Blader door transcripties » Stadsarchief Mechelen

archieftoegang 2, inventarisnummer 949, pagina 184

Hubrecht Stappen
et uxore
Lange, Heelt. De voirgenoemde Gommaer de Poirtere, heeft bewesen
den voerscreven Hubrechten Stappaert ende sinen wive vyf
gouden Rynsgulden, elken van dien tot veertich groten
Vlaems gelts gerekent erffelix chys Te heffene altyt
tot Sinte Jansmisse vutgenomen Sinte Jansmisse nu
naest toecomende, Op ende aen syn voirgenoemde Twee huyse
metten hove gronde etcetera boven bescreven. A Domino Mechliniensi, Waranderende etcetera
met alsulker condicien dat de voerscreven d Gommaers
de voirgenoemde vyf gouden Rynsgulden des voerscreven
chys sal moegen lossen ende quyten altyt als hem dat
gelieven sal met eenen Rynsgulden te male ende
elken Rynsgulden daeraf met sesthien gelyker
gulden eens ende met vollen chyse
VII Juny tempore simile
Meester Aert van
dieren
Idem. France de Byn st:t; byns stadhouder van Henrick
Balleman nu ter tyt deken vanden ambachte vander
spellemakers inder stad van Mechelen ter tytst:t;
absent wesene, Claes de Kelvere diemen heet van
Altere ende Gielis Daems geswoerene vanden selven
ambachte, hebben inden name vanden selven ambacht
vercocht meester Aert van Dueren, die gouden Ryns
gulden elken van dien tot veertich groten Vlaems gelts
gerekent erffelix chys die tselve ambacht hadde
Op een huys metten hove gronde etcetera den voerscreven
Meester Aerde toebehoerende, gelegen inden Crommen Elleboge
tusschen wylen Thomaes van Turnout erve aen
deen zyde ende Jans de Beckere erve aen dander zyde
A Domino Mechliniensi, Waranderende etcetera.
Assignavit den X denier
ut supra tempore simile
Katlyne vanden Broeke
Eyken, Keyenoege, Matheeus Tyelens ende Cornelis de vier van
svaders wegen, Wouter vander ende Machiel vanden
Broeke gebruederen vander moeder wegen, als momboiren
ende inden name van Kathelinen Tyelens wettigen
dochter van wylen Peteren Tyelens ende van Kathelinen
vanden Broeke synen wive, onder haere jaeren wesende
die sy in hen vervingen, hebben quytgesconden los vry
ende ledich der selver Kathelinen vanden Broeke van
allen den haeffeliken goeden der voirgenoemde Kathelinen Tyelens
byder doot vanden voerscreven wylen Peteren Tyelens haeren
vader ende der selver Kathelinen vanden Broeke ierste man
doen hy leefde, in eeniger manieren, gebleven ende verstorven
moegen syn ende alle andere dies quitancie behoeven
XIII Juny
Willem van
Bevere
Eyke, Keynoege, Van Wynant van Neckerspoele heeft openbairlic
voir ons bekent, dat hy gehadt ende ontfangen heeft
van Willem van Beveren, metsere, de somme van sessendertich
Arnoldus guldenen elken van dien tot twintich grooten
Vlaems gelts gerekent, die hy den selven Janne Wynant
als oem ende naeste mont sondere van wylen Francen
Wynant tanderen tyden vut zaken vander geconsiliacien
ende zoeninge vanden dootslage byden voerscreven Willem van
beven inde ende synen medeplegeren inden persoen vanden
voerscreven wylen Francen gedaen ende geperpetreert toegeseeght
ende gelooft heeft te betalene gevene ende te betalene ende
daeraff Jacop Wabbel ende van welken sommendest:t;
Jan Wabbels sessendertich Arnoldus guldenen Jacop
Wabbel ende Anthoenis Vossesteert den voerscreven Janne Wynant
syn meerder verzekerheyden
de vierentwintich guldenen, te oic tanderen tyden, voir
scepenen van Mechelen, bekent hebben tot zekeren overleden
terminen te betalene, Ende daeraf ende oic van al tgene
dat de voirgenoemde Jan Wynant den voerscreven Willem van Beveren
ende oic den voerscreven Jacoppen Wabbel ende Anthoenisen Vossesteert
in henst:t; eeniger manieren soude moegen heysschen, heeft de
voerscreven Jan Wynant Quytgesconden los vry ende ledich
den voerscreven Anthoenisen Vossesteert tot sinen behoef
ende oic tot behoef vanden voerscreven Willem van Beveren ende
Jacoppen Wabbel ende alle andere dies quitancie behoeven
geheelic ende al
Juny tempore simile
Jan Rabboots
Eyke, Keyenooge, Hubrecht Stappaert heeft vercocht Janne Rabboots
vyf gouden Rynsguldenen elken van dien tot veertich groten
Vlaems gelts gerekent erffelix chys die hy hadde op een
toehoerende naer de vert
huys metten gronde etcetera gelegen inde Naustrate tusschen
der stad van Mechelen erve aen deen zyde ende Jans de
Schoezitte erve aen dander zyde, streckende achterweerts totter
Delen toe, Ende op een huys metten hove gronde etcetera der
selven Gommaer de Poirtere oic toebehoerende, gelegen opten
Cattenberch, tusschen Lysbetten Boydens erve aen deen zyde
ende Jans de Schore erve aen dander zyde. A Domino Mechliniensi, Waranderende etcetera.
Assignavit den XVI Rinsgulden
ut supra
Eyke, Keynooge, Lysbeth van Waelhem wedue van wylen Janne
Daems cum tutore heeft opgedragen haer tocht die sy hadde
in een stucxken lants metten gronde etcetera houden omtrent
tzestich Roeden luttel min oft meer gelyc dat vanden van