Blader door transcripties » Stadsarchief Mechelen

archieftoegang 2, inventarisnummer 948, pagina 17

Jan Crabbe
Borch hoeven. Henrick de Blaeuwe heeft opgedragen syn tocht die hy heeft
twee
int vierendeele van eenen huyse metten hove ende ee metten achterhuyse
gelegen op Onser Vrouwen kerchof tusschen Gerardus sBlaeuwen erve aen
deen zyde ende de Cluyse aldaer aen dander zyde. A Domino Mechliniensi, Waranderende. Juravit
tot behoef van Lysbetten ende Kathelinen sBlaeuwen gesusteren synen kinderen
die daer inne geerft werden, Ende daer naer soe hebben de voerscreven Lysbeth
voer deen vierendeel met Janne Daems haeren man ende de voerscreven Katheline
met Henricken van Lysbosch haeren wettigen man vercocht den voerscreven
Janne Crabbe haer voerscreven twee vierendeele vanden huyse met hove voirgenoemde
Op twee capuynen daer jaerlix vutgaende
VIIa octobris
Henrick de Vlaende
Item. De voirgenoemde Jan Crabbe, heeft bewesen den voerscreven Henricken deen
te gebruykene
Blaeuwe syn tocht payselic ende vredelic syn leven lanc duerende
inde twee vierendeele vanden voerscreven huyse met allen synen
toebehoerten, voir genoemt. A Domino Mechliniensi, Waranderende etcetera
ut supra tempore simile
Jan Quisthout
Dyest, Vos. Hargielis de Rycke priester anders geheeten Matheeus capellaen
der kerken van Liere ende Meester Willem de Wintere int rechter vanden
wanden testamente een vetterste wille
voerscreven kerken va als executuers van wylen broeder Wouters de
Religieus goidshuys vander derder Regele van Sinte
Poele anders geheeten de Raet inden name vanden selven testamente ende
Frans ende hadde van Lis
tot behoef vander executien vanden selven testamente hebben bekent
dat sy wettelyc vercocht hebben Janne Quisthout Jans soon metsere
een huys metten hove gronde etcetera gelegen opte Aedeplaetse
tusschen der kinderen van wylen Jacobs van Voesdonc erve aen deen
zyde ende wylen Jan Spoelberchs erve aen dander zyde. A Domino Petro der mile
Wande etcetera. Opten chys vuten voirscreven huys metten hove jaerlix vutgaende
XXI octobry tempore simile
Jan de Lange ende
syn dochter
Item Gheerd Quayribbe heeft vercocht Janne de Lange
diemen heet Papegay Henrix soon tot synen ende oic tot behoef
van ende ten live van Kerstinen de Lange synder dochter ende
tot des langhstlevende live van hen beyden, drie gouden Ryns
gulden elken van dien tot veertich groten Vlaems gelts gerekent
jaerliker lyfpensien, Te hebbene altyt tot Sinte Martensmisse
dairaf den jersten termyn van betalingen syn sal van Sinte
Martensmisse naestcomende over een jair dair naer volgende op
ende aen des voerscreven Gheerd huys metten hove gronde etcetera gelegen
in Onser Vrouwen strate van Mechelen, tusschen eenen wech ende
waterscap gaende totter Delen, aen deen zyde ende den godshuys
vanden Zieckerlieden erve aen dander zyde. A Domino Mechliniensi, Waranderende. Op
elff gelike Rynsgulden ende op drie pond payments dair
vutgaende, dicta filia levabit
XXIII octobry
voir tweede vierde
Aelbrecht Vliege
Hulst. Joos Gielis van Gestelle inden name van Jouffrou Lysbetten Wynnincx
synde huysvrouwen absent wesende die hy in hem vervinck voir de helft
van eender helft, Gielis van Muysene, meester Gielis van Muysene natuerlic
soon als gemachticht ende inden name vanden voerscreven synen vader absent
wesende etcetera voir deen vierendeel de voerscreven Gielis van Gestelle als gemachticht
van Vrouwen Katlyne van Cuyct by consente van heeren Anthonis vander Aa
Ridder haren man, Cornelis van Heffene voer hem selven ende inden name
van Gielis van Muysene wylen Jans soon absent wesende dien hy vervinck
voir tderde vierendeel. Item de selve Cornelis inden name van jouffrou Jaquen
van Heffene Jans tSpycken huysvrouwe synder zuster, Ende oic inden name van
Janne Jooryse ende jouffrou Claren Colibrants brueders ende zuster wettige kinderen
van wylen jouffrou Johannen van Heffene syne zuster doen sy leefde absen synde
die hy in hem verving, voir tvierde vierendeel vander ander heelicht vander
helft, Henrick de Moor voer hem selven ende oic inden name van heer Jacop
de Moor priester van Henricken Lysbetten ende Barblen de Moor syn broedenst:t;
Lysbetten ende Barblen
ende zusteren alle wetene Jannen ende Dierick de Moor synen broederen en zusteren
alle wettighe kinderen wylen Henricx de Moor absent wesende die hy in hem
vervinck voir dander helft vander eender helft vanden goeden hier naer
bescreven, hebben vercocht Aelbrecht Vliege de helft van thien dachwant
lants hier naer bescreven Te weten van eenen stuck lants cum funde houdende
omtrent een half buender gelegen te Muysene opte Werfheyde tusschen wylen
Margrieten vanden Broecke erve aen deen zyde ende Henrick Machtilden
erve aen dander zyde, sonder eenighen last van chyse daer vutgaende. Item
van anderhalf bunder winnens lants dorch geleghen te Gheerdeghem
opten Bosch tusschen wylen Aerts sRoovens erve ende Henricx Perremans erve aen
dander zyde, opt tvierendeel van dries Loevens ende drie bynnen vuten
de
geheelen stuck lants jaerlicx gaende. Item vander helft vander helft van
eenen halven buender lants cum fundorch geleghen te Gheerdegeem tusschen
des gasthuys vander Heyliger Drievuldicheyt bynnen Mechelen erve aen deen
zyde ende wylen Rommonds van Berdegheem erve aen dander zyde, Op
anderhalven capuyn vuten geheelen halven buender lants jaerlycx
gaende, Ende de helft van eenen halven buender lants cum funde
geleghen te Gheerdeghem opt Scheerkenrot tusschen Gheerds vander Mere
aen deen zyde ende des voerscreven wylen Rommonds van Berdegheem erve aen
dander zyde, Op twee capuynen ende wive oude groote erffelic vuten geheelen
halven vander lants jaerlicx gaende, gelyc de voerscreven parcheelen van eenen
den voerscreven wylen Rommonden van Baerdeghem toe plagen te behoeren ende
die hy den voerscreven vercooperen tanderen tyden met synen testamente ende
verste wille gemaect ende geheeten. A Domino Mechliniensi, Waranderende etcetera
XIII octobry tempore simile