Blader door transcripties » Stadsarchief Mechelen

archieftoegang 2, inventarisnummer 949, pagina 201

Jan van Dormale
ende Jan Boots
Borch, Vos. Jan vander Gracht diemen heet vanden Zype
heeft vercocht Janne van Dormale ende Janne Boots een
stuck lants metten gronde etcetera houdende omtrent een halff
dachmale gelegen tot Hombeke tusschen de groot Sipstrate
aen deen zyde ende de cleyn Sipstrate aen dander zyde. A Domino Mechliniensi,
Waranderende. Op een half veertel Rogs ende twaelf groten Brabants
gelts dair vutgaende
Assignavit II Rinsgulden Rinsgulden eens
XXVI augusti
Jan vanden Damme
alias van Beneden
Lange, Hulst, Danckaert Rombout van Bruessel heeft vercocht
Janne vanden Damme diemen heet van Beneden wylen Aerts
soon des ouden, Twee Rynsgulden ende eenen halven de wetene
veertich groten Vlaems gelts voir elken van dien gerekent van sinen
derthien ende eenen halven geliker gulden erffelix chys, die hy
heeft op een huys metten hove gronde etcetera den selven Janne toehoerende
gelegen opte Zeylane tusschen een huys den Kerscorf geheeten
toebehoerende Henricken vanden Broeke aen deen zyde ende Andries
Huyghs spellemans erve aen dander zyde. A Johannes de Muysene file
quondam Johannes bastarde, Waranderende etcetera
Assignavit II Rinsgulden XVI denier
XX augusti
Joes de Smet
Lange, Diest. Adriaen van Oversteghe Jacopssoon heeft vercocht
Joese de Smet eenen hof metten gronde etcetera gelegen inde Nuwstrate
tusschen desselfs Joes de Smet erve aen deen zyde ende Willems
mile
van Oxellaer erve aen dander zyde. A Domino Petro de Herbeys, Waranderende.
op drie capuynen ende Sesse scellinge Loevens dair jaerlicx
vutgaende
Assignavit IX Rinsgulden
ultima augusty tempore simile
Vranck Cloet
Lange, Vos. Ambrosius de Haze scroedeckere heeft vercocht
Vrancken Cloet, Een huys metten hove gronde etcetera gelegen buyten
der Coepoirten opten Scheyselberch tusschen desselfs Vrancken
erve ander erve aen deen zyde ende Henricx van Sickele erve aen
dander zyde, A conventu de Lelyendale, waranderende. Op vyfthien scellinge
Loevens eenen capuyn vier mottoenen eenen chysgulden ende vier
scellinge sesse penningen groten Brabants gelts dair vutgaende
Assignavit XXXII groten
Ultima augusti
Lysbeth Paets wedue van wylen Vrancken vanden
Poele cum tutore heeft vercocht Aerde van Vuthem de helft van
eenen huyse metten hove gronde etcetera gele
Lange, Vos. Lysbeth Paets wedue van wylen Vrancken vanden
Aerts van
Poele cum tutore heeft vercocht Johannen vanden Broeke, de helft
voir hem wive van eenen huyse metten hove gronde etcetera gelegen buyten der
Janne vanden
Broeke
kerchofpoirten inde Rechtstrate tusschen Anthoenis vanden
Byest erve aen deen zyde ende Gielis Jan Wittebroots erve
aen dander zyde, A convente de Lelyendale, waranderende. Op sesse
scellinge Loevens twintich scellinge payments ende acht scellinge
ende sesse penninge groten Brabants gelts vuten voerscreven geheelen huyse jaerlix gaende
Assignavit IX Rinsgulden eens
Ultima augusti
Jan van Deken
Lange, Borch. Peeter Nys heeft vercocht Janne van Aken Beckere acht
gouden Rynsguldenen elken van dien tot veertich grooten Vlaems gelts
gerekent jaerlix chys Te heffene altyt tot als Heylige op den jersten
dach van Novembry daer af den jersten termyn van betalingen syn sal
st:t; vanden jersten daige van novembry naestcomende over een jair dair
naer volgende Op ende aen des voerscreven Peters huys metten gronde etcetera
gelegen inde Keyserstrate byde Neckerspoele poorte tusschen de veste
vander stad aen deen zyde ende Aerts van Herbroeck erve aen dander
zijde. Magriete, Ludovico Conroy, Waranderende. Op vier pont payments
erffelic
ende eenen capuyn daer voir vutgenest:t; ende sesse peters lyfpensien
daervoer vutgaende
Assignavit den XXI
Ultima april
Henrick Wychman spellemakere heeft Terve
gegeven Costen Gommaer oic spellemakere, Twee huysen metten
hoven gronde etcetera gelegen deen neven dander inde Hooghstrate
tusschen Willem Everaet he Helmslage aen deen zyde
streckende achterweerts tot den hove van
Milze Anthonisst:t; ende een huys metten hove gronde etcetera
gelegen inde voerscreven Hooghstrate tegens de voirgenoemde twee huysen
over tusschen Henricx vanden Bruggen erve aen deen zyde
ende desselfs Henricx Wychmans erve aen dander zyde
Anthonis de Oeyenbrugge. Te besittene op eenen erffeliken
chys van vyfthien ende eenen halven gouden Rynsgulden
elken van dien tot veertich groten Vlaems gelts gerekent Te
betalene altyt tot Sint Jansmisse dairaf den jersten termyn
van betalingen syn sal tot Sint Jansmisse naestcomende ende
opten voerchys
Joosten Gommaer
Lange, Borch, Henrick Wychman spellemakere heeft vercocht
Costen Gommaer oic spellemakere, Twee huysen metten hoven
gronde gelegen deen neven dander inde Hoogst:t; over de
Coremarct inde Hooghstrate by Sinte Jacops Capelle tusschen
Willem Everaet Helmslagen erve aen deen zyde ende Jans
van Roybrouck erve aen dander zyde streckende
achterweerts totten hove van Milze ende een huys metten hove
gronde etcetera gelegen inde voerscreven Hooghstrate tegens de voergenoemde
twee huysen over, tusschen Henricx vander Bruggen erve aen
deen zyde ende desselfs Henricx Wychmans ander erve aen
dander zyde. Ab Anthonio de Oeyenbrugge, Waranderende. Op Sesse
chysgulden de helft van vyf scellinge Loevens twee capuynen
ende eenen halven twee ende eenen halven oude grooten ende
dertich pond thien scellinge payments vuten voirgenoemde drie
huysen jaerlix gaende
Assignavit I gulden
den XXVI denier
Ultima augusti