Blader door transcripties » Stadsarchief Mechelen

archieftoegang 2, inventarisnummer 949, pagina 14

Gheerdt van
Muysene
Robyns lange, Henrick van Eykele, diemere de Vrouwen vanden
Beckhove heeftst:t; woenende, onder deyff van Rumpst
heeft gelooft ongevrydt naer der divisen recht oft gebeurden
in toecomenden tyden dat Gheerde van Muysene eenigen stoot
oft stade quame, vut zaken vanden overheysch die de
voirgenoemde Henrick tanderen tyden inden persoon van Peteren St
grooten heeft
Smet diemen heet de Staefmakere oft vanden costen ende
interesten die deselve Peter daerom gehadt ende geleden
heeft dat hy in dien gevalle, den voirgenoemde Gheerden, tegen
den voirgenoemde Peteren ende elken anderen altyt scadeloos quyt
houden ende ontlasten sal sonder eenich wederseggen
III Juny tempore simile
Jan Schinckel
Bosch, Heffene. Jan Schuel diemen heet vanden Scriecke ende
Barbier
de Moens syn wyf seggende dat sy gheen wettige kynderen
en hadden, hebben daerom gewilt ende openbaerlic voir ons
geordineert dat de langhstlevende van hen beyden soe lange
die alsdan leven sal paysselic ende vredelic sal gebruyken alle der
haeffelike goeden die sy nu tertyt hebbenst:t; ende erffeliker goeden
bynnen der stad ende vryheit van Mechelen wesende ende gelegen
die sy nu tertyt hebben ende hier namaels oic hebben ende vercrigen
selen, Ende metten selven haeffeliken goeden mogen disponeren
ende ordineren den wederseggen van yemande ende oic den rechten
ende coustumen vander voerscreven stad dairaf ter contrarien onderhouden
niet tegenstaende. Behoudelic dien dat alle de voirgenoemde goeden
erffelike
na des langhstlevende doot vanden voerscreven Janne ende Yden synen
wive blivende, toecomen ende versterven zelen haeren gerechten
erfgenamen dien die goeden na den rechte vander voerscreven stad
sculdich zelen syn toe te comene ende te verstervene, oft den
gheenen dien sy deselve goeden samentlic met testamenten
oft anderssins geven ende maken zelen welke ordinancie wy ende
oic Voesdonc, Mol, Robbyns, Rende, Eyke ende Cale
onse medescepenen by crachte vanden statute tanderen tyden dair op
e
gemaect geconfirmeert ende geapprobeert hebben, Ende by
onser ordinaerder macht confirmeren ende approberen alle argelist
vutgescheyden
VII Juny tempore simile
Vlieck, ende Aert van Beringen ende Margriete Vastermaels syn
wyf ende Jan vander Stappen ende Barble vastemaels syn wyf alle
woenende tot Wildekest:t; Willebroeck, hebben gelooft ende
elc van hen bestendeert ende voir al, ongevrydt naer der divest:t;
Jacop Loot
voir hen hair hoir ende nacomelingen, ongevrydt naer der
divisen recht jaerlix ende erffelic bynnen Mechelen te geven
ende te betalen, Jacop Loot synen erffgenamen ende nacomelingen
alle jaere ten eeuwigen daghen altyt tot Kersmisse, alsulke
elff gouden Rynsgulden elken van dien tot veertich groten Vlaems
gelts gerekent erffelix chys, als de selve Jacop tanderen tyden
tegens de voirgenoemde gelovens, op zekere haerliede erffelike
goeden tot Wildebroeck gelegen naer vutwysen van zekere
scepenen brieven daer op gemaect, gecocht ende gecregen heeft
sonder eenich wederseggen met alsulker condicien dat de
voirgenoemde gelovert selen mogen lossen ende quyten de voerscreven elf
ende
gouden Rynsgulden des voerscreven chys altyt
erffelike rente als hen dat gelieven sal elken penning
dairaff met sesthiene geliker penningen ende met volder vollen
chyse
verschen ander Berctst:t; dair voir te betalen
VIII Juny tempore simile
Heer Rommond vanden
Beke priester
Yngelram, Cale. Hubrecht vander Beke, wettich soon van wylen
Jacoppen vander Beke inden name van hem selven ende oic inden name
van Jacoppen vander Beke ende van Margrieten vander Beke, Henricx
Ryelmans diemen heet Boys wive synen brueder ende zuster absent wesende
die hy in hem vervinghe, hebbende de voirgenoemde Hubrecht, om tgene te doen
dat hier na bescreven staet vanden voirgenoemde Jacoppen, Margrieten ende
Henricken Ryelman haeren man volcomen macht gelyc ons dat
by twee procuracien daerop gemaect ende bezegelt metten zegel ten zaken
vander stad van Mechelen claerlic bleke, voir de drie vyfstedeelen ende
Barble vander Beke den voerscreven Hubrecht Jacops ende Margrieten
vander Beke zuster met Cornelis van Nyspen haeren man voer tvierde
vyfstedeel, hebben vercocht heer Rommond vander Beke priester haerer
brueder haer vier vyfstedeelen van eenen huyse metten gronde etcetera
daeraf st:t; tvyfste vyfstedeel den selven heer Rommonden toebehoert
gelegen inden Nieuwen Bruel van Mechelen, tusschen de voerte
vanden huyse den Craen geheeten, toebehoerende der weduen ende
kynderen van wylen Henricken van Oprode aen deen zyde ende der
weduen ende kynderen erve van wylen Willem van Eelwyt aen dander
zijde. A Domino Mechliniensi, Waranderende. Op vier chysguldenen vier pond vyfthien scellinge
payments ende de weerde van twee scellingen ende sesse penningen
grooten Brabants gelts daer vuten voirscreven geheelen huyse jaerlicx
gaende
Assignavit C Rinsgulden erffelicx
daerinne begrepen den chys
Willem vanden
Vekene et uxor
Heffene, Yngelram. Daneel vander Heyden, heeft vercocht Willem
vanden Vekene Wageman ende Marien de Neve synen wive drie gouden
Rynsguldenen elken van dien tot veertich grooten Vlaems gelts
gerekent erffelix chys die de voirgenoemde Daneel hadde op des
voerscreven Willems ende syns wyfs huys metten hove gronde etcetera