Blader door transcripties » Stadsarchief Mechelen

archieftoegang 2, inventarisnummer 949, pagina 134

Katlyne van Bergen
Cale, Keyenoogge. Rommond de Smet tot behoef van Kathelinen van
Berghen synen wive, heeft verreyct Een huys metten hove
gronde etcetera dat toe te behoeren plach, Gielisen Couthals gelegen
in Onsen Vrouwen strate tusschen Peter Ghysbrechts erve
aen deen zyde ende der weduen ende kynderen erve van wylen Jan
Loy van dander zyde
Ex censu
XV february
De selve
Item. De selve Rommont tot behoef als voer heeft verryct
Twee huysen oft cameren metten hoven gronde etcetera die tot
behoen plagen dive van Berghen, gelegen in Onser Vrouwen
strate tusschen des huys vanden ziekenlieden erve staende
byder voerscreven stad aen deen zyde ende Jans vanden Rode
erve aen dander zyde
Ex censu
ut supra
Bossche
Barthelmeus vanden
Voesdonck, Lange. Rommond vanden Bossche tot behoef van Bartelmeus vanden
Bossche synen vader heeft verreyct, Een huys metten hove gronde etcetera
dat toe te behoeren plach der weduen ende kynderen van wylen Janne
de Neve, gelegen opte Voldershergracht tusschen Jans van
Battele erve aen deen zyde, ende der weduen ende kynderen
erve van wylen Henricken van Cortryke, aen dander
zyde
Ex censu
ut supra
Kerstiaen vanden
Brande
Eyke, Cale. Jan de Schoezittere vettewarier, heeft Terve gegeven
Kerstiaen vanden Brande voldere, Een huys metten hove gronde etcetera
gelegen tot Neckerspoele inde Ballemansstrate tusschen Jans
vanden Waerde erve aen deen zyde ende Jans vander Straten erve
aen dander zyde, streckende achterweerts totten watere toe
A Domino Mechliniensi. Te besittene op eenen erffeliken chys van anderhalven
gouden Peter elken van dien tot sessendertich grooten Vlaems
gelts gerekent, Ende die te betalene altyt tot Sinte Jansmisse
daeraf den jersten termyn van betalingen syn sal tot Sinte Jansmisse
naestcomende over een jaer daer na volgende, Ende opten voirchys
van vyff scellinge Loevens daer jaerlix vutgaende, met
alsulker condicien, dat de voerscreven Kerstiaen sal moegen lossen
ende quiten altyt als hem dat gelieven sal den voirgenoemde
anderhalven gouden Peter des voerscreven chys met eenen halven
Peter te male ende elken Peter daeraf met sesthien geliker
Peters eens ende met vollen chyse
Assignavit
XI february tempore simile
Laureys Ruymen
Lautet van
Heffene, Borch, Katheline vanden Oevere wedue van wylen Willem
van Berzele diemen heet Bert cum tutore heeft opgedragen haer tocht
die sy hadde, in een huys metten hove gronde etcetera gelegen inde
Aedegheemstrate tusschen Jan Janssoons erve aen deen zyde
ende Lysbetten de Corpe erve aen dander zyde. A Domino Petro de
e
de
hiermans milite jaer tot behoef van Lysbetten van Beerzele haer
dochter daer ierst inne geerft wardt daer naer wettigen
wive van Janne Vleming haer dochter dier ierst inne
geerft wardt, Ende daer naer heeft de selve jouffrou
Lysbeth van Berzele met eenen vremden momboir, hebbende
de selve jouffrou Lysbeth om tgene te doen met haeren voerscreven
momboir dat hierna bescreven staet vanden selven Janne
Vleming haeren man volcomen macht gelyc ons dat by
eender procuracien daer op gemaect ende bezegelt metten
gemeynen scependen zegel der stad van meester inden
erffel claerlic bleke vercocht Laureys Ruymelant tot
synen ende Kathelinen de Houwere syns wyfs behoef tvoirgenoemde
huys metten hove gronde etcetera, Waranderende op twee chysguldenen
ende opst:t; de helft van drie oude groetecournoyse ende eenen
halven ende van twee capuynen, Ende op drie gouden
Rynsguldenen elken van dien tot veertich grooten Vlaems
gelts gerekent, dair jaerlix vutgaende
Assignavit XIIen XX Peters eens
XVI february
Claes van
Altere
Lange, Eyken, Wouter van Battele, heeft vercocht Claes de Kelvere
diemen heer van Alters sesse scellinge groote Brabants gelts
erffelix chys, die de voirgenoemde Wouter hadde, op des voerscreven Wouter
Claes huys metter plaetsen gronde etcetera gelegen in Sinte
Kathelinenstrate tusschen desselfs Claes ander erve aen deen
zijde ende Jans heere erve aen dander zyde. A Johannes de Muysene
filio quondam Johannes Bastarde, Waranderende etcetera
Assignavit XVI denier
XXXst:t; february
Jan vander
waerden
Eyke, Cale. Jouffrou Johanne Spoecx beghine cum tutore heeft opgedragen
ende overgegeven tot behoef van Janne vander waerden ende van
Lysbetten sBocx synen wive ende der voerscreven jouffrou Johannen zuster
Een huys metten hove gronde gelegen buyten de Blocpoorte
tusschen Henricx de Vettere erve aen deen zyde ende Gielis hys
erve aen dander zyde. A Domino Mechliniensi, Waranderende etcetera de voerscreven Jan vander
waerden tot synen ende totter voirscreven Lysbetten syns wyfs behoef
waertere inne geerft
XVII february