Blader door transcripties » Stadsarchief Mechelen

archieftoegang 2, inventarisnummer 949, pagina 33

met alsulker condicien dat deselve Gielis ende syn
wyf sculdich zelen syn te lossene ende te quitene den
voirgenoemde Anderhalven Rynsgulden des voerscreven chys, bynnen
drie jaeren tyts nu naestcomende, met XXIIII geliken
Rynsgulden eens ende met vollen chyse
Assignavit XX Peters eens
XXV July tempore simile
Peter Bollens
Assignavit den XXVI denier
Gestelle, Cale. Henrick vanden Brande beckere heeft vercocht
Peteren Bollens, drie chysguldenen erffelix chys die
de voirgenoemde Henrick hadde ende hem byde doot van
wylen Gielisen vanden Brande men vader gebleven
ende verstorven hadde syn op een huys metten hove
ende metten rechte van eenen borreputte ende oic metten
gronde etcetera gel den voerscreven Peteren Bollens toehoerende
gelegen in opte Hooghstrate, tusschen Daneels vanden
Heyden erve aen deen zyde ende Peters van Muysene
erve aen dander zyde. A Domino Mechliniensis, Waranderende etcetera.
ut supra tempore simile
Jorys vanden
Dorpe
Mol, Eyken, Joorys vanden Dorpe heeft verreyct een huys
metten hove gronde etcetera dat wylen Laureys met toe plach te
hovene, gelegen inde Kerchofstrate opten hoeck vander Nokerstrate
tusschen de selve Nokerstrate aen deen zyde ende wylen Cristinen
vander Gracht diemen heet van Aelst erve aen dander zyde
Ende een huys metten hove gronde etcetera dat oic de voerscreven wylen
Laureys toe plach te hoerene, gelegen buyten de Neckpoelpoirte
over de ierste brugge tusschen de Hergracht aldaer aen deen zyde
ende de strate gaende ter Blocpoirten weert aen dander zyde
Ex censu
XXVIIa
Jan van Over
Steghen
gestel Colen Jan van Overstege heeft opgedragen syn tocht die hy
hadde inde helft van eenen huyse metten hove gronde etcetera
gelegen inde Nonnestrate tusschen der seven taflen des
Heylichs Gheests erve bynnen Mechelen, aen deen zyde ende
des voerscreven Jans ander erve aen dander zyde, streckende achterweerts
totten vliete. A monialibus, Juravit tot behoef van de Aert
Melle wylen Cornelis Snelle soon, dier ierst inne geerft wardt
daer naer heeft de selve Aert vercocht den voirgenoemde Janne
van Overstegen de voerscreven helft vanden voirgenoemde huyse metten
hove gronde etcetera boven bescreven, Waranderende. Opte weerde van
seventhien scellingen ende sesse penningen grooten Brabants
gelts vuten voirgenoemde geheelen huyse metten hove jaerlicx
gaende voertaen heeft de voirgenoemde Aert Snelle, quytgesconden
los vry ende ledich den selven Janne van Overstegen van allen
den haeffeliken goeden die den selven Aert byder doot vanden
wylen
voerscreven Cornelis Snelle syn ende van Dignen de gouderen
synen vader ende moeder in eenige manieren gebleven ende
verstorven moegen syn ende alle andere dies quitancie behoeven
geheelic ende al
Assignavit
XXVI July
Herman vanden
Houte
Gestelle, Voesdonck. Adriaen vanden Houte, wettich soon van Herman vanden
Houte ende van Lysbetten wylen Lysbetten Speelberchs desselfs
Hermans iersten wive heeft openbaerlic voir ons bekent dat
hem de selve Leeman syn vader goede ende rechtveerdige rekeninge
bewys ende betalinge gedaen heeft van allen den haeffeliken
ende erffeliken goeden bynnen der stad ende vryheyt van Mechelen
wesende ende gelegen die hem byder doot vanden voerscreven wylen
Lysbetten synder moeder toecomen gebleven ende verstorven syn
ende van wylen Janne Spoelberch synen ge goeyheere
gebleven ende verstorven moegen syn, Ende dairaf ende oic
van al tgene dat hy den voirgenoemde Herman, oft oic Laureys
be vanden Bossche ende Willem Speelberch van synen momboiren
vut zaken van dien goeden ende oic om des Regiments ende
bewints wille dat zyden deselve Herman syn vader daeraf
soude moegen heysschen
tot desen dage toe gehadt heeft heeft deselve Adriaen
quytgesconden los van ende ledich den voirgenoemde Herman synen
vader ende den voerscreven Laureys ende Willem synen momboiren
ende alle andere dies quitancie behoeven geheelic ende al
XXVIII July tempore simile
Claes van
Puttele et
ut supra
Heffene, Cale. Claes van Gangele ende Cristine Beecx syn wyf seggende
dat sy gheen wettige kynderen en hadden, hebben daer om gewilt ende
openbairlic voir ons geordineert dat de langhstlevende van hen beyden
soe lange die alsdan leven sal paysselic ende vredelic sal gebruyken alle
der haeffelike goeden waer die bevonden zelen worden die sy nu tertyt
hebben ende hier namaels oic hebben ende vercrigen zelen, Ende metten selven
goeden in synder noot moegen disponeren ende ordineren den wederseggen
van yemande ende oic den rechten ende coustumen daeraf ter contrarien
onderhouden niet tegenstaende. Behoudelic dien dat alle deselve
de voirgenoemde haeffelike goeden na des langhstlevende doot vander
voerscreven Claes ende Cristinen synen wive blivende toecomen ende versterven
zelen haeren gerechten erfgenamen dien die goeden na den rechte vander
voerscreven stad sculdich zelen syn toe te comene ende te verstervene, oft den
ghenen die sy deselve goeden samentlic met testamenten oft anderssins
geven ende maken zelen welke ordinancie wy ende oic Mol, Rende
Lange, Eyken, et Cale, onse medescepenen by crachte vanden
statute tanderen tyden daer op gemaect, geconfirmeert ende geapprobeert
hebben ende by onser ordinairder macht confirmeren ende appoberen Alle argelist
vutgescheyden
ut supra