Blader door transcripties » Stadsarchief Mechelen

archieftoegang 2, inventarisnummer 949, pagina 63

Heer Aert van Bost
als Jans priester
Voesdonc, Ingelram, Dierick vander Moelen, heeft vercocht Alyt vander
Driessche tot behoef van heer Aert van Bost diemen heet
Faes priester, de helft van Eenen huyse metten hove gronde etcetera
dat nu twee woeningen syn, daer af dander helft toebehoert
der weduen ende kynderen van wylen Peteren vander Regemoirtere
gelegen buyten Sinte Kathelinen poorte byden Penningpoel, tusschen
Andries Claren erve aen deen zyde ende de voirgenoemde andere heeft
vanden selven huyse aen dander zyde streckende achterweerts
tot eender gracht geheeten de vuytgracht, A Domino Mechliniensi, Waranderende.
op sesthien scellinge payments ende opte weerde van twee
scellinge drie penninge groten Brabants gelts vuten voerscreven geheelen
huyse metten hove jaerlix gaende
Assignavit XV Peters eens
XX octobry tempore simile
Execucio testamente
quden Magriete vanden
Venne
haer soon barbier, heeft openbairlic voir ons geconfirmeert
Cortryke. Heer Henrick vanden voirnoemde wylen Jans vanden Venne
tot veertelen dat aen
g geprobeert gelaudeert ende van weerden gehouder
alsulken testament ende vutersten wille, als wylen
Magriete vanden Venne syn moeye, tanderen tyden voer
notaris ende getuygen gemaect ende geordineert heeft
ghelovende de selve Henrick tselve testament altyt
vast onverbrekelic ende van goeder weerden te houdene ende
daer tegen nemmermeer te doen te seggene oft te comene
by hem selven oft by yemande anders in negheender
manieren, Ende heeft daer toe de selve Henrick Quytgesconden
los vry ende ledich, Joerdaen de Lepelere ende Bartelmeus
Heryoens als executeurs ende tot behoef vander execucien
vander voirgenoemde wylen Magrieten testamente voirscreven vander
sommen van vyf gouden Peters elken van dien tot sessendertich
groten Vlaems gelts gerekent, die hem deselve wylen
Magriete vanden Venne syn moeye, metten selven haeren
testamente gemaect ende gelaten heeft ende alle andere
dies quitancie behoeven geheelic ende al
X octobry tempore simile
tutoren Katheline
Bernaerts
Lange, Keynooge, Katheline Bernaerts wylen Jan Bernaerts des
jongen dochter, heeft openbaerlic voir ons bekent dat haer
Jacop de Beckere doude ende Jacop de Beckere syn sone Pauwels
Bernaerts ende Jan Keyenoege, haere momboiren, goede ende
rechtveerdige rekeninge bewys ende betalinge gedaen hebben
van allen den haeffeliken ende erffeliken goeden bynnen ende buyten
der stad ende vryheyt van Mechelen wesende ende gelegen, die
haer byder doot van wylen Janne de Bernaerts den ouden
haeren goeyheere, in eeniger manieren toecomen gebleven ende verstorven
moegen syn ende daeraf deselve haer momboiren Regimente
ende adminstracie tot desen dage toe gehadt hebben, Ende daer
af ende oic van alle den moeyten quellingen sommen van penningen
ende allen anderen dingen die de voirgenoemde Katheline den voerscreven
haeren momboiren vut zaken van dien goeden ende oic om des
Regiments ende bewints wille de selver in eeniger manieren
soude moegen doen oft heysschen, heeft deselve Katheline
quytgesconden los vry ende ledich den voerscreven Janne Keynoege
tot sinen ende sy synder voerscreven medemomboiren behoef ende
alle andere dies quitancie behoeven geheelic ende al
Nova assisia
XXI octobry tempore simile
Bartelmeus vanden
Bellen
daeraf dander helft
selven Bartelmeus tocht
Lange, Keynooge, Thomaes ende Cornelis van Mechelen gebruederen Jan
kynderen inden name van hen selven ende oic inden name van Janne
van Mechelen haeren brueder infra annos etcetera wesende die sy in
hen vervingen, hebben vercocht Bartelmeus vander Beke
belen wylen Peters sone, de helft van Eenen huyse metten
Crommenelleboghe tusschen den selven, aen deen zyde ende wylen
hove gronde etcetera gelegen inde Nonnestrate opten hoeck vanden
Gielis vander Hagen erve aen dander zyde. A Domino Mechliniensi, Waranderende.
opten weerde van vyff scellinge ende sesse penninge groote Brabants
gelts vuten voirscreven geheelen huyse metten hove jaerlix gaende
Assignavit XXXVI Rinsgulden eens
XXIII octobri
Jorys Caluwaerts
Eyken
Corteryke. Willem Speelberch ende Jan Lemmens diemen heet
Croene van svaders wegen, Rommond ende Anthoenis Smeets
diemen heet Bellens gebruederen vander moeder wegen, als
momboiren ende inden name van Margrieten Mathys wylen
Aert Mathys dochter, die sy in hen vervingen, hebben
vercocht Jorys Caluwaerts tot behoef van Jehannen
Caluwaerts synder dochter, drie veertelen Rogs goede etcetera
Mechelscher maten, lyfpachts, die de voerscreven Margriete
tot haeren live hadde op des voerscreven Jorys stuck lants
met eender hofstad ende oic metten gronde etcetera gelegen
buyten der Oeversterpoorten inde strate aldaer men
gaet tot Hombeke waert, tusschen wylen Jans van Loevene
erve aen deen zyde ende Jan Aerts erve aen dander zyde
Ende op desselfs Jorys stuck lants metten gronde etcetera
houdende omtrent een vierendeel gelegen aldaer, tusschen
des voerscreven Jan Aerts erve aen deen zyde ende Lysbetten
Maes erve aen dander zyde. A Domino Mechliniensi, Waranderende etcetera.
XXV octobry tempore simile