Blader door transcripties » Stadsarchief Mechelen

archieftoegang 2, inventarisnummer 949, pagina 174

Peter van Steyne
Moelen
Rende, Ingelram. Henrick de Byn diemen heet Fierens becker
heeft vercocht Peter van Steynemoelen drie gouden
Rynsguldenen elken van dien tot veertich groten
Vlaems gelts gerekent erffelix chys Te heffene altyt
opten vyfsten dach van meye Op ende aen des voerscreven
Henricx huys metten gronde etcetera de Ghysele geheeten
gelegen inden Nyeuwen Bruel opten hoeck vanden
Vlyete tusschen den selven vlyet aen deen zyde ende
Gielis van Gottingnies erve aen dander zyde, op
thien gelike Rynsgulden daer jaerlix voir
vutgaende. A Domino Mechliniensi. Ende op desselfs Henricx huys
metten hove gronde etcetera gelegen inde Coestrate
over de leste brugge, tusschen Wouters vander
Moelen erve aen deen zyde ende Symoens vanden
Hoede erve aen dander zyde, opte weerde
van vyfthien scellingen neghen penningen groten
Brabants gelts dair jaerlix voir vutgaende
A conventu de Lelyendale, Waranderende etcetera
Assignavit den XXVI denier
V may tempore simile
Wouter van
Voesdonck
Heffene, Borch, Henrick Pauwels ende Lysbeth opte Beke syn
wyff, woenende tot Onser Vrouwen Wavere, hebben
gelooft ende elck van hen besunder ende voir al, Te
geven ende te vor ons voer hen haer hoir ende
nacomelingen, ongevrydt naer der divisen recht
te geven ende te betalene, Wouteren van Voesdonck
onsen medescepen, oft den brenger des briefs de
somme van vierentwintich gouden Rynsguldenen
elken van dien tot veertich groten Vlaems gelts
gerekent, totten termynen hier volgende Te wetene
deen helft daeraf tot Paesschen naest toecomende
ende dander helft tot Paesschen daer na soude
middel vervolgende, sonder eenigest:t; eenich wederseggen
soliten ende et preter datum prelaet die
conditit XII may XVa sesse ende
VI may
Jacop Preman
Voesdonck, Yngelram. Heer Gielis de Ronde priester ende Lysbeth de Rende
syn zuster met Daneel vanden Poele haeren man voir deen
helft, Anthoenis van Haesdonck ende Margriete van
Haesdonck syn zuster met Marten Daneels haeren man voir
dander helft hebben vercocht Jacoppen Perreman, haerliedest:t;
twee gouden ende Lijsbeth vander Lynden synen wive
Twee gouden Peters vander munten etcetera goede etcetera
wetene sessendertich grooten Vlaems gelts voir elken
van dien Peters gerekent van haeren sesse gelike Peters
erffelix chys, die sy hebben op des voerscreven Jacops
huys metten hove gronde etcetera gelegen tot Gheerdeghem
byden Driesch, tusschen de Heerstrate aldaer, aen deen
zyde ende Jans Machtilden erve aen dander zyde
Willeme vanden Dorpe, Waranderende etcetera
Assigna
VI may tempore simile
Laureys Boudens
Heelt, Ingelram. Lysbeth van Waelhem wedue van wylen Janne
Daems cum tutore heeft vercocht opgedragen haer tocht
die sy hadde in Twee huysen metten hove gronde etcetera
gelegen deen neven dander op Neckerspoele tegen de
Rechtstrate over tusschen Jans vanden Huffle erve aen
deen zyde ende der selve weduen ende haer kynderen erve
aen dander zyde streckende achterweerts tot opte Beke. A Domino Mechliniensi,
juravit tot behoef van Janne, Lysbetten ende Kathelinen daen
haeren kynderen tot wyens behoef de momboiren hier na bescreven
ierst daerinne geerft waren, daer naer hebben Willem
Daems ende Gielis vander Hoeven van svaders wegen
Gheerd vander Beelen ende Marten van Eykenvoirde
vander moeder wegen, als momboiren ende inden name
vanden voerscreven Janne, Lysbetten ende Kathelinen Daems
onder haer jaeren etcetera wesende, die sy in hen vervingen
vercocht Laureys Bouwens de voirgenoemde Twee huysen
metten hoven gronde etcetera boven bescreven, gelykerwys ende
in alle der manieren de selve twee huysen metten hove
niet lange geleden ter vierscharen van deser stad, ten
hooghsten ende meesten pryse vercocht syn geweest
A Domino Mechliniensi, Waranderende. Opte weerde van thien scellingen
Eenen penningen groten Brabants gelts ende drie scellinge
payments ende oic op twee gouden Rynsgulden elken
van dien tot veertich groten Vlaems gelts gerekent die
ter quitingen staen, elkenst:t; elken penning met twintich
geliker penningen eens ende met vollen chyse, daer
jaerlix vutgaende
Assignavit LXX Rinsgulden
VI may tempore simile
Jan Rabboots
Heelt, Ingelram. Katheline Rodewaerts met Rommonde Pieraerts
haeren man heeft vercocht Janne Rabboots, Sesse scellinge
groote Brabants gelts erffelix chys Te heffene altyt
tot Sinte Jansmisse vutgenomen Sinte Jansmisse naestcomende
op ende aen der voerscreven Kathelinen huys metter plaetsen
gronde etcetera gelegen inden Ouden Bruel tusschen der
wen erve van wylen Gielis de Coninck aen deen