Blader door transcripties » Stadsarchief Mechelen

archieftoegang 2, inventarisnummer 949, pagina 27

die toe te hoeren plagen Janne vanden Plassche gelegen
inde Bruesselstrate, tusschen Jans Jans de Weendt
erve aen deen zyde ende
Ex censu
de selve Janne Hemelrycx tot behoef als voer
heeft verreyct Een huys metten hove ende lande daer
aen liggende ende oic metten gronde etcetera, houdende omtrent
vyf buenderen, dat toe te behoeren plach der weduen
ende kynderen van wylen Janne vanden Eynde, gelegen over
den Nuwen Dyck ervorst tusschen twee straten aldair
aen beyde zyde
Ex censu
Jan vander
Wilgen
Rende, Cale. Bartelmeus Dierix ende Cornelis Leemans dekens
Quinten vanden Bossche ende Hubrecht Cornelis als gesworene
vanden ambachte vanden meden bynnen Mechelen, hebben
inden name ende om des meests orboirs ende profyts wille
vanden selven ambachte vercocht Janne vander Wilgen
drie gouden Rynsguldenen, elken van dien tot veertich
grooten Vlaems gelts gerekent erffelix chys Te heffene
Altyt opten sesten dach van julio op ende aen alle des
voirgenoemde ambachts erffelike goeden metten gronde etcetera
bynnen der stad ende vryheyt van Mechelen gelegen die
tselve ambacht nu tertyt heeft ende namaels hebben ende vercrigen sal
A Domino Mechliniensi, Waranderende etcetera.
Assignavit den XVI denier
VI July tempore simile
Henrick vanden
Eynde
Robyns, Cale. Paesschine van Borhem met Rommonden van
Afscheyde haeren man heeft vercocht Henricken vanden
ende Twee chysguldenen erffelix chys die de voirgenoemde
Pastyne hadde ende des voerscreven Henricx vanden Eyndest:t; op
tderdendeel van vier huysen metten hoven gronde etcetera
den voerscreven Henricken vanden Eynde toehoerende gelegen
deen neven dander inden Heembeempt tusschen Peters
van Beke erve aen deen zyde ende Henrick Wychmans
erve aen dander zyde. A Domino Mechliniensi, Waranderende etcetera.
Assignavit den XXVI denier
ut supra
Anthonis de
borge
Robyns, Lange. Katheline Herregots wedue van wylen Janne Boys
met Jacoppen de Monick nu tertyt haeren wettigen man ende
momboir, heeft opgedragen haer tocht die sy hadde inde erffelike
goeden metten gronde ende haeren toebehoerten hierna bescreven
ierst inde helft van eenen huyse met twee schueren ende
met eenen stuck lants daer achterliggende, houdende tsamen
anderhalff buender, gelegen tot Heffene opt Schotelvelt tegen
den vier van Blaersvelt over, tusschen Peter Caluwaerts
erve aen deen zyde ende des een Anthoenis de Borgere erve
ende tstuck lants hierna terstont volgende aen dander zyde
Item inde helft van eenen stuck lants houdende int geheeten
omtrent een vierendeel met eenen duyfhuyse daerop staende
gelegen aldaer byde Heyde, tusschen wylen Willems de Winter
erve aen deen zyde ende tvoerscreven ierste stuck lants daer aen dander
zyde. Item inde helft van eenen stuck lants houdende int
geheel omtrent een half vierendeel gelegen aldaer op tvoerscreven
Schotelvelt, tusschen Jans vander Hoeven erve aen deen zyde
ende des voerscreven Anthoenis de Borger erve aen dander zyde. Item inde
elfstedeel van dest:t; helft vanden derdendeele van eenen
stuck lants geheeten tot dat vierde Schoeff, ende in
Tvyfstedeel vander ander helft vanden selven derdendeele
vanden voerscreven stuck lants welck stuck lants is oic gelegen
tot Heffene tusschen Jan vanden Schore erve aen deen zyde
ende Jan Brucxkens erve aen dander zyde. Item in
tvyfstedeel van eenen stuck lants geheeten den Bogaert
houdende int geheel omtrent anderhalff buender gelegen
aldair, tusschen des voerscreven Anthoenis de Borgere erve
aldaer
aen deen zyde ende de Eyerstrate aen dander zyde, Ende
int tvyfstedeel van vier moeken Rogs ende een half
erffelix pachts, op dander helft vanden voirgenoemde huyse ende
jersten twee stucken lants met haeren toebehoerten boven
bescreven. A Domino Mechliniensi. Juravit tot behoef van Kathelinen Boys
haerer dochter dier ierst inne geerft wardt, Ende
daer naer heeft deselve Katheline Boys met Hubrecht
de Monick den jongen haeren man vercocht den voerscreven
Anthoenisen de Borgere, alle de voirgenoemde erffelike goeden
metten gronde ende haeren toebehoerten, boven bescreven
Waranderende. Opten last ende commer daer jaerlix vutgaende
Assignavit LXX Rinsgulden eens
IX July tempore simile
Mol, Robbyns. Katheline Belianen wedue van wylen Wouteren Marien
voer een thiendedeel, Barble Belyanen haer zuster met Henricken
van Yelingen haeren man inden name van haer selven ende oic inden
vanden voerscreven Katheline
name van Peteren Belyanen haeren brueder consent ende buyten lands