Blader door transcripties » Stadsarchief Mechelen

archieftoegang 2, inventarisnummer 949, pagina 118

tusschen Margrieten der kynden erve aen dander deen
zyde ende Wouters van Voesdonck erve aen dander zyde, Ende
syn tocht die hy hadde in dander helft vanden selven
Twee huysen metten hove gronde etcetera. A Domino Mechliniensi, Waranderende.
opte weerde van Twaelff scellinge groten Brabants gelts
dair jaerlix vutgaende
Assignavit XXXV Rinsgulden
XIIII January
Henrick vanden
huer
Idem. De voirgenoemde Luyse de den voerscreven Henrick
vander Mere vivendertich gouden Rynsguldenen elken
van dien tot XL groten Vlaems gelts gerekent Te
betalene deen helft tot Kersmisse naestcomende ende
dander helft tot Kersmisse daer na ter stont volgende
Ende daervoer heeft sy verbonden alle haere haeffelike
ende erffelike goeden metten gronde etcetera bynnen groten wyf
ende gelegen die sy nu tertyt heeft ende namaels oic
hebben ende vercrigen sal
ut supra
Jan de Gorttere
Heffen, Eyken, Jan de Gorttere wylen Willems de Gorttere soon, heeft
bekent dat hy verhuert heeft Aert vander cammen ende
Lysbetten sWillen synen wive woenende tot Zempse onder den
heer van Grymbergen, Ende deselve Aert ende Lysbeth syn
wyff hebben oic bekent, dat sy tegen den selven Janne de
Gorttere, gehuert hebben syn hoeve metten huysen schueren
hove bogaerde landen eeusselen bosselkens ende anderen
haeren toebehoerten tot Zemps gelegen, Eenen termyn van
twaelff jaeren langh geduerende ende deen na dander te
stont volgende die inne gaen ende beginnen zelen tot
opten vyfthienden dach van meerte naestcomende, Ende soe
voertaen zelen gedueren den selven termyn behoudelic dien
oft eenich van heyest:t; vanden voerscreven partien ten eynde vanden
jersten sesse jaeren van dien souden willen scheyden vanden
anderen dat sy dat zelen mogen doen meer zelen dat den
anderen sculdich syn een half jaer te voren, te seggene, ende
vut zaken van deser hueringen hebben de voirgenoemde Aert
vander cammen ende Lysbeth sWilden syn wyf gelooft ende elc
van hen besunder ende voir al ongevrydt na der divisen
recht te geven te betalen ende te leveren den voirgenoemde Janne
de Gorttere oft den bringer van desen bynnen der voerscreven stad
van Mechelen, ter plaetsen daer hem dat gelieven sal elc
Jans vanden voerscreven twaelff jaeren altyt tot Kersmisse
sessendertich veertelen Rogs goede ende custbare Mechelscher
De selve
maten van alsulken Rogge, als opte voerscreven hoeve by tyden wassen
sal ende oic twee pond vyfthien scellinge groten Brabants gelts
daeraf den jersten termyn van betalingen syn sal tot Kersmisse
naestcomende, des es in deser hueringen tusschen den voirgenoemde
Janne de Gorttere ende den voerscreven Aert vander cammen ende
Lysbetten sWilden synen wive, ondersproken ende bevorweert
Ende deselve Aert ende Lysbeth syn wyf hebben dat oic toegeseet
te doene, dat sy alle jaere den voirgenoemde eerst geduerende opte voirgenoemde
huysen zelen decken oft doen decken vier dagen tyt tusschen
Paesschen ende Bamisse daer toe zelen sy leveren soo eenen
ende de meucost voir de verlyede
ende dach Roeyen ende de voerscreven Jan sal betalen, de dachteren. Item
dat sy de vanden vanden voerscreven huysen tot haeren afscheyden zelen
laten in alsulken state ende Perre als sy die ten aenveerden vander
selver hoeven bevinden zelen. Item dat sy oic tot haeren
afscheyden opte voirgenoemde hoeve oic laten zelen twe twaelff
schat voederen met ende oft dies met ende stroot meer ware
dat sal de voerscreven Jan behouden tot goeden mannen pryse ende
Tparen. Item dat sy den voirgenoemde hoff bethuynen ende beheymen
zelen ter straten waert, sonder des voirgenoemde Jans cost oft last
Ende dat sy ten alle der huynen tot haeren afscheydene vanden
voerscreven hoeven laten zelen in alsulken state als sy die hy
tot ten aenveerden vander selverhoeven, bekinden zelen. Item
dat de voirgenoemde Jan sal hebben ende hysen vuten bogaerde
van synder voerscreven hoeven den besten Fruyt boom die hem gelieven
sal, Ende de voerscreven Aert ende syn wyf zelen alle dander
Ruyboomen hebben ende behouden tot haeren verdoene. Item
dat de voerscreven Aert ende syn wyff voer elken verdoeden wylen
etten zelen twee wylen poten ende daer toe zelen sy oic alle
hande setten opte voirscreven hoeve tot alsulke plaetsen als den
voerscreven Janne gelieven sal, Twaelff wilgen peten, Ende dat
sy oic alle de Steenwilgen tot haeren afscheydene vander
selve hoeven laten zelen in alsulken state als sy die oic
bebringen zelen
bewinden ende aenveerdene vanden selve hoeven, Ende dat
de voirgenoemde Jan den voerscreven Aert ende Lysbetten synen wive
tot elken twee jaeren geven sal, drie elken lakens tot eenen
tabbaerde, oft eenen scellinge sesse penninge groote Brabants
gelts eens
XVI Juny
tot daer
III stuvers jonckeren recht
Quine Blanckens
Lysbeth Boschmans wedue van wylen Peteren van Coelen
diemen heet inden Pollepel als een tochtenersse ende Peter van
Coelen haer soon, als een erffgenaem, hebben vercocht Janne van
haren ende Janne Marchant als proviseurs ende tot behoef vanden
taflen des Heylichs Gheests vander prochiekerken van Onser