Blader door transcripties » Stadsarchief Mechelen

archieftoegang 2, inventarisnummer 949, pagina 128

Mensa Rumoldo
Zieck ende Cranck was, heeft inden name ende om des
meests orboirs ende profyts wille vander selver taflen
opgedragen ende overgegeven vut zaken van wysselingen
voir anderen erffeliken chys, tot behoef vander voerscreven
taflen des Heylichs vanderst:t; Gheests vander voerscreven Sinte
Rommonds kerken, tsevendedeel van vierentwintich chysguldenen
erffelix chys, dat de voerscreven tafle des Heylichs Gheests van Sinte
Jans hadde opte voirscreven Jans ende Claes Schoeff huys oft
woeninge metter plaetsen hove gronde etcetera boven bescreven ende
eenen chysgulden ende vyf pond payments oic erffelix chys
die de voirgenoemde tafle des Heylichs Gheests van Sinte Jans hadde
op zekere erffelike goeden metten gronde etcetera bynnen der voirscreven
stad van Mechelen gelegen de voirgenoemde taflen des Heylichs
Gheests van Sinte Rommonds toehoerende. A Domino Mechliniensi, Waranderende. De voerscreven
proviseurs vander taflen des Heylichs Gheests van Sinte Rommonds
totter selve behoef waerden daerinne geerft
VIIafebruary
Mensa Johanne
Rende Eyken, de voirgenoemde proviseurs vander taflen des Heylichs Gheest
vander voerscreven kerken van Sinte Rommonds, hebben inden name ende
om des meests orboirs ende profyts wille vander selver taflen
opgedragen ende overgegeven vut zaken van wysselingen voir
anderen erffeliken chys, tot behoef vander voerscreven taflen des Heylichs
Gheests van Sinte Jans anderhalven chysgulden erffelix chys
die de voirgenoemde tafle des Heylichs Gheests van Sinte Jans hadde
op zekere erffest:t;de voerscreven toest:t;
des Heylichst:t; opte Voldershergracht gelegen der voirgenoemde taflen
des Heylichs Gheests van Sinte Jans toehoerende. A Domino Mechliniensi, Waranderende.
etcetera de voirgenoemde proviseurs vanden voerscreven taflen des Heylichs Gheests
van Sinte Jans totter selve taflen behoef waerden daerinne geerft
ut supra tempore simile
Mensa Rumoldo
Item. Willem van Papenbroeck ende Jan vanden Eynde
als proviseurs vander taflen des Heylichs Gheests vander prochie
kerken van Neckerspoele, hebben inden name ende om des meester
orboirs ende profyts wille vander selver taflen opgedragen
ende overgegeven vut zaken van wysselingen voir anderen erffeliken
chys, tot behoef vander voerscreven taflen des Heylichs Gheest
vander voerscreven kerken van Sinte Rommonds, tsevendedeel van
vierentwintich chysguldenen erffelix chys dat de voerscreven
tafle des Heylichs Gheests van Neckerspoele hadde
opter voerscreven Jan ende Claes Schoeff huys oft woeninge
metter plaetsen hove gronde etcetera boven bescreven, Ende
sessentwintich ende eenen halven scellinge Loevens vier chysgulden
vier scellinge
derthien sesse pond ende sesse penning payments erffelix chys die de voirgenoemde
tafle des Heylichs Gheests van Neckerspoele hadde op zekere
erffelike goeden metten gronde etcetera bynnen etcetera gelegen de voirgenoemde
taflen des Heylichs Gheests van Sinte Rommonds, toehoerende. A Domino Mechliniensi,
Waranderende etcetera de voirgenoemde proviseurs vanden voerscreven taflen des Heylichs Gheests
van Sinte Rommonds tot selve behoef waerden daer inne geerft
V february tempore simile
Mensa de Neckerspoele
Rende, Eyken, de voerscreven proviseurs vander voerscreven taflen des Heylichs Gheests
vander voerscreven kerken van Sinte Rommond hebben inden name ende
om des meests orboirs ende profyts wille vander selver taflen
opgedragen ende overgegeven vut zaken van wysselingen voir anderen
erffeliken chys tot behoef vander voerscreven taflen des Heylichs
Gheests vanden voerscreven prochiekerken van Neckerspoele, eenen
chysgulden ende twee pond acht scellinge payments erffelicx
chys die de voerscreven tafle des Heylich Gheests van Sinte
Rommonds hadde op zekere erffelike goeden metten gronde etcetera
gelegen op Neckerspoele gelegen, der voerscreven taflen des
Heylichs Gheests van Neckerspoele toehoerende. A Domino Mechliniensi, Waranderende.
te de voerscreven proviseurs vanden selve taflen des Heylichs Gheests
van Neckerspoele totter selve behoef waerden daer inne
geerft
ut supra tempore simile
Meester de Muysene
Cortryke, Lye. Broeder Jan Adriaens priester prioer des godshuys van
Hanswycke, staende byder voerscreven stad, by bywesene ende volcomen
oic vier
consente van brueder Willem van Hazeldonck, gelegien ende procurator
desselfs goidshuys heeft inden name ende om des meests orboirs ende
profyts wille de vanden selven goidshuyse vercocht brueder
Peteren Cops oic priester als confesseur ende tot behoef vanden
goidshuyse van Muysene acht veertelen Rogs goede etcetera Mechelscher
maten erfpachts die tvoerscreven goidshuys van Hanswycke hadde op
desselfs goidshuys van Muysene stuck lants metten gronde etcetera
geheeten Masmans block gelegen inde prochie van Muysene
tusschen desselfs goidshuys van Muysene ander erve aende
drie zyden ende de Dele aldaer aende vier zyde. A Domino Mechliniensi, Waranderende etcetera.
Assignavit LXXX Peters
XX february