Blader door transcripties » Stadsarchief Mechelen

archieftoegang 2, inventarisnummer 948, pagina 62

Jan de Rende
Lange, Hoeven, Jan van Orssagen, heeft vercocht Jannen de Rende onser
medesteren, Twee gouden Rynsguldenen elken van dien tot veertich
grooten Vlaems gelts gerekent erffelix chys Te heffene altyt
opten jersten dach van meerte, op ende aen des voerscreven Jans van
Orssagen, Twee huysen metten hove schueren duyfhuyse gronde etcetera
houdende omtrent een halff buender, gelegen buyten de Hanswycpoorten
by cruce aldaer, tusschen wylen Henricx Bernaerts kynderen erve
aen deen zyde ende Henricx van Streke erve aen dander zyde, Opte
weerde van Twaelff scellingen ende acht penningen groten Brabants
gelts twee pond gelyke grooten Brabants ende vier gouden Ryns
gulden vanden voirgenoemde pryse dair jaerlix voir vutgaende de
op desselfs Jans van Orssagen stuck lants oft blocx metten
gronde etcetera houdende omtrent een halff buender, gelegen inde prochie
van Hanswycke, opte Berct, tusschen des goidshuys van Hanswycke
erve aen deen zyde ende des goidshuys van Muysene erve aen
dander zyde, op Seven moeken Rogs daer jaerlix voir vutgaende
A Domino Johanne vander Aa, Waranderende etcetera.
Assignavit den XXVI denier
pre simile
Jan Rabboots
Dyest, Keyenooghe. Jan ende Aert Bastyns gebruederen wylen Rommonds Bastyns
de kynderen ende Katheline Bastyns haerlieder zuster cum tutore hebben
vercocht Janne Rabboots haerlieder drie negenstedeelen ende
alle trecht die sy hadden ende henlieden by wylen jouffrou Margrieten
Tucbake beghinen haerer nichten, tanderen tyden met haeren
testamente gegeven gelaten ende gemaect syn geweest in acht
gouden Peters goeden Te wetene sessendertich grooten Vlaems gelts
voir elken der selver Peters gerekent erffelix chys, op drie
huysen metter plaetsen gronde etcetera die Janne de Schoezittere toe
plagen te hoerene ende die nu toebehoeren Janne Ryst goutsmet
gelegen deen neven dander inde Naustrate tusschen Jan Thys
erve aen deen zyde ende der weduen ende kynderen erve van wylen
Gielisen van Quaribbe, aen dander zyde, streckende achterweerts
totten water toe. A Domino Mechliniensi, Waranderende etcetera.
Assignavit den XXVst:t; denier
ut supra
priester et soror
Heer Jan vander Hagen
I
Lange, Borch. Gielis van Ghestelle ende Meester Hubrecht
Weelmans docteur in Loye als proviseurs ende inden name
vanden gasthuyse vander Heyliger Drievuldicheyt staende
by Sinte Kathelinen poorte van Mechelen, hebben opgedragen
ende overgegeven tot behoef van heer Janne vander Hagen
priester ende van Dignen vander Hagen synder zuster
Twee huysen metten hoven gronde etcetera die wylen Gielisen
Vensel toe plagen te hoerene ende die Aert Cleynaert alle
rentmeester ende tot behoef vanden voerscreven gasthuyse tanderen
tyden voir achterstelligen chys die tselve gasthuys daerop
heeft wettelic vutgewonnen ende verreyct heeft gelegen
deen neven dander over de Tiechelrie inden Moelenberch
tusschen der weduen ende kynderen erve van wylen Willeme
deselve
vander Nuwermoelen, aen deen zyde ende Lysbetten
Tryese erve aen dander zyde. A Domino Mechliniensi, Waranderende, die de
voirgenoemde proviseurs inden name als voer, Ende heeren Lodewyck
Wouters ende Peter Persoons priesteren, als proviseurs ende inden
name vanden tzestich gebroeders bynnen Sinte Rommonds
kerken van Mechelen, meester Jan Hemelryck ende Jan
Pagie als proviseurs ende inden name vanden gasthuyse
van Sinte Jolyns, Ende vrouwest:t; zuster Lysbeth van
Eyndhoven pryorinne des gasthuys van Onser Liever
vrouwen, by bywesen ende volcomen consente van heer Anthoenis
vander Aa Riddere proviseur desselfs gasthuys, gelooft hebben
op drie chysguldenen, die tvoirgenoemde gasthuys vander Heyliger
Drievuldicheyt eenen chysgulden die te de voerscreven tzestich
gebroeders, Eenen chysgulden die tvoerscreven gasthuys
van Sinte Jolyns ende eenen gelyken chysgulden die
tvoerscreven gasthuys van Onser Vrouwen, opte voirgenoemde twee
huysen metten hoven, jaerlix ende erffelic hebben ende
heffen, dair jaerlix vutgaende
Vert
Mensa Rumoldo
Lange, Borch. De voirgenoemde Meester Jan Hemelryck ende Jan Pagie
als proviseurs ende inden name vanden voerscreven gasthuyse
van Sinte Jolyns, hebben vercocht den voirgenoemde Aert Cleynaert
totter voir als rentmeester ende tot behoef vander taflen des
Heylichs Gheests vander prochiekerken van Sinte Rommonds
bynnen Mechelen viventwintich scellinge Loevens, onder
ende cleynder munten erffelix chys die tvoirgenoemde gasthuys van
Sinte Jolyns hadde opte voirscreven taflen des Heylichs Gheests
huys metten gronde etcetera gelegen op Hoebergen, tusschen
tconvent vanden Manderest:t; by tconvent vanden minderbroederen
tusschen de poorte vanden selven convente aen deen
zyde ende Jans Meynaert diemen heet van Tylborch
erve aen dander zyde. A Domino Mechliniensi, Waranderende etcetera.
Assignavit XVI denier
ut supra
Abraham van
Maldere et uxore
Hulst, Cortryke. Aert vander H van Liebroeck ende Lysbeth
Aelbrechts syn wyff hebben vercocht Abraham van Malderen
ende Margrieten Gheylaerts synen wive Twee huysen metten
hove gronde etcetera gelegen deen neven dander over de Veemarct
inde Keyserstrate bepant byder Neckerspoelpoorten, tusschen
Hubrechts Nys erve aen deen zyde ende Willem Puttaerts erve
aen dander zyde streckende achterweerts metten voerscreven hove totten
mueren vander stad. A Domino Mechliniensi, Waranderende. Op drie chysgulden twee
gouden Rynsguldenen elken van dien tot veertich groten Vlaems
gelts gerekent ende twee gouden Peters elken van dien tot sessendertich
gelike groten Vlaems gelts gerekent dair jaerlix vuytgaende
Assignavi
VI marcy tempore simile