Blader door transcripties » Stadsarchief Mechelen

archieftoegang 2, inventarisnummer 949, pagina 34

Dierick Thys
Eyken, Cale. Jan vander Hagen heeft vercocht Diericken Thys beke
Eenen gouden Rynsgulden Te wetene veertich groten Vlaems
gelts voir dien gerekent erffelix chys Te heffene altyt opten
jersten dach van Augusto vutgenomen den jersten dach van Augusto
nu naestcomende, op ende aen des voerscreven Jans huys met eenen cleynen
huyse dair achterstaende ende oic metten gronde etcetera gelegen opte
Dele opten hoeck van eenen cleynen straetken aldaer, tusschen
tselve straetken aen deen zyde ende Jacop momboirs ende synder kynderen erve
aen dander zyde. A Domino Mechliniensi, Waranderende. Opte weerde van elff scellingen
groten Brabants gelts erffelic ende eenen geliken Rynsgulden lyfpensien
daer jaerlix voir vutgaende
Assignavit den XVI denier
XVII July tempore simile
Jan vander Heyden
Voesdonck, Mol. Barble vander Strepe wylen Godevaerts vander Strepen
dochter met Peteren Hoendermans haeren man, heeft vercocht Janne
vander Heyden lakenmakere de erffelike goeden metten gronde ende
haeren toebehoirten hier na bescreven, ierst Een stuck lants
geheeten de Eers met eenen stuck bosch ende beempts daer inne
liggende, houdende omtrent drie buenderen gelegen tot Hevere
aende Heverheyde tusschen Jans de Lange erve aen deen zyde
de Beke aldair, aen dander zyde ende de voerscreven Heverheyde
aende derde ende vierde zyde. Item Een stuck bosch geheeten
Houthemsbosch houdende omtrent anderhalff buender gelegen
aldaer, aende Heerstrate tusschen Gabriels vander Hayct erve
aen deen zyde ende een stuck bosch toehoerende Anthoenis van
Heffene aen dander zyde, Ende een stuck bosch geheeten Peters
Verheyden bosselken, houdende omtrent een halff buendere
gelegen aldaer tusschen des goidshuys van Bethanien erve
aen deen zyde ende wylen Willem Campioens erve aen
dander zyde. A Beato Rumoldo, Waranderende. Op negen oude grooten
Turnoyse ende vier scellinge payments vuten voorscreven
jersten stuck lants met synen voerscreven toebehoirten, Ende op
eenen turnoyse vuten voerscreven twee stucken bosch ende oic
op drie pond groote Brabants erffelix chys die de voirgenoemde
Jan vander Heyden jaerlix daer op heeft ende heft vut
allen den voerscreven erffeliken goeden jaerlix gaende
Assignavi
prima august
Jan van Boechout
alias van Coelen
et uxor
Heelt, Langhe. Jan van Relegheem heeft opgedragen syn tocht
die hy hadde in een huys geheeten de Cleyn Crape, metten
gronde etcetera gelegen in Onser Vrouwen strate van Mechelen
tusschen thuys den Vliegel geheeten, toehoerende Matheeus
vanden Perre aen deen zyde ende thuys de Groote Craye geheeten
behoerende Janne ende Margrieten vander Lynden, aen dander
zyde geliker tselve huys vanden voerscreven huyse de groeten
de selve
Craye gescheyden ende afgenomen is. A Domino Mechliniensi, juravit tot behoef
van Kathelinen van Relegheem synder dochter, die ierst inne
geerft wardt, daer naer heeft de selve Katheline van Oelegheem
cum tutore vercocht Janne van Boechout diemen heet van Coelen
ende Marien Wagemans synen wive tvoirgenoemde huys metten
gronde etcetera boven bescreven, waranderende. Op anderhalven gouden Ryns
guldenen elken van dien tot veertich groten Vlaems gelts
gerekent, erffelic ende twee gelike Rynsgulden lyfpensien
dair jaerlicx vutgaende
Assignavit L Rinsgulden
Iagusty
Kathelyne van
geleghen
Heelt, Langhe. Deselve Jan van Boechout ende syn wyff, den
der voerscreven Kathelinen van Oelegheem, vierentwintich
gouden Rynsguldenen elken van dien tot veertich grooten
Vlaems gelts gerekent Te betalene deen helft daeraf opten
jersten dach van februario ende dander helft opten jersten
dach van Augusto, beyde naest toecomende, Ende hiervoer hebben
sy verbonden alle haere haeffelike goeden waer de
bevonden zelen worden, die sy nu ter tyt hebben ende hier namaels
oic hebben ende vercrigen zelen
ut supra tempore simile
Jan vander
Moelen
Yngelram, Cale. Denys Crabbe metser heeft Terve gegeven Janne
vander Moelen wylen dest:t; Joes vander Moelen soon, Een huys metten
hove borreputte gronde etcetera gelegen inde Moelenstrate tusschen Lodewycx
van Heffene erve aen deen zyde ende Meester Anthoenis Keldermans
erve aen dander zyde. A Domino Mechliniensi. Te besittene op eenen erffeliken chys
van vier scellingen sesse penningen grooten Brabants gelts, Ende
die te betalene altyt tot twee terminen Te wetene deen helft
Leest
Sint Jansmisse
daer af tot Sint Jansmissest:t;Kersmissest:t;
dairaf den jersten termyn van betalingen syn sal tot Sint Jansmissest:t;
Kersmisse nu naestcomende, Ende opten voirchys vander weerden van sesse
scellingen ende sesse penningen gelyker groten Brabants ende van twee
scellingen sesse penningen groote oic Brabants gelts daer
jaerlix vutgaende. Behoudelic dien gaeter min vut dat sal
den voerscreven Denys te baten comen
Assignavit Peters erffelicx den XI denier
II augusty
Libery Johannes
Weendt et uxore
Item. Jan de Weend Barbier ende Gheertruyt Quistwaters syn
wyf, hebben gewilt ende openbairlic voir ons geordineert dat alle
haere kynderen alsoe wel meyskens als knechtkens ende knechtkens
als meyskens die sy nu tertyt deen vanden anderen vercregen
hebben ende hier namaels oic deen vanden anderen zelen moegen
vercregen, Evengelyck ende in geliken deele ende porcien hebben