Blader door transcripties » Stadsarchief Mechelen

archieftoegang 2, inventarisnummer 949, pagina 206

Croene
Jan Lemmens alias
Lange, Rende, Joes Gielevoert voir hem selven, Margriete ende
Lysbeth Gielevoirt syne zusteren oic voer hen selven Jan de
Scotelere diemen heer Jan Gielevoert wylen Peters soon van
svaders wegen ende Jan de Scotelere diemen heet de Scaefmakere
vander moeder wegen als momboiren ende inden name van
Joese, Barblen, Lysbetten, Johannen ende Kathelinen Gielevoerts
wylen Henricx kynderen infra annos etcetera die sy in hen vervingen
hebben quytgesconden los vry ende ledich, Janne Lemmens diemen
heeft croene van allen den haeffeliken goeden die henlieden
byder doot van wylen Barblen Gielevoert zuster vanden voergenoemde
Joese, Margrieten ende Lysbetten ende moeye vanden voerscreven over jaer
kynderen een wyf doen sy leefde vanden selven Janne Lemmens
in eeniger manieren toecomen gebleven ende verstorven syn
geheelic ende al
XIIII octobry tempore simile
Willem sVolders
et uxor
Lange, Hulst, Losse Lanens wedue van wylen Janne van Aken ende
heeft opgedragen haer tocht die sy hadde inde helft van eenen
huyse geheeten den Keghelere metten gronde etcetera gelegen neven
de Veemarct, opten hoeck vander Perremarct, tusschen de selve
Pertmarct aen deen zyde ende een huys geheeten tGulden hoot
toehoerende aende van Dyest aen dander zyde streckende achterwerts
tot des goidshuys van Lelyendale erve. A Domino Mechliniensi, Juravit tot behoeff van
haer dochter
Lysbetten van Aken dier ierst inne geerft is, Ende dair naer
heeft de selve Lysbeth van Aken met Gielis de Bryere haeren man
ende Yden van Sinte synen wive
vercocht, Willeme sVolders barbier, de voergenoemde helft vanden voerscreven
huyse metten gronde etcetera Waranderende. Op vyf chysgulden daer vutgaendest:t;
vuten voerscreven geheelen huyse jaerlix gaende
Assignavit LXX Rinsgulden
XVI octobris
Lossie sVolders met Janne vanden Rode haeren man
heeft vercocht den voerscreven Willeme sVolders haeren vader haer
derdendeel ende alle trecht dat sy hadde in eendest:t; inde helft
vanden huyse boven genoemt. A Domino Mechliniensi, Waranderende. ut supra.
Assignavit X Rinsgulen
Lye Lanens
Item. De voergenoemde Willem sVolders he ende ende van Lynth
tot haeren live
syn wyf hebben bewesen, der voergenoemde Lossyen Lanens, twaelf gouden
Rynsgulden elken van dien tot veertich groten Vlaems gelts gerekent
jaerliker lyfpensien, Te heffene altyt tot Sint Jansmisse daeraf
den jersten termyn van betalingen syn sal van Sint Jansmisse
naestcomende over een jaer dair na volgende, Op ende aen haerlieder
helft ende derdendeel vanden voerscreven huyse. A Domino Mechliniensi, Waranderende. ut supra
ut supra
Willem sVolders
Lange, Hulst. De voergenoemde Lossye Lanens wedue van wylen
Janne van Aken cum tutore heeft opgedragen haer tocht die sy
hadde int derdendeel vander helft vanden de voirgenoemde huyse
A Domino Mechliniensi, Juravit tot behoef van Lossyen sVolders dier ierst inne
geerft is, Ende daer naer heeft de selve Lossye sVoldere met
Janne vanden Rode haeren man vercocht den voergenoemde Willeme
sVolders haeren vader, tvoergenoemde derdendeel vander helft vanden
voerscreven huyse, Waranderende. ut supra
Assignavit XVI Rinsgulden
XVI octobry tempore simile
Libery Gielis de
byder et uxore
ende Cortryke, Gielis de Brueder ende Lysbeth van Aken syn wyf
hebben gewilt ende openbaerlic voir ons geordineert dat alle
haere kynderen meyskens gelyc den kneckenst:t;st:t;
ende deen vanden anderen vercregen hebben ende hier namaels
deen vanden anderen vercrigen zelen moegen meyskens gelyc den
knechtkens ende knechtst:t; evengelyc ende in geliken deele ende
porcienst:t; porcien hebben deylen houden ende besitten selen alle
ende yegewelke alsulke haeffelike erffelike ende onberuerlike goeden
aldaer bynnen der stad ende vryheit van Mechelen wesende ende
gelegen als naer eensyegelycx doot vanden voergenoemde Gielise ende
Lysbetten haeren ouden bliven selen den rechten te coustumen
daeraf ter contrarien onderhouden niet tegenstaende behoudelic
hier inne dat Lambrecht ende Lijsbeth de Bruedere haer kynderen die
elc van hen tot haeren live hebben den haeff pond oude groten
opte stad van Mechelen sculdich zelen syn scilte staene sonder
deylen alsoe lange ende tot dier tyt toe dat haer ander kynderen
soe vele ende gelike lyftocht hebben zelen, oft daervoir vutten
gemeynen goeden alsoe vele penningen als als de voerscreven Lysbeth
gedragen hebbendest:t; ontfangen zelen
ut supra tempore simile
Peter Huyghs
Lange, Borch, Godevaert vanden Dorne die inde lyfpensien
hier na bescreven syn heffen ende dispositie hadde inden name
van hem selven ende oic inden name van Hubrechten vanden
Doerne synen soon onder syne jaeren wesen die hy in hem
verving heeft vercocht Peteren Huyghs spellemakere, twee
gouden Rynsgulden elken van dien tot veertich grooten
Vlaems gelts gerekent jaerliker lyfpensien, die de selve
Godevaert ende syn soon tot haeren liven ende tot des langhstlevende
live van hen beyden hadden, op des voergenoemde Peters huys
metter plaetsen gronde etcetera gelegen in Sinte Kathelinenstrate
tusschen Rommond Scellemans erve aen deen zyde ende Jans
van Rillaer erve aen dander zyde. A Domino Mechliniensi, Waranderende etcetera.
XVII octobris