Blader door transcripties » Stadsarchief Mechelen

archieftoegang 2, inventarisnummer 949, pagina 129

Peter van
Releghem
Cortryke Ingel men van Releghem met Henricken van Meerbaerts
man, heeft vercocht Janne van Baesrode, als momboir ende tot behoef
van Peteren van Relegheem des voerscreven Marien brueder drie veertelen
Rogs goede ende custbare Mechelscher maten, erffelix pachts die sy hadde
ende haer inder scheydingen ende deylingen tanderen tyden tusschen
haer haeren brueder ende zusteren geschiet aengescheyden ende aengedeylt
syn te hebbene, op zeker erffelike goeden metten gronde bynnen
der prochien van Leest gelegen den kynderen van wylen Peteren
vanden Bossche toehoerende. A Domino Mechliniensi, Waranderende etcetera.
Assignavit XX gulden
february tempore simile
Castia infra
Eyke, Ingelram. Machiel Yswyn heeft vercocht Jannes Vrancx alias
rentmeester ende tot behoef vander aelmoessen kisten, vanden
eenen beghinen staende bynnen den beghynhove van deser stad
Een pond groote Brabants gelts erffelix chys Te heffene
vyfthienden dach van februario daeraf den jersten termyn van
altyt tot twee terminen, Te wetene deen helft daeraf
opten vyfthienden dach van Augusto ende dander helft opten
betalingen syn sal opten vyfthienden dach van Augusto naestcomende
op ende aen desselfs Machiels huys metten hove gronde
houdende tsamen omtrent een buender luttel min oft meer
gelegen inde Lange by Penningstrate, tusschen Jans vanden
zone erve aen deen zyde ende Jorys de Weendt erve aen
dander zyde, streckende achterweerts tot aen Aerts vanden houden
ende Daneel Dregge erven, toe. A Domino Mechliniensi, Waranderende. Opte
weerde van eenen ponden negen penninge groten ende
vyfthien myten Brabants gelts daer jaerlix voir vutgaende
Assignavit den XVI denier
XX february
de
Belyen
Borch wylen Willem Belyen heeft vercocht Thomaes Belyen
synen brueder, Een huys metten hove gronde etcetera tween
geheeten gelegen inde Aedeghemstrate opten hoec vanden
Heydestraten, tusschen de selve aen deen zyde ende der
weduen ende kynderen erve van wylen Gheerde van Bevalle
aen dander zyde. A Domino Petro de Herbays milite, Waranderende.
op derthien scellinge Loevens vier capuynen, Seven ponden
ende een half payments vyf chysguldenen ende de weerde
van drie grooten ende eenen halven Brabants gelts daer
jaerlycx vutgaende
Assign
Xa february
Eyke, Ingelram. Henrick Wabbel ende Jan Quaeys van svaders wegen
Henrick Hoefman ende Jan Caputsteen vander moeder wegen, als
momboiren ende inden name van Claren Wabbels wettige dochter van
Joes Wabbel
Joes Wabbel ende van wylen Claren de Byn synen wive, onder haeren
jaeren etcetera wesende die sy in hen vervingen, hebben Quytgesconden
los vry ende ledich den voerscreven Joes Wabbel van allen den haeffeliken
goeden die de selver Claren Wabbel byder doot vander voerscreven
wylen Claren de Byn haere moeder ende desselfs Joes wive doen
sy leefde, in eeniger manieren gebleven ende verstorven moegen
syn ende alle andere dies quitancie behoeven
XV february tempore simile
Clare Wabbels
Eyke, Ingelram. De voirgenoemde Joes Wabbels ende Jan Quaeys den heer den
voerscreven Henricken Wabbel Henricken Hoefman ende Janne
Caputsteen als momboiren ende tot behoef vander voerscreven Claren
Wabbels de veerthien gouden Rynsguldenen elken van dien tot
veertich grooten Vlaems gelts gerekent Te betalene bynnen
eenen jaeren tyts naestcomende, Ende soelange heeft de
selve Joes Wabbel gelooft de voirgenoemde Clare syn dochter met
hem bynnen synen huyse te houden ende haer eten drincken
cleederen schoenen ende al tgene des haeren levene noot syn sal tamelic
te gevene, sonder mindernisse vander voerscreven scult, Ende om der
meerder zekerheyt der voerscreven Claren de van tgene dat
voerscreven staet te doene Soe hebben de voerscreven Joes Wabbels ende
Jan Maeys deselve den voerscreven momboeren tot selver Claren behoef
daervoer verbonden alle haer haeffelike goeden metten gronde etceterast:t;
waer die bevonden zelen worden underlinge deselve
Jan Maes syn twee huysen oft woeningen metten hove
gronde etcetera gelegen op Neckerspoele inde Beghinenstrate
tusschen tsel aldaer aen deen zyde ende den kerchoff aldaer
aen dander zyde, opte weerde van Seven scellinge sesse penningen
groten Brabants gelts daer jaerlix voir vutgaende
ut supra
tusschen deselve pries es bevorweert ende ondersproken, oft gebeurde dat
de selve Clare Wabbel bynnen den voerscreven Seven naest toecomende
jaeren van live ter doot quame dat alsdan de selve Joes daer selve
claren erfgenamen niet meer sculdich en sal syn te geven
van thien Rynsgulden vanden voerscreven pryse eens
Petrus dictus Scabins
ut supra
Borch, Eyken Augustyn ende Rommond vandenst:t; Margriete ende
Katheline vanden Campe, wettige kynderen van wylen
Rommond vanden Campe, hebben ende van wylen Dignen
Torts desselfs Rommonds jersten wive, hebben quytgesconden