Blader door transcripties » Stadsarchief Mechelen

archieftoegang 2, inventarisnummer 948, pagina 109

de selve
vanden voirgenoemde wylen Jorysen van Houthem van allen
den haeffeliken goeden die der voirgenoemde Barblen
byder doot vanden voerscreven wylen Jorysen haeren vader
ende der selver weduen man doen hyst:t; hy leefde, in
eenige manieren gebleven ende verstorven moegen syn
ende alle andere dies quitancie behoeven gehest:t;, aen
dander zyde, heeft de voirgenoemde Jehanne de wedue
gelooft de voirgenoemde Barble haer dochter met haere
bynnen haeren huyse te houdene ende haer eten drincken
cleederen schoenen ende al tgene des haeren leven noot
syn sal tamelic te geven, soe lange ende tot dier tyt
toe dat de voerscreven Barble tot haeren jaeren van discrecien
gecomen sal syn sonder eenich wederseggen
XII july tempore simile
Servaes Gheerincx ende
syn wyf
Lange, Voesdonck. Jan Jans heeft opgedragen ende overgegeven syn
tocht die hy hadde in Een huys metten hove gronde etcetera
gelegen inde Begaertstrate tusschen Joes de Smet erve aen
deen zyde ende Peters van Middeldonck erve aen dander zyde streckende
achterweerts metten voirgenoemde hove totten watere toe. A Domino Mechliniensi, Juravit
tot behoef van Barblen Jans synder dochter ende van Lysbetten
vanden Spykere des voerscreven Joes de Smet wive dier ierst inne
geerft warden, Ende daer naer hebben de voirgenoemde Barblen
Jans cum tutore ende de voerscreven Lysbeth vanden Spykerest:t; voer
de drie vierendeelen ende de voerscreven Lysbeth vanden Spykere metten
voirgenoemde Joes de Stst:t; Smet haeren man voer tvierdeel vierendeel vercocht
Servaes Gheerincx ende Kathelinen Boeyenhals synen wive
tvoirgenoemde huys metten hove gronde etcetera, Waranderende. Op acht
chysgulden dair jaerlix vutgaende
XVI July
Jan Jans
Item. De voirgenoemde Servaes ende Katheline syn wyf
hebben bewesen den voirgenoemde Janne Jans, Seven scellinge ende
sesse penninge groten Brabants gelts erffelix chys Te heffene altyt
tot Sinte Jansmisse Op ende aen des voirgenoemde Servaes ende syns wyfs
huys metten hove gronde etcetera boven bescreven. A Domino Mechliniensi, Waranderende.
op acht chysguldenen dair jaerlix voir vutgaende
ut supra tempore simile
Servaes Gheens
ende syn wyf
Item. De voirgenoemde Joes de met ende Lysbeth vanden
Spykene syn wyf hebben Terve gegeven, den voerscreven
Servaes Gheerincx ende Kathelinen Boeyenhals synen wive, twee
huysen metten hoven gronde etcetera gelegen deen neven dander
inde Begaertstrate opten hoeck vanden Voesdonckstraetken
de selve
tusschen tselve straetken aen deen zyde ende des voerscreven Servaes
ende syns wyfs ander erve aen dander zyde. A Domino Mechliniensi. Te besittene
op eenen erffeliken chys van vier gouden Peters elken van
dien tot sessendertich groten Vlaems gelts gerekent, Ende die te
betalene altyt tot Sinte Jansmisse, Ende opten voerchys van
anderhalven chysgulden dair jaerlix vutgaende, Ende om welkest:t;
met alsulker condicien dat de voerscreven Servaes ende syn wyf zelen mogen
lossen ende quyten de voirgenoemde vier gouden Peters des voerscreven chys met eenen
Peter
Peter te male ende elken penning daeraf met sesthien gelike Peters eensst:t;
Peters
penningen eens ende met vollen chyse, Om welke vier gouden Peters
des voerscreven chys alsoe te betalen, Ende om der meerder zekerheyt den voerscreven
Joes ende synen wive daeraf te doen soe hebben de voirgenoemde Bernaes
ende syn wyf den selven Joese ende synen wive daervoer verbonden ende
tonderpande geset haerlieder voirgenoemde ander huys alder naest den
voirgenoemde vutgegeven huysen gelegen op acht chysgulden ende Seven
scellinge ende sesse penninge groten Brabants daer jaerlix voir vutgaende
A Domino Mechlis
X July tempore simile
Machtilt de Kelver
alias van Altere
Lange, Voesdonck. Wouter vanden Zuyvene, wettich soon van wylen Peteren
vanden Zuyvene, by bywesene ende wille van Jorys Consaert Smet
momboir, heeft opgedragen ende overgegeven tot behoef van Machtilt
de Kelvere diemen heet van Altere meester Lambrechts de Poert
wetens in medicinen huysvrouwen synder goeyvrouwen, alle sinen
haeffelike goeden waer die bevonden zelen worden ende oic alle
ne erffelike goeden metten gronde etcetera bynnen der stad ende
vryheyt van Mechelen gelegen die hy nu tertyt heeft ende
hier namaels oic hebben ende vercrigen sal ende die hem oic
zelen moegen versterven. A Domino Mechliniensi, Waranderende etcetera.
ut supra
Jacop Neefs ende
syn wyf
Item. Jan vanden Eynde heeftst:t; Jans vanden Eynde soon, heeft
vercocht Jacoppen Neefs Tymmerman tot sinen ende Jehannen van
Zuple diemen heet van Beringen syns wyfs behoef, Een huys
metten hove gronde etcetera gelegen inde Ravenberchstrate tusschen
der weduen ende kynderen erve van wylen Anthoenis Boom aen
deen zyde ende Crispyns vanden Scrieke ende heer Bartelmeus
Couthals priesters erven aen dander zyde. A Domino Mechliniensi, Waranderende. Op
sesse scellinge acht penninge Loevens, eenen capuyn ende drie
gouden Peters elken van dien tot sessendertich groten Vlaems gelts
gerekent erffelic ende twee gouden Rynsguldenen elken van dien
tot veertich geliker groten Vlaems gelts gerekent jaerliker
lyfpensien staende ten live van Claes vanden Rode den jongen
dair jaerlix vutgaende
ut supra
Heer ende Lysbetten
Maeyers syns wyfs
hoef
Willem Sanders heeft vercocht Vrancken vander Bruggen tot
Een huys metten hove gronde etcetera gelegen inden Heembeempt tusschen
der weduen ende kynderen erve van wylen Janne vander Moelen, aen
deen zyde ende desselfs Vrancx ander erve aen dander zyde. A Domino Mechliniensi,
Waranderende. Opte weerde van sesse scellingen groten Brabants gelts daer
jaerlix vutgaende
Assignavit XXX Rinsgulden