Blader door transcripties » Stadsarchief Mechelen

archieftoegang 2, inventarisnummer 948, pagina 110

Jan Willems
Hulst, Keyenoege, Katheline vander Moelen wedue van wylen Jorys vanden
Scryeke met Janne de Vos nutertyt haeren man, heeft opgedragen
haer tocht die sy hadde inde helft van Eenen huyse metten hove
gronde etcetera gelegen in Sinte Kathelinenstrate tusschen Peters
Haeghman erve aen deen zyde ende Pauwels vander Donct erve
aen dander zyde streckende achterweerts toter Hergracht
gele A Beato Rumoldo, Juravit tot behoef van Alyt vander
Scryeke haerer dochter tot wyens behoef de momboiren, hier na
bescreven ierst daerinne geerft werden daer naer hebben
Jan vanden Scryeke ende Aert vanden Scryeke van svaders wegen
Henrick vander Moelen ende Willem de Vos vander moeder
wegen als momboiren ende inden name vander voerscreven altyt
vanden Scryeke, onder haere jaeren etcetera wesende die sy in hen
vervingen vercocht Janne Willems metsere, de voirgenoemde helft
vanden voerscreven huyse metten hove gronde etcetera alsoe die niet
lange geleden, ten hooghsten ende meesten vry ter vierscharen
vander voerscreven stad vercocht is geweest, Waranderende. Opte weerdest:t;
drientzestich scellinge twee penninge Loevens vier capuynen
ende drie pond payments vuten voerscreven geheelen huyse
metten hove jaerlix gaende. Behoudelic dien gaeter
min vut dat sal den voerscreven coeper te baten comen
Assignavit XVI Rinsgulden eens
VIII July
Alyt vanden
Scryeke
Item. De voirgenoemde Jan Willems heeft bewesen den voerscreven
momboiren totter voirgenoemde Alyt vanden Scryeke behoef acht scellinge
negen penninge grooten Brabants gelts erffelix chys Te heffene
altyt tot twee terminen Te wetene deen helft daeraf tot Kersmisse
ende dander helft tot Sinte Jansmisse Op ende aen des voirgenoemde
Jan Willems helft vanden voirgenoemde huyse metten hove gronde etcetera
boven bescreven. A Beato Rumoldo, Waranderende. Opten voirscreven chys daer
jaerlix voir vutgaende
ut supra tempore simile
Jan Willems
# daeraf densel
Janne deen
helft toebehoert
Item. Giel van Ossendrecht heeft vercocht den voirgenoemde
Janne Willems tvierendeel van eenen huys vanden voirgenoemde
huyse metten hove gronde etcetera boven bescreven. A Beato Rumoldo
Waranderende opten chys daer jaerlix vutgaende
Assignavit XXII Rinsgulden
ut supra
Willem van Weert
Item. Willem Boets voldere, heeft vercocht Willem van
Leeuwe, Een huys metten hove gronde gelegen inde Wyngaertstrate
tusschen Jans van Hezele erve aen deen zyde ende Rommonds de
Dryvere erve aen dander zyde. A Johannes de Muysene, filio quondam
Johannes bastaerden, Waranderende. Op twee capuynen ende eenen mottoenen
daer jaerlycx vutgaende
#
Assignavit IIII gulden eens
XVIII July
Sebastiaen vanden Venne heeft voer opgedragen ende
overgegeven tot behoef van Paesscreven van Boxhem Rommonds
van Afscheyde wive, Een huys met eender hofstad daer neven
staende daer op tanderen tyden een huys gestaen heeft ende oic
metten hove gronde etcetera gelegen inde Begaertstrate opten hoeck
vander Stickenen tusschen de selve streckende aen deen zyde ende
Aerts vanden Nuwenhuyse erve aen dander zyde. A Domino Mechliniensi, Waranderende.
sondere opten last van chyse daer jaerlix vutgaende
De voirgenoemde Paeste van Borhem metten voirscreven Rommonden
van Afscheyde haeren man, heeft bewesen ende Gregoris van Rumpst
priester, achtien groote Brabants gelts erffelix chys Te heffene
altyt tot Sinte Jansmisse Op ende aen de voirgenoemde pastinen huys
metten voerscreven hofstad ende oic metten hove gronde etcetera boven
bescreven. A Domino Mechliniensi, Waranderende. Op
Aert vander Perre
Borch, Rende. Jan Ryck goed Coopman van Leens in Yngelant heeft
openbaerlic voir ons bekent dat hy gehadt ende ontfangen
heeft van Aerde Perreman de vanden Perre de ze
sone van Tweentwintich pond grooten Vlaems gelts die
hem de voerscreven Aert tanderen tyden voer scepenen van
Mechelen bekent heeft tot zekeren overledenen terminen, te betalen
Ende van dien tweert die sommen van tweentwintich
ponden der voerscreven grooten ende oic van al tgene dat de
voirgenoemde Jan st:t; Rycke den voerscreven heer Aerde vanden Perre
vut zaken oft oft oic anderssins vut wat zaken dattet
van dien
ware soude moegen heysschen, heeft de voirgenoemde Jan Ryckpoorte
quytgesconden los vry ende ledich den voerscreven Aert Premanst:t;
vanden Perre ende alle andere dies quitancie behoeven
geheelic ende al
XIII tempore simile
Peter de Weendt ende
syn wyf
Borch, Hulst. Joes de Maes ende wedue van wylen Lysbetten
vanden Kerchove, heeft opgedragen syn tocht die hy hadde in
Een hofstad, daer niet lange geleden een huys op heeft plegen
testane metten hove gronde etcetera gelegen buyten de Hanswycpoorten
inde Rechtstrate tusschen der weduen ende kynderen erve van
wylen Janne de Weend aen deen zyde ende Claes Muyls
erve aen dander zyde. A Domino Mechliniensi, Juravit tot behoef van Ghysbrechten
Henricken ende Magrieten de Maestendere synen kynderen dier ierst inne
geerft werden, daer naer hebben de selven Ghysbrecht ende
haerlieder
de
Henrick de Maes ende ende Magriete de Meestende syn zuster cum tutore
vercocht Peteren de Weendt ende Magrieten vanden Venne staen
wive de voirgenoemde hofstad metten hove gronde etcetera boven
bescreven Waranderende eenentwintich groten Brabants gelts ende
Twee gouden Peters elken van dien tot sessendertich groten
Vlaems gelts gerekent daer jaerlix vutgaende
Assignavit XVI Rinsgulden
XXIII July tempore simile