Blader door transcripties » Stadsarchief Mechelen

archieftoegang 2, inventarisnummer 949, pagina 136

Mensa Sinte
Katheline
dien tot veertich grooten Vlaems gelts gerekent erffelix chys
Te heffene altyt opten twintichsten dach van februario, Op
ende aen des voirgenoemde Peters huys metten hove gronde etcetera
gelegen inden Heembeempt, tusschen Jans van Couwelaer
erve aen deen zyde ende Henrix vanden Eynde erve aen
dander zyde streckende achterweerts tot opte Heergracht
A Beato Rumoldo, Waranderende. Op twee capuynen achtien penningen
Loevens vyf pond payments ende vier gouden Rynsguldenen
elken van dien tot veertich grooten Vlaems gelts oic gerekent
dair jaerlix voir vutgaende voertaen, heeft de voerscreven Peter
gelooft dat hy bynnen eenen jaeren tyts nu naest toecomende
Assignavit den XXX
wel ende custbaerlic sal doen metsen, den voerscreven van sinen
voerscreven hove liggende opte voerscreven Heergracht, sonder eenich
wederseggen
Assignavit XVI
XX february
Daneel Snellen
Alyt sekerst:t;
Heffen Mylen Alyt vander Elst wedue van wylen Jacop de Clerck
cum tutore, heeft opgedragen haer tocht die sy hadde, in
tegenste tderdedeel vanden eenen derdedeele van twee
huysen metter plaetsen gronde etcetera gelegen deen neven dander
in Onser Vrouwen strate, by Onser Vrouwen kerchoff van Mechelen
tusschen de selve kerchoff aen deen zyde ende Henricx van
Henegouwe erve aen dander zyde, comende achterweerts metter
voerscreven plaetsen tot aende Rogie toehoerende der voerscreven Onser Vrouwen
kerken. A Domino Mechliniensi, Juravit tot behoef van Janne de Clerck haeren
sone dier ierst inne geerft wardt daer naer heeft de
selve Jan de Clerck vercocht Daneel Snellinck vettewarien
tvoirgenoemde derdededeel vanden voerscreven derdedeele vanden voirgenoemde
twee huysen metter plaetsen gronde etcetera boven bescreven Waranderende
opten last ende commer dair jaerlix vutgaende
Assignavit XIII Peters XII stuvers groten Brabant
XXI february
Heffen, Ingelram. Jan vander Relegheem wettich sone van wylen Janne
van Relegheem voir een zevendeel Lysbeth van Relegheem
syn zuster met Janne Eelens haeren man, Katheline Margriete van
Relegheem haerlieder zusteren cum tutore, Henrick van Relegheem
van svaders wege ende de voerscreven Jan van Relegheem van
svaders wegen ende Jan van Leestst:t; Baesrode vander moeder
wegen, als momboiren ende inden name van Rommond ende Peter
Moch de
Bethania
van Relegheem oic der voerscreven kynderen van Relegheem
bruederen, onder haer jaeren etcetera wesende die sy by bywesene
ende volcomen consente van Gielisen van Ghestelle
commoingmeester van deser stad in hen vervangen, Ende
oic de voerscreven Jan van Baesrode, inden name van Marien
van Releghem oic de voerscreven kynderen van Relegheem
zuster absent wesende die sy in hen vervingen hst:t; hy in hem
vernueght, hebbende om tgene vander voerscreven Marien
wegen te doen dat hier na bescreven staet vander selver
Marien ende van Henricken van Nyerlaer haeren man
volcomen macht gelyc ons dat by eender procuracien daer
op gemaect ende bezegelt metten zegel ten zaken vander
voerscreven stad, claerlic bleke, hebben vercocht Brueder
Janne van Peer als professenst:t; pater ende tot behoef
vanden goidshuyse van Bethanien, staende byder selver
stad, Een huys metten hove gronde etcetera gelegen buyten
den Wykene opte Dele, tusschen Jan des voerscreven Jans
van Baesrode erve aen deen zyde ende Jans de Poirtere erve
aen dander zyde, streckende achterweerts tot aen des voerscreven
goidshuys van Bethanien erve. A Domino Petro de Herbays
milite, Waranderende. Op drie pond derthien scellinge payments
ende anderhalven chysgulden daer jaerlix vutgaende
Assignavit X gulden
february tempore simile
Katlyne Greven
Heffene, Wyelen. Henrick de Coninck heeft vercocht Kathelinen
screven alle trecht ende deel dwelck hy hadde ende hem
byder doot van wylen Lysbetten sConincx synen in synder
nichten gebleven ende verstorven is in een thuys metten hove
ende metten rechte van eenen weghe tot eenen putte ende oic
metten gronde etcetera gelegen inde Oeverstestrate, over de
Corenmarct van Mechelen tusschen een huys de Scheer
geheeten toehoerende Janne de Neve mede aen deen zyde ende
Henrick Wychmans erve aen dander zyde. A Dominen
Barbara Schooff, Waranderende etcetera
Assignavit Rinsgulden
supra tempore
de selve
Item. Jan vanden Holle heeft vercocht Katst:t; der voirscreven
Kathelinen sGreven, syn achtstedeel ende allet recht
dwelcke hy hadde ende hem byder doot van wylen
Willem vanden Hoyeren oem gebleven ende verstorven
is in tvoirscreven huys metten hove gronde etcetera boven bescreven
A Domino Barbara Schooff, Waranderende etcetera.
Assignavit
ut supra