Blader door transcripties » Stadsarchief Mechelen

archieftoegang 2, inventarisnummer 949, pagina 151

Gheert van
Benignen
Heffene, Lange. Henrick ende France Vrancx wylen Matheeus
kynderen voir hen selven, Ende de selve Henrick ende Jan
van svaders wegen ende Jan vander Commen vander moeder
wegen als momboiren ende inden name van Wouteren ende
Willem Vrancx der selver Henric ende Francens bruederen
noch
onder haer jaeren een wesende die sy by bywesene ende vanden
voerscreven Wouteren ende oic by bywesene ende volcomen consente
vanden van Gielis van Ghestelle commoingmeester
van deser stad in hen vervingen, hebben vercocht
Gheerd van Benignen, Een huys metten hove gronde etcetera
gelegen op Neckerspoele inde Rechstrate tusschen Jan
Alens erve aen deen zyde ende Jans van Poele erve aen
dander zyde, gelyckerwys ende in alle der manieren, tselve
huys metten hove tanderen tyden ten hooghsten ende
meesten pryse ter vierscharen van deser stad vercocht
is geweest. A Domino Mechliniensi, Waranderende. Op seventhien scellinge
Loevens erffelic ende twee veertelen Rogs lyfpen
dair jaerlix vutgaende
Assignavit XI Peters
XVIII marty
Marten de
Bressere
Willem van Beveren
Heffene, Heelt. Margriete Gulden coop met Lodewyck Brant haer
man voer deen helft, Ende Jan ende Peter Coelemans gebeu
voir dander heeft helft, hebben vercocht Marten de Bresse
Eenen gouden Rynsgulden goet, Te wetene veertich groten
Vlaems gelts voir dien gerekent erffelix chys, die sy hadden
op een huys metten hove plaetsen stallen gronde etcetera den
Helm geheeten gelegen opte Veemarct, tusschen Aerts van
Puersse erve aen deen zyde ende der weduen ende kynderen erve van wylen
aen dander zyde. A Domino Mechliniensi, Waranderende etcetera.
Assignavit XV denier
XX marty
Boys ende
Peter van Steyne
Molen
Item. Aert vanden Vekene als een tochtenere, Jan
Gheerd ende Claes vanden Vekene syne kynderen, Ende Lysbeth
vanden Vekene haerlieder zuster met Rommond Herbouts
als erfgenamen
haeren man hebben vercocht Peteren van Steynemoelen
Eenen drie gouden Rynsguldenen elken van dien tot
veertich grooten Vlaems gelts gerekent erffelix chys
Te heffene altyt opten twintichsten dach van meerte
op ende aen des voerscreven tochteners ende erfgenamen huys
met eenen cleynen huyse daer achterstaende gronde etcetera
gelegen inden Nyeuwen Bruel opten hoeck vander derde
Vleeschouwersstraten, tusschen de selve aen deen zyde ende de
voerscreven Gheerds vanden Vekene erve aen dander zyde. A Domino Mechliniensi,
Waranderende. Op Seven chysgulden thien pond payments ende
vyf gelike chysguldenen daer jaerlix voir vutgaende
Assignavit den XI denier
ut supra
Gielis van
Relegeem
Heffen, Lange. Katheline Keyenoege met Meester Janne
Be de Clemens diemen heet Bourbonnos
haeren man voer deen helft ende jouffrou Jehanne Booms
wylen st:t; Jan Booms dochter beghyne heeft voir
dander helft, hebben Terve gegeven Gielis van
Relegheem blemakest:t; cooperslagere, Een huys metten
hove gronde etcetera gelegen inde Bruesselstrate, tusschen Jans
Gielis vanden Brande erve aen deen zyde ende Wouters
van Battele wyfs erve aen dander zyde. A Domino Johanne
vander Aa. Te besittene op eenen erffeliken chys van
drie gouden Rynsguldenen, elken van dien tot
veertich grooten Vlaems gelts gerekent, Ende die te
betalene altyt tot Sinte Jansmisse vutgenomen
Sinte Jansmisse nu naestcomende, Ende opten voirchys van
drie chysgulden achtentwintich scellinge payments
ende twee capuynen daer jaerlix vutgaende
Assignavit X Rinsgulden gulden XI denier
XX marcy tempore simile
Jan vander Eyken
iet tot
Cale, Keynoege, Gheerdt de Wechtere ende Katheline vander Nuwermolen
syn wyf, by consente van Gheerde de Wechtere haeren soon ende van
Clase van Altere daervoer oeghen synde, hebben quytgesconden los
synen wive van allen alsulken haeffeliken goeden als den voerscreven
vry ende ledich, Janne vander Eyken ende Margrieten Goessens
Gheerde den vader, byder doot van wylen Wouteren vanden Brande
synen neve, die ierste man was doen hy leefde vander voerscreven
Margrieten Goessens in eeniger manieren toecomen gebleven ende
verstorven moegen syn, ende alle andere dies quitancie behoeven
geheelic ende al
prima may
Gheert de
Wechter
Item. De voirgenoemde Jan vander Eyken voir hem selven ende inden
name vander voerscreven Margrieten Goessens synen wive heeft
geconsenteert, dat alsulke quitancie, als de voergenoemde Gheerdt, den
voirgenoemde Janne ende synen wive, tanderen tyden, Te wetene opten lesten
dach in februario lestleden voer ons als scepenen gegeven heeft
daer inne hy syne medeerfgenamen vervangen heeft te nieuwte
gedaen worden gecasseert ende anchilleert, als van gheender
weerden ende met synde, Ende heeft voertaen, de selve Jan vander
Eyken gelooft dat hy hem niet dier quitancien nemmermeer
met rechte oft anderssins behelpen ende sal, in eeniger manieren
alle argelist vutgescheyden
ut supra