Blader door transcripties » Stadsarchief Mechelen

archieftoegang 2, inventarisnummer 948, pagina 18

Mensa Rumoldo
Lange, Hulst. Lambrecht van Puersse wylen Lambrechts soon vendidit
Rycaerden inde Mane ad opus meester Peters pries Beato Rumoldo, alsulken negenthien
scellinge groote Brabants erffelicx chys als de voerscreven Lambrecht hadde, op een
huys metten gronde etcetera dat toe te behoeren plach wylen Peteren van Rymeren
Pasteybeckere ende nu toebehoert Janne oic pasteybecker
gelegen inde Tweede Vleeschouwersstrate ende achter desselfs Jans huys
achter tvleeschuys gelegen tusschen
ende de welke den selven Lambrecht byder doot van
wylen Rommond van Puersse synen broeder ende daer te voiren vander voirscreven
wylen Lambrechts huerlieder vader verstorven. A Domino Mechliniensi, Waranderende etcetera.
XXV octobry tempore simile
Jorys Caluwaert
Item. Machiel vanden Bossche heeft bekent dat hy wettelic
vercocht heeft Jorys Caluwaert, Een stuck beempts metten gronde etcetera
houdende omtrent drie vierendeel gelegen te Battele ende Heybroecstrate
tusschen den voerscreven Jorys Caluwaert erve aen deen zyde ende der capellen
erve van Sinte Cosmas ende Damiaen in Sinte Katelynen kerke aen dander
zyde streckende achterweerts tot der deelen toe, Ende een stuck winnen
lants houdende omtrent een vierendeel gelegen opte Strype tusschen der
aelmoessen kisten erve binnen den beghynhove over beyde zyden streckende
achterweerts met eenen eynde tot aen der weduen ende kynderen erve
van wylen Wouter Robbyns. A Domino Mechliniensi, Waranderende. Op sesse Rynsgulden
erffelic den cloester van Bethleem by Loevens vuten voerscreven stuck beempts
jaerlycx gaende, Ende dat voerscreven vierendeel stuck lants onderpant bliven
es ende bliven sal voir sesse ponden was min een vierendeel, Twaelf veertelen
Rogs ende een halve, Ende voir de weerde van viventwintich scellinge
groote Brabants erffelic vut zekeren anderen erffeliken goeden oic aldair
in diversen parcheelen gelegen ende den voerscreven pryse toebehoerende jaerlicx
gaende
XX octobry tempore simile
de scheydinge
jouffrou Elke wylen
et der kynderen
sMoors
Hulst, Vos. Vrouwe Lysbeth Vannincx met Gielis van Bestelle haeren wettigen
man ende momboer ende een partie, Henrick de Moor voer hem selven Jan vanden
Nuwermoelen inden name van jouffrouwen Barbelen sMoors synder huysvrouwe
Jan vanden Breyne inden name van jouffrou Lysbetten sMoors synder huysvrouwen
ende de voerscreven Henrick Jan ende Jan inden name van heer Jacop de Moor
priester, Janne ende Dierick de Moor gebruederen absent synde die sy in hem
vervingen in dander partie hebben bekent dat sy underlinge minlic eenich
verdeylt ende gesceyden syn van allen alsulken erffeliken ende onberuerliken
goeden als henlieden by wylen Rommond van Berdegheem by synen
testamente ende vuterste wille gegeven gemaect ende gelaten syn, ende dat
inder manieren hier naer volgende Te wetene dat de voerscreven jouffrou
Lysbeth met Gielis van Gestelle haeren man voirscreven voer haer paert
buender lants
opte helft van erve
Beems ende boschs
toebehoerende Janne
^
vander cammen
Lauwerwel gelegen
oic tot Gheerdege
de selve
inhout des
testaments ende
vuterste willen
vanden voirgenoemde
wylen Rommond
Baerdegheem
poorte ende deel der selver goeden hebben houden ende aenveerden sal alle
alsulcken stuck goeden soe in lande bempde eusselinghen ende thienden
metten duyfhuyse ende allen anderen haeren toebehoerten geleghen tot
Gheerdeghem in Onser Vrouwen prochie van Mechelen by des voirscreven wylen
Rommonts hoeve aldair gelegen houdende tsamen omtrent vyf vander
ende een half na inhoudt des scepenen briefs daer af synde ende oic twee
capuyne ende sesse oude groten erffelic ende de voergenoemde kinderen sMoors sullen
hebben ende aenveerden onder henlieden tsamen ende evengelyc voer haer paert
porre ende gedeelte de goeden hiernaer volgende Te wetene omtrent acht
ende gecregen waren tegen wylen heer Henricken van Ryemenam geheeten
bunder winnents lants gelegen tot Zempsten haer gelic dat die gecocht
vanden Mindeken priester in synder tyt. Item een stuck beempts geleghen
tot Zempse aen den Steenwech alder naest den goeden Jan Claes wylen
ende noch een stuck vel geheeten tVerbroeck oic tot Zempster gelegen
tusschen naer inhout der onder scepenen brieve dairaff synde ende oic naer
welcke voerscreven beydinge ende deylinge de voerscreven goeden hebben de voergenoemde
hebben
partien ende elc van hen besundert gelooft voir hen haer hoir ende
nacomelingen altyt ten eeuwigen daigen te houden vast ende
Everbrekelic ende daer tegen nimmermeer te seggene te doen oft te comene
by hen selven oft yemant anders heymelic oft openbair in eeniger
manieren, alle argelist daerinne vutgesceyden
III novembry tempore simile
Denys Abloys ende
Henrick de Moor
et uxore
Item. De voergenoemde jouffrouwe Lysbeth Wynnocx metten voirscreven Gielis hueren
man, heeft vercocht Denyse Abreys tot synder tocht ende Henricken de
Moor ende Goedelen Abroys synen wive als tot huer erffelicheyt de voerscreven
erffelike goede cum fundorch gelyc huer die boven aengeseyden ende
aengedeylt syn. A Domino Mechliniensi, Waranderende etcetera
ut supra tempore simile
Eert Ghiels
Borreken, Henrick Tucbake priester wylen Wouters soon heeft
vercocht heer Janne van Wouwe oic priester tot behoef ende ten live van
Lysbetten Ghielis Wouter Ghiels dochter vier gouden Rynsgulden
elken van dien tot veertich groten Vlaems gelts gerekent jaerliker
lyfpensien die jaerlix verschynen sal tot Kersmisse ende daer af dien
jersten termyn van betalingen syn sal nu te Kersmisse naestcomende
Op ende aen syn huys metten hove gronde etcetera gelegen op Sinte Peters
kerchof tusschen de Clase aldaer, aen deen zyde ende der weduen van
wylen Janne vanden Weerde erve aen dander zyde, streckende
achterweerts metten hove tot Jans Borremans erve, Op een pont
van erffelic daer jaerlix vutgaende, Ende oft daer gebreck aen waer soe heeft
De voergenoemde heer Henrick daer voer verbonden ende tonderpande geset alle syn
andere haeffelike erffelike goede presenta et futura infra etcetera
XII novembris