Blader door transcripties » Stadsarchief Mechelen

archieftoegang 2, inventarisnummer 949, pagina 46

toebehoerten Brabant geheeten, gelegen aenden Steenwech van
Mechelen, tusschen thuys den Blanckaert geheeten toehoeren
Janne Cloet,st:t; Cloet, aen deen zyde ende thuys geheeten dMoelen
toehoerende den kynderen van wylen Gielman Smeets aen
dander zyde. A Domino Mechliniensi, Waranderende. Opten chys dair jaerlix vutgaende
Assignavit C Rinsgulden eens
XVI septembry tempore simile
Aert Joesen
Rende, Keyenooge, jouffrou Lysbeth de Neve wedue van wylen Janne
Gast cum tutore heeft vercocht Aert Joes haer derdedeel van
eenen huyse metten hove schueren gronde etcetera gelegen op
Neckerspoele byden Draeyboem tusschen Aerts vanden Campe
erve aen deen zyde ende Henrix vander Straten Tymmermans erve
aen dander zyde, streckende achterweerts metten voerscreven hove tot
aen cleyn beke aldaer. A Domino Mechliniensi, Waranderende. Opst:t; daer af dander
Joes
twee derdendeelen den voerscreven Aerde toebehoeren. A Domino Mechliniensi,
Waranderende. Opte weerde van sevenendertich grooten Vlaems gelts
vuten voerscreven geheelen huyse met synen voerscreven toebehoerten
jaerlix gaende
Assignavit
XVI septembry tempore simile
Claes de Kelve
als van alle
Heffene, Langhe. Lysbeth Smessenen, wedue van wylen Janne Brugman
cum tutore heeft Opgedragen haer tocht die sy hadde in een huys metter
plaetsen gronde etcetera gelegen in Sinte Kathelinenstrate tusschen Claes
de Kelvere diemen heet van Altere erve aen deen zyde ende Jans de
heere erve aen dander zyde. A Johannes de Muysene, filio quondam was
bastarde, met tot behoef van Reyneren ende Barblen Bergen
haeren kynderen die ierst inne geerft werden daer naer
hebben deselve Reyner ende de voerscreven Barble syn zuster met
Wouteren Versteveren haeren man vercocht den voirgenoemde Claes
de Kelvere tvoerscreven huys metter plaetsen gronde etcetera boven
bescreven, Waranderende. Op eenentwintich scellinge Loevens ende sesse
scellinge groten Brabants gelts daer jaerlix vutgaende
Assignavit VIII Peters erffelicx den denier XVI
daerinne geheele den chys
ut supra
Mensa Ultima may
van Gheldere
Eyken, Keyenoege, Jan Gheelkenst:t; Jan ende Reyner vander Heyden
wylen Jans vander Heyden kynderen ende Lijsbeth vander
Heyden derselver Jans ende Reyner vander Heyden
zuster met Lodewycken Bellaert haeren man, hebben vercocht
Janne vander Heyden, Wullenwevere ende Mathys van
boven als proviseurs ende tot behoef vander taflen des
Heylichs Gheests vander prochiekerken van Sinte
Kathelinen bynnen Mechelen de helft van drie
de selve
veertelen Rogs goede ende schare Mechelscher maten
Te wetene elken veertel daeraf st:t; op vier penningen
naest den besten erffelix pachts die sy hadden ende henlieden
byder doot van wylen Reyner van Gelder haeren oem
gebleven ende verstorven is, Op een huys metten hove
gronde etcetera gelegen tot Hombeke inde Cattenstrate, toehoerende
Rommonden Boots gelegen tot Hombeke inde Cattenstrate
tusschen wylen Jans van Boevenbeke erve aen deen zyde
ende wylen Zegers van Barblegheem erve aen dander zyde
van welken drie veertelen Rogs dander helft de voerscreven
taflen des Heylichs Gheests toebehoert ende des selver by wylen
Lysbetten sy sCruypers tanderen tyden met haeren testamente
gegeven gelaten ende gemaect is. A Domino Margariete de
hofstaden, Waranderende. Op twee scellinge Loevens, twee capuynen
eenen maeydach eenen snydach ende oic trecht van eenen
kende vuten voerscreven huyse metten hove jaerlix voir
vutgaende
Assignavit XIIII Peters eens
XIX septembris
Jan Godevaerts
et uxore
Cortryke, Keyenoogge. Jan van Ghelde, Jan ende Reyner vander Heyden
wylen Jans vander Heyden kynderen ende Lysbeth vander Heyden
derselver Jans ende Reyner vander Heyden zuster met
Lodewycken Bellaert haeren man, als erfgenamen gerechte
ende eenige erfgenamen van wylen Reyner van Gelder
voir deen helft haeren oem, voer deen helft, Willem sCruypers
Lysbeth Struypers syn zuster met Godevaert van Heffen ende
Digne sCruypers met Janne vander Hoeven haeren
mannen, Ende deselve Godevaert van Hellen ende Jan
vander Hoeven, als momboiren, daer toe byden wethouderen
der stad van Brugge gestelt ende geordineert gelyc ons
dat byden oepenen brieve vander voerscreven stede van Brugge
daer op gemaect ende bezegelt metter selver stede zegel ten
zaken claerlic bleeck van Adriaen Henricken ende
Quinten sCruypers wylen Faes Scruypers kynderen die
brueder was doen hy leefde vanden voerscreven Willem
Lysbetten ende Dignen Struypers, onder haer jaeren etcetera
wesen die sy in hen vervingen als gerechte ende
eenige erfgenamen van wylen Lysbetten sCruypers
des voerscreven wylen Reyners wive de voerscreven Willems
Lysbetten ende Dignen sCruypers moeye ende der voerscreven
Adriaens Henrix ende Quintens sCruypers oudermoeder
doen sy leefde voir dander helft vanden huyse hier
na bescreven, hebben vercocht Janne Godevaert
Beckere ende Barblen Boels diemen heet de Kempenere
synen wive, Een huys metten hove gronde etcetera gelegen