assignavi Lange, Vos. Anthoenis van Schelle de Henricken vander beke Wageman Sessentzestich gouden Rynsguldenen elken van dien tot veertich grooten Vlaems gelts gerekent Te betalene totten terminen ende na volgende Te wetene den eenen Rynsgulden daeraf bynnen eender maendt tyts naestcomende, Ende soe voertaen alle maenden deen na dander sonder middel vervolgende, Eenen der selver Rynsguldenen daer Ende hier voer heeft hy verbonden alle syne haeffelike ende erffelike goeden metten gronde etcetera bynnen etcetera wesen ende gelegen, die hy nu tertyt heeft ende namaels oic hebben ende vercregen es. A Domino Mechliniensi, XXI marcy tempore simile dese scult is te nieuwte gedaen ende wederen byden bekende opten Ple Novembry dach van ende opten selve dach, heeft hy der selver sesse dochter een meerder scult scepene, die bekent voer de gepasseert hebben Breen Lange, Hulst. Rommond van Schelle de jongenst:t; voer een vutersten wille, Jacop de Bock tot behoef van Lysbetten van Schelle des selfs Rommonds natuerliker dochter, die hy van Yden Sprincen vercregen heeft hondert gouden Rynsguldenen, elken van dien tot veertich grooten Vlaems gelts gerekent Te betalene ter tont naer syn doot, Ende hier voer heeft hy verbonden alle de haeffelike goeden waer die bevonden zelen worden ende oic alle syne erffelike goeden metten gronde etcetera bynnen der stad ende vryheyt van Mechelen gelegen, die hy nu tertyt heeft ende hier namaels oic hebben ende vercrigen sal. A Domino Mechliniensi, Behoudelic den voerscreven Rommonden synder volcomende macht dese staet te moegen meerderen minderen wederroepen ende te nyente te doene in al oft in deele, alsoe dicke als hem dat goet duncken ende gelieven sal Isuper:t; al Gielis van Borre rentmeester van Onser genedige vrouwen der hertogynen van Boels van Brabant etcetera van haerer stad ende lande van Mechelen de Claes van Nyvele tot behoef vander eerweerdigen vader in goede etcetera, Goessen haerdene al des godshuys van Huffleggheem, sesse hondert gouden Rynsguldenen elken van dien tot veertich groten Vlaems gelts gerekent, Te betalene opten jersten dach van meerte naestcomende, Ende hier voer heeft hy verbonden alle sinen haeffelike goeden waer die bevonden zelen worden ende oic alle sine erffelike goeden metten gronde etcetera bynnen der stad ende vryheyt van Mechelen gelegen, die hy nu tertyt heeft ende hier namaels oic hebben ende vercrigen sal