Blader door transcripties » Stadsarchief Mechelen

archieftoegang 2, inventarisnummer 949, pagina 62

Henrick van Balen
Cale, Keynoogge. Henrick van Balen, weduere van wylen Lysbetten
Huens, heeft opgedragen syn tocht die hy hadde inde helft
van eenen huyse metten hove gronde etcetera gelegen tot
Neckerspoele inde Neckerstrate in Sinte Peters prochie
tusschen Jan Reyers diemen heet Delssenere erve aen deen
zijde ende Henrix vanden Dycke erve aen dander zyde. A Domino Mechliniensi,
juravit tot behoef van Janne Huens der voerscreven wylen Lysbetten
brueder dier ierst inne geerft wert daer naer heeft de
selve Jan Huens vercocht den voirgenoemde Henricken van Balen
de voerscreven helft vanden voirscreve huyse metten hove gronde etcetera
boven bescreven, Waranderende opten chys ende commer daer jaerlicx
vutgaende, daeraf dander helft den selven Henricken
toebehoert, Waranderende opten last ende commer dair jaerlix vutgaende
vertaen, heeft de voirgenoemde Jan Huens Quytgesconden los
vry ende ledich den selven Henricken van Balen van allen
den haeffeliken goeden, die den voirgenoemde Janne Huens byder
doot vander voerscreven wylen Lysbetten Huens, synder zuster
ende des voirgenoemde Henricx wive doen sy leefde, in eeniger
manieren gebleven ende verstorven moegen syn ende alle ander
dies quitancie behoeven geheelic ende al
Assignavit XVI Rinsgulden eens
XV octobris
Willem van Yseren
et uxore
Cale, Keynoege, Joes Smet Wouters soon, heeft Terve gegeven
Willem van Yseren, wantwerke tot sinen ende Alyten
Mabroecx syns wyfs behoef, Een huys metten gronde
etcetera gelegen over de Coremarct van Mechelen, inde
Hooghstrate, tusschen des voerscreven Joes ander erve
aen deen zyde ende Jans vanden Bloke erve aen
dander zyde comende achterweerts tot aen des voerscreven
Joes Coekene van synen voerscreven anderen erve. A Domino Mechliniensi,
Te besittene op eenen erffeliken chys van Twee
gouden Rynsguldenen, elken van dien tot veertich
grooten Vlaems gelts gerekent, Ende die te betalen
altyt opten seventhienden dach van octobry Op
Ende opten voirchys vander weerden van hys
scellingen groten ende drie penningen groten Brabants
gelts dair jaerlix vutgaende
Assignavit den XVI Rinsgulden eens
ut supra
Eyke, Keynoege, meester Gielis Luycx heeft openbairlic voir
ons bekent dat hem Claes Haenwych spellemaker, dueghdelic
gecontenteert ende vernueght heeft vander sommen van
Claes Haenwych
vierhondert gouden Rynsguldenen elken van dien tot
veertich grooten Vlaems gelts gerekent, die de selve Claes
den voirgenoemde Meester Gielisen tanderen tyden, voer scepenen van
Mechelen bekent heeft te betalenst:t; ende van dier somme
van vierhondert gouden Rynsgulden vanden voerscreven pryse
ende oic van altgene dat de voirgenoemde Meester Gielis den voerscreven
Clasen tot desen dage toe soude moegen heysschen, heeft
de selve Meester Gielis Quytgesconden los vry ende ledich
deselven Clasen Haenwych ende alle andere dies quitancie
behoeven geheelic ende al
XV octobry tempore simile
Jan tSerbouts
et uxor
Cortryke, Cale. Margriete van Duffle met Janne van Haren haeren
man, heeft Terve gegeven Kathelinen Diericx tot haeren ende
tot Jans tSerwouters haers mans behoef, Een huys
metten hove gronde etcetera gelegen inde Corte Penningstrate
tusschen Wouters ende Anthoenis van Voesdonck gebruederen erve
aen deen zyde ende Henricx de Greve aen erve aen dander
zijde. A Domino Mechliniensi. Te besittene op eenen erffeliken chys van vyf
scellingen groten Vlaemsst:t; Brabants gelts, Ende die te
betalen altyt tot Sinte Jansmisse daer af den jersten
termyn van betalingen syn sal tot Sinte Jansmisse naestcomende
Ende opten voerchys van vierentwintich scellinge payment
ende twee chysguldenen dair jaerlix vutgaende
Assignavit II Rinsgulden erffelicx den XXVI denier
X octobris
Jan Vyd de
jonge
Lange, Ingelram. Pasqume van Boxhem met Rommonden van
Afscheyde haeren man heeft vercocht Janne Vyd den jongen
ende Dignen sWitten synen wive, Een huys metten
hove gronde etcetera gelegen opte Dele tusschen Jan Vyd
des ouden erve aen deen zyde ende der kynderen van
Luypegheem erve aen dander zyde, gelyckerwys ende
in alle der manieren deselve Pasquine tselve huys
metten hove, niet lange geleden hen hooghsten ende
Meester prysst:t;vercochtst:t;
heeft voir scult vutgewonnen ende ten hooghen
ende meesten pryse aldaer vercocht heeft. A Domino Mechliniensi,
Waranderende. Opte weerde van seventhien scellingen grooten
Brabants gelts erffelic ende drie veertelen Rogs lyfpachts
daer jaerlix vutgaende
Assignavit XI Rinsgulden man
daeraf den voerscreven chys afcorten moet
XI octobris