Blader door transcripties » Stadsarchief Mechelen

archieftoegang 2, inventarisnummer 949, pagina 155

Cortryke, Eyken. De voirgenoemde Andries de Blare ende Amelbergh de Clere
syn wyff hebben gelooft ende elc van hen besunder ende voir
al dat sy Janne de Blare, Cornelisen van haren Janne van
Bonrode ende oper vanden Janne Goeyheers, altyt scadeloes
quyt houden ende ontheffen zelen vander betalingen van
alsulken sessendertich pond twaelff scellingen ende
twee penningen grooten Vlaems gelts als sy ende de
voirgenoemde Andries tsamen ende elc van hen besunder ende voir
al opten dach van heden bekent hebben heer Joes van
Ghestelle Ridder heer vanden Moere ende vander Maestede
tot zekeren terminen te betalene, Om welke gelooften, alsoe
volstentelic tonderhouden, Ende om der meerder zekerheyt
den henlieden daeraf te doen, Soe hebben de voirgenoemde
Andries ende syn wyff, den selven daervoer verbonden ende
te pande geset alle haere haeffelike goeden waer die
bevonden zelen worden ende oic alle haere erffelike goeden
metten gronde etcetera bynnen etcetera gelegen die sy nu tertyt
hebben ende hier namaels oic hebben ende vercrigen zelen
XVII January
Peter van Beke, dat Willem van Beveren
Twaelff gouden Rynsgulden elken van dien tot
veertich groten Vlaems gelts gerekent Te betalene tot
Onsen Lieve Vrouwen dage Lichtmisse naestcomende ende haer
voer heeft hy verbonden alle sine haeffelike ende erffelike
goeden metten gronde etcetera bynnen etcetera wesende ende gelegen
presenta et futura.
Jan de Cock scepman, et Joes Nyelen wettich soone
van Joes Nyelen, oic merman, sesthien pond groote Brabantsst:t;
Vlaems gelts Te betalene totten terminen hierna volgende
Te wetene de vyf pond groote daer af tot Sinte Jansmisse
naestcomende. Item de vier pond groote daeraf tot
Kersmisse daerna volgende. Item de vier pond groote daeraf
tot Sinte Jansmisse daer na volgende, Ende de drie ende
groote daer af tot Kersmisse daer naer oic sonder middel
vervolgende, Ende hiervoer heeft hy verbonden alle syn
haeffelike goeden waer die bevonden zelen worden die hy
nu tertyt heeft ende hier namaels oic hebben ende vercrigen
sal, sunderlinge syn scep met allen synen toebehoerten dat
hy tegewoirdelic tegen den selven Joes Nyelen gecocht
ende gecregen heeft
heffen, Lange. Jan vanden Broeke van Muysene den Janne
de Lange Janne den jongen, Sevenentzeventich
gouden Peters elken van dien tot sessendertich grooten
Vlaems gelts gerekent, Te betalene tot desen terminen, Te
wetene drie pond groote Brabants tot Paesschen naestcomende
Item vierendeertich Peters vanden voerscreven pryse tot half oeghst
daer navolgende de verveertich Peters vanden selven pryse totst:t;
Bamisse de negenentwintich Peters ende twaelff stuvers
daeraf tot Bamisse daerna oic sonder middel vervolgende
Ende hier voer heeft hy verbonden alle sine haeffelike goeden
waer die bevonden zelen worden ende oic alle sine erffelike
goeden metten gronde etcetera bynnen der stad ende van hen
van Mechelen wesene ende gelegen, die hy nu tertyt heeft
ende hier namaels oic hebben ende vercrigen sal
XIIII marty