Blader door transcripties » Stadsarchief Mechelen

archieftoegang 2, inventarisnummer 949, pagina 202

Henrick Wychman
tot men ende Marie
vanden Bloke syns wyf
behouff
Lange, Borch, Costen, Gommaer spellemakere heeft bewesen Henricken
ende
Wychman oic spellemakere vyfthien gouden Rynsgulden elken
aen
van dien tot veertich groten Vlaems gelts gerekent erffelix chys Te
heffene altyt tot Sint Jansmisse daeraf den jersten termyn van
betalingen syn sal tot Sint Jansmisse naestcomende op ende aen de
voirgenoemde drie huysen boven gescreven Ab Anthonio de Oeyenbrugge
Waranderende opten voirgenoemde chys, met vorwaerden dat de voergenoemde
costen sal moegen lossen ende quiten de voerscreven vyfthien ende eenen
halven Rynsgulden des voerscreven chys als hem dat gelieven
sal met eenen Rynsgulden te male ende niet min ende elken
gulden daeraf met sesthien geliker gulden ende met vollen chys
eens daervoer te betalen
Ultima augusti tempore simile
Mensa Rumoldo
Dyest, Vos. Jan Pauwels Augustyns soon heeft vercocht Aerde
Cleynaerts tot behoef vander taflen des Heylichs Geests vanden
prochiekerken van Sinte Rommonds bynnen Mechelen, drie
gouden Rynsgulden elken van tot veertich groten Vlaems gelts
gerekent erffelix chys, die hy hadde op een huys metten hove
gronde etcetera Janne Coeman toehoerendest:t; Raymakere toehoerende gelegen
op Neckerspoele inde Rechtstrate tusschen Willems Veelst erve
aen deen zyde ende Barblen Robbyns erve aen dander zyde. A Domino Mechliniensi,
Waranderende. Op twee chysgulden daer jaerlix voir vutgaende
X septembris
Magriete ende Barble
vanden Bossche
Lange, Borch. Philips vanden Bossche heeft opgedragen syn
tocht die hy hadde in een stuck beempts metten gronde etcetera
houden twee buenderen, gelegen tot Battele int Bynnendycx, tusschen
den beempt geheeten den Daelbruel, toehoerende der kerken van
Sinte Peters bynnen Mechelen aen deen zyde ende des goidshuys van
Muysene bempt aen dander zyde, comende metten eynde tot aende
Senne aldair. A Domino Mechliniensi, Juravit etcetera tot behoef van heeren ende Meester Gielis
vanden Bossche priester prochiaen der prochiekerken van Onser Liever
Vrouwen synen sone, dier ierst inne geerft wart, dair naer
heeft de selve Meester Gielis vanden Bossche Opgedragen ende
overgegeven tot behoeff van Margrieten ende Barblen vanden Bossche
synen zusteren, tvoergenoemde stuck bempts metten gronde etcetera Waranderende etcetera
twee oude groten Tournoyse daer vutgaende
sta septembry
Philips vanden Bossche
Item. De voergenoemde Margriete ende Barble vanden Bossche met
haeren momboiren, hebben bewesen, den voergenoemde Philips vander
Bossche haeren vader, syn tocht rustelyc ende vredelic te gebruyken
synen leefdach lange int voirgenoemde stuck bemps metten gronde etcetera
A Domino Mechliniensi, Waranderende etcetera.
ut supra
Liber Augustyn
Huens
Lange, Borch. Anthoenis Huens Augustyn Huens soon bywesene
ende consente van Henricken Huens, Janne van Wilgaerden, ende
Lodewyck van Berlaer synen momboiren, dair tegewoirdich syndest:t;
heeft vercocht Symoen Huens synen brueder opt synen ende tot
Hubrechten Jorysen, Janne ende Gheerd Huens synen bruederen behoeff
tzestedeel van eenen huyse metten gronde etcetera geheeten de cleyn
Vrancke, gelegen aenden Steenwech van Mechelen tusschen
Aert Cloets erve aen deen zyde ende der kynderen erve van
wylen Janne Huens aen dander zyde, van welken huyse
dander vive ste sestedeelen den voerscreven synen brueder
toebehoirende. A Domino Mechliniensi, Waranderende etcetera
Assignavit XLVIII Rinsgulden
ut supra
BarbletsRuysschers wedue van wylen Bertelmeus
Bake, heeft bekent dat sy gehadt ende ontfangen heeft van
Mathys Rabboots ende van Margrieten vander Donct synen wive
de somme van dertich gouden Rynsgulden elken van dien tot
veertich groten Vlaems gelts gerekent die vut saken van
huer
thien gouden Rynsgulden vanden voerscreven pryse jaerliker
erfrenten, die sy heeft Op een huys plemonde geheeten
metten gronde etcetera de voerscreven Mathyse Rabboots ende synen wive
toehoerende ende die haer van drie verledenen termynen de
op gevallen ende verschenen is daeraff Kersmisse lestleden
den lesten termyn ende leste jaer was
Rommont Godevaerts
Lange, Vos. Henrick vander Streke heeft vercocht Rommond
Godevaerts Spelleke, de helft van vier huysen metten
hove gronde etcetera gelegen deen neven dander buyten des
Hanswyckpoirte inde Rechtstrate opten hoeck vanden
clissen straetken tusschen tselve straetken aen deen
zyde ende Cornelis van Orssagen erve aen dander zyde
A Beato Rumoldo, Waranderende. Op Sesse chysgulden ende vier
scellinge Loevens vuten voerscreven vier geheelen huysst:t;
ende vier scellinge ende sesse penninge groten Brabants vuten
voirgenoemde vier geheelen huysen jaerlix gaende
Assignavit VIII Peters
VIII april
Pauwels Willems alias Freys heeft gekent ende
geleden dat hy gehadt ende ontfangen heeft van Gielise Vrancx de
somme van tweendoch Peters elken van dien tot sessendertich groten
Vlaems gelts gerekent vut saken vanden afquytingen van drie
veertelen Rogs erffelic jaerlix ende erffelicx pachts, die deselve Pauwels
met synen medeplegeren hadden op desselfs Gielis Vrancx goede
stuck lants gelegen tot Eyke aende Wilhame brugge ende
die de selve Gielis tegens den voerscreven Pauwels gecocht ende
afgequeten heeft van welken tweertich Peters ende oic vanden
des voirscreven palis
ende verschenen, heeft de selve Pauwels voir hem selven ende oic
voerscreven drie veertelen Rogs mitsgaders den achterstelle daeraf gemaect
inden name van allen synen medeplegeren die hem rechts
totten selven penningen oft pachte souden willen vermetten
quytgesconden los vry ende ledich, den selven Gielisen Vrancx
ende ons alle andere dies quitancie behoeven geheelic ende al