Blader door transcripties » Stadsarchief Mechelen

archieftoegang 2, inventarisnummer 948, pagina 113

De selve
Steenwech van Mechelen tusschen thuys den Nyeuwen kerken
geheeten toehoerende Ymbrechten vanden Broeke diemen heet
Mussche aen deen zyde ende thuys den Papegaey geheeten toehoeren
Cornelisen van Gheeringen, aen dander zyde, streckende achterweerts
metten voerscreven plaetsen ende achterhuysen doer een poerte tot inden
Beghinenstrate ende ter zyden waert, doer eenen ganck liggende
byde voerscreven Marie tot inde Naustrate. A Domino Mechliniensi, Waranderende etcetera.
Dierick Houtappel tot des voerscreven Godevaerts behoef waert
inne geerft
XXVII July
Dambacht vanden
vettewariers
Lange, Diest. Margriete vanden Vekene wedue van wylen Janne
Dries ende Wouter Dries haer soon, hebben gelooft ende elck
van hen besunder ende voir al voir hen haer hoir ende
nacomelingen dat sy van nu voertaen alle jaere ter
eeuwigen dagen, Elcx jaers van dien altyt tot Onsen
Liever Vrouwen dage Lichtmisse daeraf den jersten
naestcomende gelden ende betalen zelen den gesworenen
termyn syn sal tot Onser Liever Vrouwen dage Lichtmisse
vanden ambachte vanden vettewariers inder stad van
Mechelen altyt by tyden wesende, tot desselfs ambachts
behoef, alsulken thien gouden Rynsguldenen elken van
dien tot veertich grooten Vlaems gelts gerekent
erffeliker renten, als deselve Margriete ende haer
soon, niet lange geleden op zekere haerlieder hovest:t;
met haeren toebehoerten bynnen der vormen van Heyst
gelegen Claese van Bost, Jacopen Loot ende Machielen
Moens als geswoerene ende tot behoef vanden voerscreven
ambachte, niet lange geleden, op haerlieder hoeve met
haeren toebehoerten, bynnen der vooghden van Heyst
gelegen vercocht ende bewesen hebben, gelyc byder
Sepenen brieve van Heyst daer op gemaect claerliker
begest:t; blyct, sonder eenich wederseggen, Om welke
gelooften alsoe volstentelic tonderhoudene, Ende om der
meerder zekerheyt den voerscreven ambachte daeraf te
doen soe hebben de voerscreven Magriete vanden Vekene
tutore als een tochtenersse ende de Wouter Dries haer soon
als erfgenaem, den voerscreven geswoerende tot desselfs ambacht
behoef daervoer verbonden ende te pande geset haerlieden
huys metten hove gronde etcetera gelegen inde Schoelblocstrate
tusschen Jans van Oevele erve aen deen zyde ende Joes
de Tuysschere erve aen dander zyde op seven scellinge
Loevens ende vyf gouden Rynsgulden vanden voerscreven
pryse daer jaerlix voir vutgaende. A Domino Mechliniensi,
XXVI July tempore simile
Costen, Gommaer
Dyest, Keyenoege, Henrick Wychman heeft vercocht Costen Gommaer
gelts voir dien gerekent erffelix chys die zy hadde op
Eenen gouden Rynsgulden Te wetene veertich grooten Vlaems
de voerscreven Costers Twee huysen metten hoven gronde etcetera
daer af deen den voerscreven costen ende dander Aert de Groote
schoemaker toebehoeren, gelegen deen neven dander over de
Corenmerct inde Hooghstrate by Sinte Jacops Capellen, tusschen
Willem Everaerts Hellemslagers erve aen deen zyde ende Jans
van Rogbroeck erve aen dander zyde, streckende achterweerts totten hove
van Milze, Ende op een huys metten hove gronde etcetera toebehoerende
Gheerde van Dyest, gelegen inde voirgenoemde Hooghstrate tegen de voirgenoemde
Twee huysen over, tusschen des voerscreven Henricx Wychman erve aen
deen zyde ende Henricx vander Bruggen erve aen dander zyde
Ab Anthonio de Oeyenbrugge, Waranderende etcetera.
Assignavit den XI denier
XX July tempore simile
Cornelis van hen
Borch, Keyenoege, Jan van Vorspeck Rommonds van Voerspoel soon ende
Jan Keerman beyde woenende tot Londerssele, hebben gelooft ende
elcke van hen besunder ende voir al ongevrydt naer der divisen
recht Te geven te betalen ende te leveren Cornelisen vanst:t;
bynnen der stad Cornelisen van Nyspen oft den brenger des
briefs inder stad van Mechelen, de somme van sevenentwintich
gouden Peters elken van dien tot XXXVI groten Vlaems gelts
gerekent ende twaelff veertelen Rogs goede ende custbare
Mechelscher maten de wetene al elken veertele daeraf
op anderhalven groten Brabants naest den besten tusschen der
ende Onser Lieve Vrouwen dage preficatio naestcomende
ter eenich wederseggen
Ultima July
Godevaert van Lyntere ende Katheline van Heemblyct
syn wyf Seggende dat sy gheen wettige kynderen en hadden, Ende
daerom
hebben gewilt ende openbaerlic voer ons geordineert dat de
langhstlevende van hen beyden soe lange die alsdan leven sal
paysselic ende vredelic sal gebruyken alle der haeffeliker ende
erffeliker goeden bynnen ende buyten der staden verheyt van
Mechelen wesene ende gelegen die sy nu tertyt hebben ende
hier namaels oic hebben ende vercrigen zelen, Ende metten
selven haeffeliken goeden in synder noot moegen disponen
ende ordineren den wederseggen van yemande ende oic den rechten
ende coustumen daeraf ter contrarien onderhouden, met
tegenstaende. Behoudelic dien dat alle de voirgenoemde goeden
na des langhstlevende doot vanden voerscreven Godevaert ende
Kathelinen synen wive blivende, toecomen ende versterven
zelen haeren gerechten erfgenamen dien die goeden