Blader door transcripties » Stadsarchief Mechelen

archieftoegang 2, inventarisnummer 949, pagina 152

Cornelis vanden
Dale
Voesdonc, Keyenoogge. Jouffrou Margriete ende Katheline de Zwane
wylen Wouters de Zwane kynderen beghinen, cum tutore
Jan vander Elst van svaders wegen, aldaen de Costere
ende Jan vanden Hoede vander moeder wegen, als
momboiren ende inden name van h Lysbetten de
der voerscreven jouffrou Magrieten ende Kathelinen zuster
onder soe haer jaeren goet wesene, die sy in hen
vervingen, hebben vercocht, Cornelien vanden Dale
wylen Peters vanden Dale dochter, Een huys met eenen
hove borreputte ende heymelicheyt daer achterstaende
gronde etcetera gelegen inde Nokerstrate tusschen dair
meets linewevers erve aen deen zyde ende Jans
ende Barblen de Swane, den voerscreven kynderen de Zwane
brueder ende zuster erve aen dander zyde. A Johannes
de Muysene filio quondam Johannes de Muysene bastaerden
Waranderende. Opte helft vander weerden van eenen
scellinge ende drie penninge groote Brabants gelts
dair jaerlix vutgaende
XXI marty
De kynderen
Zwive
Item. De voirgenoemde Cornelie vanden Dale, dat
den voerscreven jouffrou Magrieten ende Kathelinen de Zwane
ende den voirgenoemde momboiren, totter voirscreven Lysbetten
de Zwane behoef dertich gouden Rynsgulden
elken van dien tot veertich grooten Vlaems gelts
gerekent Te betalene van Bamisse naestcomende
over een jair daer na volgende, Ende daervoer
heeft sy verbonden alle haere haeffelike goeden
waer die bevonden zelen worden, die sy nutert
heeft ende hier namaels oic hebben ende vercrigen
sal
Assignavit LXX Rinsgulden eens
ut supra
Joes de Vryese
de Vryese haer zuster hebben Quytgesconden los vry ende
ledich, Joes de Vryese haeren vader weduere van wylen
Heffen, Eyke. Jouffrou Barble de Vryese beghyne ende met
Barblen van Zugele diemen heet van Beringen ende
van allen den haeffeliken goeden, die henlieden byden
doot vanden voerscreven wylen Barblen van Zurle haer moeder
ende des voirgenoemde Joes haers vader jersten wive doen syn
in eeniger manieren gebleven ende verstorven moegen syn ende
alle andere dies quitancie behoeven
XXIII
Jan vander
strate
Heffene, Heelt. Henrick Lemmens Tymmerman heeft opgedragen
tot behoef van Janne vander Straten, Een huys metten hove
gronde etcetera dat wylen Peteren van Dyckele toe plach te hoorene
gelegen buyten de Kerchofpoirte inde Rechtstrate tusschen
dwatere vanden Vestbergen van Mechelen aen deen zyde ende
Margriete vander Byest erve aen dander zyde, streckende
achterwerts metten voerscreven hove totten voerscreven water toe
A convente de Lelyendale, Waranderende etcetera.
XXII marty
M
Blydende
Voesdonc, Heelt. Cornelis van Heffene onse medescepen, heeft
vercocht Olivier van Bredeghem tot behoef vander
goidshuyse van Blydenberghe staende by deser stad
derthien gouden Rynsgulden elken van dien tot
veertich grooten Vlaems gelts gerekent Te heffene
e
Altyt tot Kersmisse daeraf den jersten termyn
van betalingen syn sal tot Kersmisse naestcomende
op ende aen de voerscreven alle ende yegewelke desselfs
Cornelis haeffelike ende erffelike goeden metten
gronde etcetera bynnen de wesene ende gelegen die hy
nu tertyt heeft ende hier namaels oic hebben ende
vercrigen sal. A Domino Mechliniensi, Waranderende etcetera.
Assignavi
XXIII marcy tempore simile
Pot Retro
de Lepele
syne
Ka ende Clare
Heffen, Ingelram. Jan Goeyheers ende Henrick de Blaeuwe als
momboiren ende inden name van Janne ende Magrieten
infra een
Belianen, wylen Anthoenis Belianen kynderen die sy by bywesen
vanden selve Agneete ende oic by bywesen ende volcomen
consente van Gielisen van Ghestelle commoingmeester van
deser stad in hen vervingen, hebben achtervolgende onser
ende onse medescepenen ordinancien, bewesen Joerdaen de Lepele
diemen heet inden Ezel tot behoef ende ten live van
Kathelinen ende Claren de Lepelere, synen dochteren ende tot
des langhstlevende live van hen beyden, thien gouden Ryns
guldenen elken van dien tot XL groten Vlaems gelts gerekent jaerlike
lyfpensien Te heffene altyt opten jersten dach van April op ende aen
Jan ende
vanden huyse daer neven staende ende oic metten stallen gronde etcetera gelegen in Onser Vrouwen strate
inder weduen ende kynderen erve van wylen Willem Jolyns aen deen zyde ende Jan Mots erve aen
syde ende op haerlieder helft van eenen huyse metten gronde etcetera gelegen opten Haverwerf
Belle tusschen Jacops metter Vuyst erve aen deen zyde ende Peter Borremans erve aen dander zyde
sy, Waranderende opte weerde van vyfthien scellinge grooten Brabants gelts vut allen den voirgenoemde
Smet haeren voerscreven toebehoerten jaerlix voir vutgaende met alsulker condicien dat de
kynderen Belyanen de voergenoemde thien gouden Rynsguldenen der voerscreven lyfpensien zelen
in lossen ende quiten nade ierste vier toecomende jaeren ende niet eer ende alsdan altyt als hen
bekenen sal. Behoudelic dien dat sy dat den voerscreven werdaen sculdich zelen syn, een
haer te voeren, te hundigen, Ende elken Rynsgulden daeraf met thien geliker
eens ende met volder lyfpensien ius Jordans pater levabit et inde disponet
Ultima marcy tempore simile